რა ნიშნები ახასიათებს აპენდიციტს
ის მსხვილი ნაწლავის იმ ადგილიდან გამოდის, სადაც მსხვილი ნაწლავი წვრილ ნაწლავს უერთდება. აპენდიციტი აპენდიქსის ანთება და ინფექციაა.
აპენდიციტის გამომწვევი ზუსტი მიზეზი ცნობილი არ არის. თუმცა, მას უმუტეს შემთხვევაში აპენდიქსში წარმოქმნილი ბლოკადა იწვევს, რომელიც შესაძლოა გამოწვეული იყოს უცხო სხეულით ან, იშვიათად, ჭიებით. ამ დროს აპენდიქსი ხდება ანთებითი და ინფიცირდება. შესაბამისი მკურნალობის გარეშე, ანთება გრძელდება და შესაძლოა აპენდიქსი გასკდეს. გამსკდარი აპენდიქსიდან ბაქტერიებით სავსე ნაწლავის შიგთავსი მუცლის ღრუში იღვრება და პერიტონიტს(მუცლის ღრუს ანთება) იწვევს, რამაც შესაძლოა სიცოცხლისთვის საშიში ინფექციის განვითარება გამოიწვიოს.
აპენდიციტის სიმპტომები:
თავდაპირველად ტკივილი იწყება მუცლის ზედა ნახევარში(შესაძლოა ტკივილი აღინიშნებოდეს მუცლის შუა ნაწილიც) ან ჭიპის გარშემო. ტკივილი მოვლითი ხასიათისაა და რამდენიმე საათის შემდეგ ვლინდება სხვა სიმპტომებიც:
- გულისრევა;
- მადის დაქვეითება;
- ტკივილი მუცლის ქვედა მარჯვენა ნახევარში - ამ ადგილზე ზეწოლისას მუცელი მგრძნობიარეა, ხოლო ზეწოლის სწრაფი მოხსნისას ტკივილი შეიძლება მკვეთრად გაძლიერდეს;
- ტემპერატურა (37,7 - 38,3)
მოძრაობისას, ხველებისას ტკივილი ძლიერდება.
ბავშვებში აპენდიციტის დროს ტკივილი შეიძლება მთელ მუცელში ვრცელდებოდეს და არა მხოლოდ მუცლის მარჯვენა ქვედა ნაწილში.
მკურნალობის მთავარი მეთოდი ქირურგიული ჩარევაა.