ეზოში თამაში ბავშვების გონებრივ და ფიზიკურ განვითარებაზე დადებით გავლენას ახდენს
29.04.2020
ავსტრალიელმა მეცნიერებმა გამოიკვლიეს, რა გავლენას ახდენდა ბუნებაში თამაში 2-12 წლის ბავშვების
ჯანმრთელობასა და განვითარებაზე. აღმოჩნდა, რომ ასეთი თამაშები აუმჯობესებდა გონებრივ მონაცემებს, სოციალურ ჩვევებსა და შემოქმედებით უნარს.
ეზოში თამაში ზრდის ბავშვების ფიზიკურ აქტივობას, აუმჯობესებს ჯანმრთელობას, მოტორიკას, სწავლის უნარს, სოციალურ, ემოციურ განვითარებას, შემეცნებით უნარებს, ზრდის ყურადღებას, კონცენტრაციისა და პუნქტუალურობის დონეს. ამასთან ვითარდება თამაშის სხვადასხვა ასპექტები- კონსტრუქციული, სოციალური, შემოქმედებითი და ფუნქციური. ბავშვები ივითარებენ ურთიერთობების წონასწორობას, ძალას, ჩვევებს, ცვლიან გამოცდილებას და სწავლობენ მეგობრობას. ექსპერტები მოგვიწოდებენ, რომ დაინერგოს ინოვაციური სათამაშო მოედნები საბავშვო ბაღებსა და სკოლებში.
