ლალი ჩხიკვაძე

დაადგინეს ჭარბი წონის დროს მოსალოდნელი დეპრესიის მტკიცებულება შუახნის და ხანდაზმულ ადამიანებში, სხვა დაავადებებისა და ცხოვრების სტილის ფაქტორებისგან დამოუკიდებლად. ამის შესახებ ნათქვამია ჟურნალ PLOS ONE-ში გამოქვეყნებულ სტატიაში.

მკვლევარებმა გააანალიზეს 1800-ზე მეტი ზრდასრული მოხალისის ჯანმრთელობის მონაცემები, შეადარეს სხეულის მასის ინდექსი (BMI) ფსიქიკური ჯანმრთელობის მაჩვენებლებთან. 46-დან 73 წლამდე ასაკის თითოეულმა მონაწილემ, საკუთარ სამედიცინო ჩანაწერებზე ნბა დართო მკვლევარებს. ჰემოგლობინისა და გლუკოზის დონის შესამოწმებლად სისხლის ანალიზის ჩაბარების წინა ღამეს ისინი ასევე არ ღებულობდნენ საკვებს. წონა, სიმაღლე და წელის გარშემოწერილობა ასევე გაზომეს BMI-ს გამოსათვლელად.

• ექსპერტებმა დაადგინეს და აღწერეს BMI-სა და ჯანმრთელობის გაუარესების გრძნობას შორის კავშირი. ეს კორელაცია უფრო დამახასიათებელი იყო ქალებისთვის, ვიდრე მამაკაცებისთვის. ვარაუდობენ, რომ სიმსუქნის მქონე ხანდაზმულებში ფსიქიკური ჯანმრთელობის დაქვეითება, სავარაუდოდ, დაკავშირებულია სოციალურ და ფიზიკურ ფაქტორებთან, მათ შორის სოციალურ სტიგმასთან, მითებთან და დისკრიმინაციასთან.

თუმცა, სიმსუქნე ასევე იწვევს ჯანმრთელობის პრობლემებს, მათ შორის სახსრებისა და ზურგის ტკივილს, ფიბრომიალგიას და გულ-სისხლძარღვთა დაავადებებს.