პერიოდული დისკომფორტი
.
"კრიტიკული დღეების დაწყებამდე რამდენიმე დღით ადრე ყოველთვის მიჩნდება დისკომფორტი: მტკივდება თავი, მეუფლება უსიამოვნო შეგრძნებები, მიფუჭდება განწყობა, არაფრის კეთება არ მინდა, აღარც მეგობრებთან ურთიერთობა მახალისებს, შეყვარებულიც კი მაღიზიანებს. სხვებს იმავე პერიოდში ასეთ ცვლილებებს ვერ ვამჩნევ. იქნებ რაიმე სერიოზული მჭირს?"
კრიტიკული დღეების წინ უსიამოვნო შეგრძნებები ყველა ქალისთვის ნაცნობია. ამ მდგომარეობას წინარემენსტრუაციულ სინდრომს უწოდებენ.
წინარემენსტრუაციული სინდრომი ამა თუ იმ ხარისხით ათიდან ცხრა ქალს აწუხებს. მათი 10% ძალიან ცუდად გრძნობს თავს, დანარჩენებს კი მენსტრუაციამდე 7-10 დღით ადრე ოჯახში ან სამსახურში უთანხმოება მოსდით.
წინარემენსტრუაციული სინდრომის ნიშნებს ჯერ კიდევ ჰიპოკრატე იხსენიებს, მაგრამ ავადმყოფური მდგომარეობის სტატუსი მას მხოლოდ 1931 წელს მიაკუთვნეს. სინდრომის უსიამოვნო გამოვლინებათა გახშირებას მედიკოსები ეკოლოგიური ვითარების გაუარესებას, სტრესებს, დიდ მედიკამენტურ დატვირთვას უკავშირებენ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
წინარემენსტრუაციული სინდრომის ყველაზე გავრცელებული სიმპტომებია:
- შეშუპება,
- წონის მომატება,
- სარძევე ჯირკვლების მტკივნეულობა,
- თავის ტკივილი,
- კანის მდგომარეობის გაუარესება,
- ტუჩების ჰერპესის რეციდივი,
- ზურგის ტკივილი,
- კუჭ-ნაწლავის მოქმედების დარღვევა,
- კოორდინაციის დარღვევა,
- განწყობის მკვეთრი ცვალებადობა,
- შფოთვა,
- გაღიზიანება,
- ძილად მივარდნა,
- დაღლილობის შეგრძნება,
- აქტივობის უეცარი გამოვლინებები,
- განსაზღვრული პროდუქტის (უმეტესად - ტკბილეულის) მოთხოვნილება.
თუ მენსტრუაციის დაწყებამდე 7-10 დღით ადრე ჩამოთვლილი სიმპტომებიდან სამს მაინც უჩივით, ესე იგი წინარემენსტრუაციული სინდრომი გაქვთ.
ლოკალური მეთოდები
წინარემენსტრუაციული სინდრომის მიზეზების შესახებ მედიცინას ჯერჯერობით არავითარი თეორია არ გააჩნია. არც მისი მკურნალობისადმი მეცნიერული მიდგომა არსებობს. თერაპიისთვის, ჩვეულებრივ, იყენებენ პროგესტერონს - როგორც იზოლირებულად, ასევე კომბინაციაში ორალურ კონტრაცეპტივებთან ერთად. დეპრესიის შემთხვევაში ნიშნავენ ანტიდეპრესანტებს. რეკომენდებულია ვიტამინების მიღება და უმარილო დიეტა.
უნდა ისაუბროთ!
წინარემენსტუაციული სინდრომის დროს ძალიან დიდი მნიშვნელობა აქვს ფსიქოპროფილაქტიკას. ზოგჯერ დამშვიდებისთვის საკმარისია, პრობლემაზე ესაუბროთ ექიმს ან ახლობელ ადამიანს - მეუღლეს, მეგობარს, დედას, რათა კიდევ ერთხელ დარწმუნდეთ, რომ თქვენ გაფასებენ და უყვარხართ. უმჯობესია, მათაც იცოდნენ, რომ ამ პერიოდში თქვენი აღგზნებულობა, შფოთვა, არაადეკვატური რეაქციები, ჭირვეულობა, მოთენთილობა ავადმყოფური მდგომარეობის ბრალია. საბედნიეროდ, ეს პერიოდი ხანმოკლეა, ყველაფერი მალე გაივლის. რამდენიმე დღის შემდეგ თქვენ ძველებურად ალერსიანი და თბილი იქნებით.
ცხოვრების რიტმი უფრო და უფრო ჩქარდება და ამოსუნთქვის საშუალებას არ გვაძლევს. მოდუნების უფლება კრიტიკულ პერიოდშიც კი არ გვაქვს. რა საშინელებაა ეს, მხოლოდ ქალებმა იციან. განსაკუთრებით რთულია, როცა ასეთ დღეებში სერიოზული პრობლემა გაქვთ მოსაგვარებელი ან რთული სამუშაო გაქვს შესასრულებელი. განა შეიძლება საპასუხისმგებლო მოლაპარაკების გამართვა ან მოგზაურობისგან სასიამოვნო შთაბეჭდილებების მიღება, როცა დისკომფორტს განიცდი და მხოლოდ სითბოსა და სიმშვიდეზე ოცნებობ?
სხვათა შორის, მედიკოსები ირწმუნებიან, რომ კრიტიკულმა დღეებმა მშვენიერ სქესს არავითარი უხერხულობა არ უნდა შეუქმნას - უკვე არსებობს საშუალებები, რომელთა წყალობითაც ეს პერიოდი პრაქტიკულად შეუმჩნევლად ჩაივლის.
