მენსტრუალური ტკივილების საწინააღმდეგო მეთოდი
არეში, წელის ტკივილს, გულისრევას, დიარეასა და თავის ტკივილს. ამ უსიამოვნებებისაგან თავდასაღწევად თურმე ყველაზე ეფექტური აკუპრესურაა.
აკუპრესურა წარმოადგენს მკურნალობის მეთოდს, რომელიც გულისხმობს სხეულის გარკვეულ უბნებზე თითებით ზეწოლას. განსხვავებით აკუპუნქტურისაგან, აკუპრესურა არ საჭიროებს მედიცინის განსაკუთრებულ ცოდნას და შეიძლება გამოყენებული იყოს სახლის პირობებში თვითდახმარების სახით.
რეფლექსოთერაპიის ამ უძველესი მეთოდის ეფექტურობა ბერლინის შარიტეს სამედიცინო უნივერსიტეტის თანამშრომლებმა საფუძვლიანად შეისწავლეს. მათ ექსპერიმენტში მონაწილეობა მიიღო 18-დან 34 წლის ასაკის 200-ზე მეტმა ქალმა. ყველა მათგანი "კრიტიკულ დღეებში" ძლიერ ტკივილს უჩიოდა. საკვლევი პირები დაყოფილნი იყვნენ ორ ჯგუფად. პირველი ჯგუფის ქალბატონებს უნდა გამოეყენებინათ აკუპრესურის მეთოდი ტკივილის შესამსუბუქებლად. ამისათვის მათ წინასწარ გააცნეს და აათვისებინეს სამი აქტიური წერტილი (შანყინჯიაო, Hეგუ, თაიცჰონგ), რომელზე ზეწოლაც სასურველ ეფექტს იძლევა. მეორე ჯგუფის ქალები კი იყენებდნენ ჩვეულებრივ ტკივილგამაყუჩებელ საშუალებებს.
6 თვის შემდეგ მეცნიერებმა გააანალიზეს ორივე ჯგუფის საკვლევი პირების შეგრძნებები. აღმოჩნდა, რომ აკუპრესურის მეთოდის გამომყენებლებს საერთოდ გაუქრათ უსიამოვნო შეგრძნებები მენსტრუაციის დროს, იმ ქალებთან შედარებით, რომლებიც კლასიკურ მედიკამენტურ მკურნალობას მიმართავდნენ.
კვლევის შედეგები გამოქვეყნებულია მეან-გინეკოლოგიის ამერიკულ ჟურნალში.
თინათინ გოცაძე