რჩევები, თუ როგორ უნდა მართოთ ეგზემა გაზაფხულზე და ზაფხულში
ახასიათებს კანის გამოშრობა,ქავილი, დასკდომა. სიმპტომები ზოგჯერ შეიძლება გაუარესდეს, ზოგჯერ კი საერთოდ გაქრეს.
არსებობს ეგზემის მაპროვოცირებელი გარკვეული ფაქტორები, მათ შორისაა გარემოში არსებული ალერგენები. სეზონურმა ცვლილებებმა ასევე შეიძლება გამოიწვიოს ეგზემა, ამიტომ წლის გარკვეულ დროს,განსაკუთრებით გაზაფხულზე და ზაფხულში, ეგზემის მქონე პირებს შეიძლება დასჭირდეთ დამატებითი ზრუნვა ეგზემის სამართავად.
მიუხედავად იმისა, რომ არსებობს სხვადასხვა ტიპის ეგზემა, ყველაზე გავრცელებული ტიპია ატოპიური დერმატიტი.
ატოპიური დერმატიტის მქონე ადამიანებმა შეიძლება განიცადონ შემდეგი სიმპტომები:
- კანის სიმშრალე და ქავილი;
- წითელი ლაქები(ანთებითი კერების არსებობის შემთხვევაში);
- კანის გასქელება დაზიანებულ ადგილებში
ეგზემის მკურნალობა მოიცავს მაპროვოცირებელი ფაქტორების(ტრიგერების) თავიდან აცილებას, რაც ხელს უწყობს სიმპტომების სიმწვავის შემცირებას.
ეგზემის მართვა გაზაფხულის და ზაფხულის პერიოდში მოიცავს:
ალერგენებზე ტესტის ჩატარებას;
შედარებით გრილ გარემოში ყოფნას(რადგან, ოფლიანობა ამწვავებს ეგზემის სიმპტომებს);
მზისგან დამცავი საშუალებების გამოყენებას, ეგზემის არსებობის შემთხვევაში კანი მგრძნობიარეა და შესაძლოა ადვილად განვითარდეს დამწვრობა, თუმცა, მოერიდეთ სუნამოების შემცველ პროდუქტებს, რამაც შეიძლება კიდევ უფრო გაამწვავოს არსებული ანთება.
ჩამოთვლილი ღონისძიებების გარდა, აუცილებელია ჰიდრატაცია, სტრესის დონის შემცირება, ვინაიდან სტრესის მაღალმა დონემ შეიძლება გამოიწვიოს ჰორმონალური ცვლილებები, რაც იწვევს ანთებით რეაქციებს, კანის სისუფთავის შენარჩუნება და მისი დატენიანება.