მარიამ ფოლადაშვილი

დღის განმავლობაში დიდი ხნის (საშუალოდ 10 საათზე მეტი) ეკრანებთან გატარება და ხანგრძლივად ჯდომა (მაგალითად, ბევრი ადამიანი დღეში რვა საათზე მეტს ატარებს სამსახურში, ჯდომით რეჯიმში).

მიუხედავად იმისა, რომ ზოგიერთი ადამიანი კისრის ტკივილს და დაჭიმულობას ტრავმის ან სამედიცინო მდგომარეობის შედეგად განიცდის, ადამიანების უმეტესობისთვის ეს ნამდვილად ყოველდღიური, არასწორი ცხოვრების წესის (უმოძრაობის) ბრალია.

მთელი დღის განმავლობაში კისრის დახრილ მდგომარეობაში ყოფნამ (ქვემოთ ყურებამ) შეიძლება გამოიწვიოს კისრის კუნთების გადაღლა და დაჭიმვა. როდესაც კისრის არე გაღიზიანებულია, კუნთები ზეწოლას ახდენენ ნერვებზე, რამაც შეიძლება გამოიწვიოს მხრის, მკლავის, ხელის და თავის ტკივილი. ამის თავიდან აცილების უმარტივესი გზებია ხერხემალზე სტრესის შემცირება და კისრის მოქნილობის შენარჩუნება.

სკამზე ჯდომისას, მოხრილობა იწვევს ხერხემლის სტრუქტურების მეტ ცვეთას. ეცადეთ, შეინარჩუნოთ სწორი პოზიცია (გულმკერდის გარეთ, მუცელი დაჭიმული, მხრები გასწორებული).

თქვენ უნდა შეინარჩუნოთ სწორი პოზიცია ყოველდღიური საქმიანობის შესრულების დროს, მაშინაც კი, თუ ამას მეტი ძალისხმევა სჭირდება.

კომპიუტერთან ჯდომისას, კომპიუტერის ეკრანი მოთავსებული უნდა იყოს თვალის დონეზე, კლავიატურა იდაყვის სიმაღლეზე, ისე რომ ხელები ქმნიდნენ ორ 90 გრადუსიან კუთხეს. დააწყვეთ წიგნები კომპიუტერის ქვეშ, ამ პოზიციის შექმნის გასამარტივებლად.

თუ ლეპტოპზე მუშაობთ მთელი დღე, გამოიყენეთ გარე კლავიატურა და მაუსი.

ხანგრძლივად, თავის დახრილ მდგომარეობაში ყოფნა, ანუ ქვემოთ ყურება შესვენების გარეშე, იწვევს კისრის დაჭიმულობას, ამიტომ, თუ აპირებთ ტელეფონზე დიდხანს უყუროთ რაიმეს, ან კითხულობთ წიგნს, დაიჭირეთ ან დაამაგრეთ იგი თვალის დონეზე.

დაჯექით სავარძელში, თავი გადაწიეთ უკან, შეისვენეთ ყოველ საათში, რათა დაასვენოთ კისერი.

არ დაიძინოთ მუცელზე, უმჯობესია დაიძინოთ ზურგზე ან გვერდზე.

გააკეთეთ კისრის გაჭიმვითი ვარჯიშები, დღეში რამდენჯერმე:

• გადაწიეთ თავი მხრის მიმართულებით(ჯერ ერთ, შემდეგ მეორე მხარეს);
• გადაწიეთ თავი უკან, ამის შემდეგ, მოატრიალეთ ჯერ მარჯვნივ, შემდეგ მარცხნივ;
• მოატრიალეთ მხრები ჯერ მარჯვენა, შემდეგ მარცხენა მიმართულებით