როგორ დავათბოთ სახლი ზამთარში და როგორ შევარჩიოთ გამათბობლები
სუფთა ჰაერზე ყოფნა, მით უმეტეს, თუ თოვლიც არის, შემდეგ კი როცა შეცივებული შინ ბრუნდები, სიმყუდროვე და სითბო გხვდება. სხვადასხვა გამათბობელი საშუალების გამოყენება დაგვეხმარება, რომ ბინაში მუდმივი სითბო გვქონდეს, მაგრამ თუ კარ-ფანჯრები მჭიდროდ დაგმანული არ არის და იქიდან ცივი ჰაერი უბერავს, ოთახებში სითბოს ვერ შევინარჩუნებთ.
-
"ფუღურო გაქრა"
როგორ ამოვავსოთ კარ-ფანჯარაში არსებული სიცარიელე? რადიკალური საშუალება, რა თქმა უნდა, ძველის ახლით შეცვლა, მეტალოპლასტმასის კომპლექტის დაყენებაა. ერთხელ და სამუდამოდ დაცული იქნებით როგორც მტვრის, ისე ხმაურისაგან და სითბოც შენარჩუნებული იქნება, ქარიც ვერაფერს დაგაკლებთ.
მათთვის კი, ვისაც კარ-ფანჯრის გამოცვლის საშუალება არა აქვს, ძველი, გამოცდილი მეთოდია კარ-ფანჯრის ჭუჭრუტანების ამოვსება. საამისოდ უამრავი საშუალება იყიდება. შეიძლება თავადაც დაამზადოთ. სპეციალური საშუალებები, რომლებიც აკავებენ სითბოს, ხელს არ უშლიან კარის ან ფანჯრის გაღებას და არც მათ გარეგნულ სახეს ამახინჯებენ. ისინი დამზადებულია ფენოპოლიეთილენის, პოლივინილქლორიდებისა და რეზინისგან. ფორმას არჩევენ ჭუჭრუტანის ზომების მიხედვით. საშუალებები, რომლებიც თვითონ ეწებებიან ზედაპირს, უფრო აიოლებენ პროცესს. კიდევ ერთი რამ - დამათბობელი საშუალებების დაწებება უნდა მოხდეს მანამ, სანამ გარეთ ჯერ კიდევ არ ცივა.
-
თბილა თქვენთან?
ცივ ზამთარში შეიძლება გავთბეთ სხვადასხვაგვარი გამათბობლით. არსებობს ე.წ. ზეთის გამათბობელი. ეს მოდელი საკმაოდ უსაფრთხოა და ფასიც ხელმისაწვდომი აქვს.
კონვექტორი, ისევე როგორც ზეთის გამათბობელი, არ შთანთქავს ჯანგბადს, სამაგიეროდ შესაძლებელია მისი სტაციონარულად მიმაგრება კედელზე. გამათბობელი, რომელსაც "სითბურ ქვემეხს" უწოდებენ, სწრაფად ათბობს დიდ ფართობს, ჭერის ვენტილატორი კი საშუალებას არ აძლევს თბილ ჰაერს, "ზედა ფენებში" ავიდეს.
ელექტროენერგიის ეკონომიის საშუალებას იძლევა ინფრაწითელი გამათბობლები. მათგან გამოყოფილი სითბო არ ერევა ჰაერს, არამედ შთაინთქმება გარემომცველი ზედაპირების: კედლების, ავეჯის მიერ. ნესტიანი შენობისთვის (სარდაფი, აუზი) ზედმეტი არ იქნება ჰაერის ამომშრობის გამოყენება. ის დაგეხმარებათ ნესტის ნეიტრალიზებაში. მისი ეს "უნარი" იზომება განსაზღვრული დროის ერთეულში წყლის რაოდენობის ამოშრობით.
სიცივეში, მით უმეტეს, თუ გარეთ ყინვაც არის, თქვენი ბინისთვის ნამდვილად შეუცვლელია კერამიკული (ფაიფურის) თბოვენტილატორი, რომელსაც ღოწენტა-ს კომპანია აწარმოებს. ეს ხელსაწყო წამებში ახერხებს გაათბოს ჰაერი და თანაბრად გაანაწილოს ის მთელ ფართობზე.
ვენტილატორი აბსოლუტურად უსაფრთხოა, ის თავად არეგულირებს სითბოს ცვლას და გააჩნია გადახურებისგან დაცვის მექანიზმი, ზიანს არ აყენებს ჯანმრთელობას.
როგორც თბოვენტილატორი, ასევე ზეთოვანი გამათბობლები კარგად ერწყმიან ბინის ინტერიერს. არსებობს ჰაერის ულტრაბგერითი დამატენიანებელი ხელსაწყო, რომელსაც აქვს ტენის მოცემულ დონეზე შენარჩუნების სისტემა, რაც ქმნის კომფორტულ მიკროკლიმატს თქვენს სახლში.
ფართოდ იყენებენ გაზის გამათბობლებს. ისინი სხვადასხვა ტიპისაა - განსხვავდებიან ფორმით, ზომით, ფერით, უსაფრთხოების თვალსაზრისით. რაც დრო გადის, სულ უფრო დახვეწილი მოდელები შემოდის ხმარებაში. სხვადასხვა მოდელი სხვადასხვა ფართობის გასათბობად არის განკუთვნილი.
ზოგ გამათბობელში აირი ოთახში იწვის და ნამწვი იქვე გროვდება, რაც დიდ საფრთხეს უქმნის ჯანმრთელობას. ასეთ შემთხვევაში აუცილებელია ოთახის პერიოდული განიავება. გამათბობლების უმეტესობას ოთახის, შენობის გარეთ მილით გააქვს ნამწვი და ამით დაცულია ჯანმრთელობა. თუმცა აუცილებელია ყურადღება მიექცეს, საითკენ არის მიმართული მილი, რათა ნამწვი ისევ შენობაში არ მოხვდეს. მნიშვნელოვანია გაზის გამათბობლის ისეთი მოდელის შერჩევა, რომელსაც დამცავი მექანიზმები აქვს. გარდა ამისა, არის კომპაქტური მოდელები, რომლებიც კედლებზე მაგრდება, აქვთ ბრტყელი ზედაპირი, ნაკლებ ფართობს იკავებენ და ესთეტიკურადაც სასიამოვნოდ გამოიყურებიან.