რა სიხშირითა და პერიოდულობით უნდა გამოვცვალოთ ბალიში
ყელისა და კისრის ტკივილით, დიდი ალბათობით საჭიროა ბალიშის გამოცვლა.
ძილის პეციალისტები მიიჩნევენ, რომ ბალიში უნდა განვაახლოთ წელიწადში ან 2 წელიწადში ერთხელ მაინც, შიგთავსის და ძილის ჩვეული პოზის გათვალისწინებით. წინააღმდეგ შემთხვევაში ბალიში არა მარტო ბრტყელი გახდება, არამედ გადაიქცევა მტვრის ტკიპების თავშესაფარად, რომელიც ასევე ძალიან ბევრი პრობლემის მომტანია ჯანმრთელობისთვის.
როგორ გავიგოთ შესაცვლელია თუ არა ბალიში? ამისთვის საჭიროა ტესტის ჩატარება. ბალიში მოკეცეთ შუაზე, დააწექით რომ გამოიდევნოს არსებული ჰაერი და გაუშვით ხელი. თუ ბალიში დაიბრუნებს საწყისს ფორმას, მასში ბევრია შიგთავსი საიმისოდ რომ კარგად დაიჭიროს კისერი და თავი. თუ ეს ასე არ მოხდა, ბალიში შესაცვლელია, რადგანაც მან დაკარგა ფუნქციური თვისებები. ასეთი ტესტი უნდა ჩავატაროთ ყოველთვის, როგორც კი ძილი გაუარესდება და ძილის შემდეგ აღინიშნება თავისა და კისრის ტკივილი.
რამდენად ხშირად უნდა გაირეცხოს ბალიში? რადგანაც ადამიანი ძილში სიცოცხლის მესამედს ატარებს, ბალიში ბუნებრივია გარდაიქმნება ბაქტერიების, კანის მკვდარი უჯრედების, ცხიმოვანი გამონადენის, მტვრის წყაროდ, რითაც იკვებება სწორედ მტვრის ტკიპები. ამან ყველაფერმა შეიძლება გამოიწვიოს აკნე, კანზე გამონაყარი, ყელის ტკივილი, ალერგიის შეტევები. ამიტომ ყოველ სამ თვეში ერთხელ ბალიში უნდა გაირეცხოს.
სპეციალისტები ასევე გვირჩევენ გამოვიყენოთ სპეციალური დამცავი შალითა. ის გაუხანგრძლივებს სიცოცხლეს ბალიშს და დაგვიცავს მტვრის ტკიპასთან პირდაპირი კონტაქტისაგან.