რაზე უნდა გავამახვილოთ ყურადღება ბავშვის საწოლის შერჩევისას
მკაცრად სერტიფიცირებული ავეჯი. საბავშვო მოდელები გამოირჩევა კონსტრუქციისა და მასალის თავისებურებით.
როგორი უნდა იყოს ბავშვის საწოლი?
ის უნდა იყოს ბუნებრივი მასალისგან დამზადებული, ზომები შეესაბამებოდეს ასაკობრივ კატეგორიას, კონსტრუქცია აღჭურვილი უნდა იყოს უსაფრთხოების დამატებითი ელემენტებით.
სტანდარტული საბავშვო საწოლი უნდა იყოს სწორი, შვერილების, ნაპრალების გარეშე. აუცილებელია კიბეებიანი საწოლის უსაფრთხოების შემოწმება. მნიშვნელოვანია, რამდენად მდგრადია და საიმედოდ აწყობილი საწოლი.
3-5 წლის ბავშვის საწოლის მოდელები უნდა იყოს მოწყობილი შემომსაზღვრელი ელემენტებით – ლითონის წინაღობებით. ეს ეხება როგორც ერთ, ისე ორიარუსიან კონსტრუქციებს.
საბავშვო მოდელები შეიძლება იყოს იაფფასიანიც და ძვირიც, მაგრამ, ნებისმიერ შემთხვევაში, უნდა შეესაბამებოდეს უსაფრთხოების კრიტერიუმს.
საწოლი უნდა იყოს პრაქტიკულიც, აღჭურვილი უჯრებითა და მაგიდით. კარგი იქნება, თუ საწოლს ექნება ბუნებრივი ვენტილაცია.
ორი ბავშვისთვის მისაღებია ორიარუსიანი საწოლი, რომელიც არა მარტო დასასვენებელი, სათამაშო სივრცეც იქნება.
შეეცადეთ თავი შეიკაოთ პლასტიკის ან სხვა ხელოვნური მასალისაგან დამზადებული საწოლების შეძენისაგან.
როგორ შევარჩიოთ სწორად საწოლი?
საბავშვო ავეჯი დიდხანს რომ გვემსახუროს, უნდა გავითვალისწინოთ შემდეგი დეტალები:
- საწოლი შეარჩიეთ ბავშვის ასაკის გათვალისწინებით;
- შეამოწმეთ საწოლის სიმყარე;
- სასურველია ბავშვის საწოლი იყოს მასიური ხისგან, ამასთან, შეღებილი არატოქსიკური ლაქითა და საღებავით, რითაც დავიცავთ ბავშვს მავნე ანაორთქლისგან;
- ბავშვის საწოლი უნდა იყოს მოზრდილის საწოლზე დაბალი. ბავშვი ვერ აკონტროლებს ძილში საკუთარ მოძრაობას და შეიძლება ადვილად გადმოვარდეს საწოლიდან.
გასათვალისწინებელია ისიც, რამდენად შეესაბამება საწოლის ზომა ოთახის ზომებს. მნიშვნელოვანია ოთახში სხვა ავეჯის განთავსება, ფარდების, შპალერის მშვიდი ფერები, ინტერიერის საინტერესო დეკორი და ა.შ.
საძინებლისთვის შეიძლება შეირჩეს კომპლექტი: საწოლი, კარადა, მაგიდა და სკამი.
4 წელზე უფროსი ასაკის ბავშვებისთვის უკვე შესაძლებელია თემატური საწოლის შერჩევა, ბავშვის ინტერესების გათვალისწინებით. ბიჭებს, როგორც წესი, უყვართ ტექნიკა, ამიტომ მანქანის ან თვითმფრინავის ფორმის საწოლი მათ ძალიან მოეწონებათ.
გოგონებს ყველაფერი ზღაპრული უნდათ.
თუ ბავშვებს შორის ასაკში სხვაობა 5 წელზე მეტია, ოთახის საკმარისი ფართობის შემთხვევაში, უმჯობესია სხვადასხვა საწოლის შეძენა.