როგორ ვებრძოლოთ ცელულიტს - სამი საუკეთესო რჩევა
პრობლემური ზონების მასაჟი აუცილებელია როგორც არსებული ცელულიტის საწინააღმდეგოდ, ასევე მისი პროფილაქტიკისთვის. სასურველია, ცელულიტის ასარიდებლად წინასწარ იზრუნოთ, მასთან მოგვიანებით ბრძოლას უფრო დიდი ნებისყოფა და ძალისხმევა დასჭირდება.
გამოიყენეთ ელექტრო და ხელის მასაჟორები, ანტიცელულიტური კრემები, მუსები, გელები. ყოველ დილით, შხაპის მიღებისას, პრობლემური ზონები ენერგიულად დაიმუშავეთ უხეში სახეხით. ანტიცელულიტური საშუალებები უფრო ეფექტურია რეგულარული ვარჯიშისას. ყოველდღიური თუნდაც 7-წუთიანი ვარჯიში შესანიშნავ შედეგს იძლევა. საწოლიდან წამოდგომამდე გაავარჯიშეთ ქვედა კიდურები - შეასრულეთ “ველოსიპედი”, “მაკრატელა”. ეს ენერგიასაც შეგმატებთ და განწყობასაც გამოგიკეთებთ.
სამი რჩევა საუკეთესო შედეგისთვის
- რაც უნდა ბანალურად ჟღერდეს, მაინც ეცადეთ, თავი არიდოთ სტრესს. რაც მეტია უარყოფითი ემოცია, მით მეტად ზიანდება სისხლძარღვები, ფერხდება სისხლის მიმოქცევა და იქმნება ხელშემწყობი პირობები ცელულიტის წარმოქმნისთვის.
- ცელულიტის წარმოქმნას ეწინააღმდეგება უჯრედისით მდიდარი პროდუქტები. ძალიან სასარგებლოა ახალგამოწურული ხილისა და ბოსტნეულის წვენები.
- ეცადეთ, მოერიდოთ შაქარს, ნამცხვრებსა და ტორტებს. ჩაის მოყვარულებს ვურჩევთ, შაქრის ნაცვლად ჩაი 1 კოვზი თაფლით დაატკბონ. ის გემრიელიც არის, სასიამოვნოც და, რაც მთავარია, სასარგებლოც.