ლალი ჩხიკვაძე

• მეცნიერების საერთაშორისო ჯგუფმა გამოავლინა ჯანმრთელობის ის მაჩვენებლები, რომლებიც შესაძლოა ხელს უწყობდეს 100 წლამდე სიცოცხლეს. კვლევებმა აჩვენა, რომ მოზრდილ ასაკში გლუკოზის, კრეატინინისა და შარდმჟავას დაბალი დონე მნიშვნელოვნად ზრდის სიცოცხლის ხანგრძლივობას. კვლევის შედეგები გამოქვეყნებულია GeroScience-ში (GS).

კვლევამ მოიცვა 64-დან 99 წლამდე ასაკის 44,000 შვედი. ისინი 35 წლის განმავლობაში დაკვირვების ქვეშ იმყოფებოდნენ. მათგან 1224 ადამიანმა(დაახლოებით 2,7%) 100 წლამდე იცოცხლა. საინტერესოა, რომ მათგან უმრავლესობა (85%) ქალები იყვნენ.

მეცნიერებმა გააანალიზეს ანთებასთან, ნივთიერებათა ცვლასთან, ღვიძლისა და თირკმლის ფუნქციებთან, კვებით მდგომარეობასა და ანემიასთან დაკავშირებული 12 ბიომარკერი. ამ მაჩვენებლებს შორის იყო გლუკოზის, კრეატინინის, შარდმჟავას, საერთო ქოლესტერინისა და სხვა ელემენტების დონე.

აღმოჩნდა, რომ 100 წლამდე მცხოვრებ ადამიანებს 60 წლის ასაკიდან სტაბილურად დაბალი ჰქონდათ გლუკოზის, კრეატინინისა და შარდმჟავას დონე.

ამასთან, გლუკოზის (6.5 მმოლ/ლ-ზე მეტი) და კრეატინინის (125 მკმოლ/ლ-ზე მეტი) მაღალი დონე ამცირებდა ხანგრძლივი სიცოცხლის შანსებს.

სიცოცხლის ყველაზე მცირე ხანგრძლივობის შანსი ჰქონდათ იმ პირებს, რომლებსაც შარდმჟავას მაღალი დონე აღენიშნებოდათ – მათგან მხოლოდ 1.5%-მამიაღწია 100 წლამდე, მაშინ როდესაც შარდმჟავას დაბალი დონის მქონე ადამიანებში ეს მაჩვენებელი 4% იყო.

• კვლევის ავტორები აღნიშნავენ, რომ მიუხედავად ამ მაჩვენებლებს შორის არსებული შედარებით მცირე სხვაობისა, ნივთიერებათა ცვლის, კვებისა და სიცოცხლის ხანგრძლივობას შორის კავშირი აშკარაა. მართალია, გენეტიკასა და შემთხვევითობასაც დიდი მნიშვნელობა აქვს, თუმცა გლუკოზის, შარდმჟავას და კრეატინინის ნორმალური დონის შენარჩუნება შესაძლოა გახდეს ხანგრძლივი და ჯანმრთელი ცხოვრების გასაღები.

დასახელდა ხანგრძლივი სიცოცხლის კვების რეჟიმის მთავარი საიდუმლო

დღეგრძელთა მკვლევარი დენ ბიუტნერი: დღეგრძელები ძირითადად რთულ ნახშირწყლებს მიირთმევენ

ამერიკელმა მოგზაურმა, მწერალმა და დღეგრძელობის მკვლევარმა დენ ბიუტნერმა განაცხადა, როგორ უნდა ვიკვებოთ, იმისათვის რომ 100 წლამდევიცოცხლოთ. მისი სიტყვები Daily Mirror-მა გამოაქვეყნა.

ბიუტნერმა აღნიშნა, რომ დაბალანსებული კვების რეჟიმი აუცილებელად მოიცავს ცხიმებს, ცილებსა და უჯრედისს, თუმცა ხანგრძლივი სიცოცხლისგანმსაზღვრელი დიეტის მთავარი ელემენტი რთული ნახშირწყლებია.

„ჩვენ დარწმუნებულები ვართ, რომ ყველაზე დღეგრძელი ადამიანები ძირითადად რთულ ნახშირწყლებს მოიხმარენ, როგორიცაა ლობიო, მთლიანმარცვლოვანი პროდუქტები, მწვანე ბოსტნეული და ტკბილი კარტოფილი. თუმცა პრობლემა ის არის, რომ ფუნთუშები, ტორტები და ტკბილეული ნახშირწყლებს ცუდ რეპუტაციას უქმნის,“ – აღნიშნა ექსპერტმა.

მისი თქმით, მთავარი განსხვავება მარტივ და რთულ ნახშირწყლებს შორის მათი შაქრის მოლეკულური სტრუქტურაა. ბიუტნერმა განმარტა, რომ რთული ნახშირწყლები ორგანიზებულია გრძელ ჯაჭვებად, რაც მათ უფრო ნელა გადამუშავებად და ათვისებადს ხდის. სწორედ ამიტომ, ისინი კარგად აქრობს შიმშილის შეგრძნებას და ამცირებს ტკბილეულისა და ულუფებს შორის წახემსების მოთხოვნილებას.