სად მდებარეობს ოპტიმიზმის ცენტრები?
შესაძლოა, დეპრესიას ამ უბნების აქტივობის დაქვეითება ედოს საფუძვლად.
ნიუ იორკის უნივერსიტეტის მეცნიერებმა გამოკითხვა ჩაატარეს და შეაფასეს გამოკითხულთა ემოციური მდგომარეობა. ამის შემდეგ კვლევის მონაწილეებს სხვადასხვა დავალება მისცეს: სთხოვეს, გაეხსენებინათ წარსულში მომხდარი რომელიმე არასასიამოვნო მოვლენა ან წარმოედგინათ უსიამოვნება, რომელიც შესაძლოა უახლოეს მომავალში მომხდარიყო, მერე კი სთხოვეს, ეფიქრათ სასიამოვნო ამბავზე, რომელიც ოდესმე მოხდა მათ ცხოვრებაში ან მომავალში ელოდათ. ამავე დროს, მონაწილეებს უტარებდნენ ტვინის სკანირებას მაგნიტორეზონანსული ტომოგრაფიით.
აღმოჩნდა, რომ როგორც ნეგატიური, ისე დადებითი მოგონებები ტვინის ორ უბანზე (ნუშურა და სარტყლოვანი ხვეულის ქერქის წინა ნაწილზე) მოქმედებდა, მაგრამ სასიამოვნო მოგონებები ტვინის ამ ზონებს უფრო მეტად ააქტიურებდა, ვიდრე ნეგატიური.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ამასთანავე, მეცნიერებმა დაადგინეს, რომ-
პესიმისტების ტვინში ეს უბნები შედარებით ნაკლებად აქტიურდებოდა, ვიდრე იმ ადამიანების ტვინში, ვინც ცხოვრებას პოზიტიურად უყურებდა.
ექსპერიმენტის შედეგების საფუძველზე მკვლევარებმა ივარაუდეს, რომ ნუშურა და სარტყლოვანი ხვეულის ქერქის წინა ნაწილი მნიშვნელოვან როლს ასრულებს პოზიტიური აზრების გადაცემაში. სპეციალისტთა განსაკუთრებულ ინტერესს იწვევს ის ფაქტი, რომ დეპრესიის განვითარებაში ტვინის იგივე ზონები მონაწილეობს. მძიმე დეპრესიის მქონე ადამიანებს უმცირდებათ ნერვული უჯრედების რაოდენობა ნუშურასა და სარტყლოვანი ხვეულის ქერქის წინა ნაწილში. შესაძლოა, ეს მონაცემები საფუძვლად დაედოს ახალი კლასის ანტიდეპრესანტებს, რომლებიც ტვინის განსაზღვრულ უბნებზე იმოქმედებს.
