როდის ხდებიან ქალები უფრო კეთილები
ეს აღმოჩენა გააკეთეს ჰაინრიჰ ჰაინეს უნივერსიტეტის (გერმანია) ექსპერიმენტული ფსიქოლოგიის ინსტიტუტის თანამშრომლებმა, რომელთა სტატია გამოქვეყნდა ჟურნალში Psychoneuroendocrinology.
მეცნიერებმა ჩაატარეს ექსპერიმენტი, რომელშიც მონაწილეობდა 18-დან 36 წლამდე ასაკის 129 ქალი, რომლებიც არ იყენებდნენ ჰორმონალურ კონტრაცეპტივებს და ჰქონდათ რეგულარული მენსტრუალური ციკლი.
მონაწილეები ასრულებდნენ დავალებებს, რომლებშიც მათ უნდა აერჩიათ მოქცეულიყვნენ ეგოისტურად და საკუთარი თავისთვის ძვირადღირებული საჩუქრი გაეკეთებინათ, ან სხვა ადამიანებისთვის საჩუქრების გაკეთების გამო საკუთარ სურვილებზე უარი ეთქვათ. პარალელურად, მონაწილეები რეგულარულად აბარებდნენ ნერწყვს ანალიზისთვის, რათა მკვლევარები დაკვირვებოდნენ მათი ჰორმონული დონის ცვლილებებს.
შედეგებმა აჩვენა, რომ ქალები შესამჩნევად უფრო დიდსულოვნები და გულუხვები ხდებიან ციკლის მეორე ნახევარში, როდესაც ჰორმონ პროგესტერონის დონე იზრდება და ჰორმონ ესტრადიოლის დონე ეცემა.
ასეთი ჰორმონალური ფონი შეესაბამება ციკლის ლუთეინურ ფაზას, რომელიც დგება ოვულაციიდან ორი კვირის შემდეგ, როდესაც ქალის სხეული ემზადება ორსულობისთვის.
როგორც მკვლევარებმა დაადგინეს, ამ პერიოდში ქალების გაზრდილი კეთილგანწყობა ეხება მხოლოდ მათ შიდა სოციალურ წრეს: ნათესავებს, მეგობრებს, პარტნიორს - და არ ეხება უცნობებს.
როგორც მეცნიერები ვარაუდობენ, ქალების ქცევა ქვეცნობიერად ისე იცვლება, რომ ორსულობისას გადარჩენის შანსები გაიზარდოს – კეთილი, გულუხვი და კეთილგანწყობილი ადამიანის მხარდაჭერისა და დაცვის სურვილი უფრო მეტადაა გამოხატული.