რა არის ღვიძლის არაალკოჰოლური ცხიმოვანი დაავადება (ღააცდ) და როგორ მოვახდინოთ მისი პრევენცია? - მკურნალი.გე

რუბრიკები

ოჯახის მკურნალის ანონსი

ოქტომბერი 2019

კითხვა-პასუხი

რა არის ღვიძლის არაალკოჰოლური ცხიმოვანი დაავადება (ღააცდ) და როგორ მოვახდინოთ მისი პრევენცია?

რა არის ღვიძლის არაალკოჰოლური ცხიმოვანი დაავადება (ღააცდ) და როგორ მოვახდინოთ მისი პრევენცია?
4Hospitals, რომელიც წარმოადგენს კლინიკებისთვის სამედიცინო პროდუქციის და პრემიუმ მომსახურების მიმწოდებელ კომპანიას,
“პაციენტთა სკოლის “ფარგლებშიიწყებს სხვადასხვა სამედიცინო დარგის წამყვანი სპეციალისტების მიერ მომზადებულ საგანმანათლებლო სტატიებსა და მათთან საინტერესო ინტერვიუების გამოქვეყნებას mkurnali.ge-ს მკითხველებისთვის.

4Hospitals, როგორც კორპორაციული სოციალური პასუხისმგებლობის მქონე კომპანია ზრუნავს საზოგადოების ცნობიერების ამაღლებაზე სხვადასხვა დაავადების შესახებ, რაც ხელს შეუწყობს დაავადების პრევენციას ან სიმპტომების დროულ გამოვლენას და შესაბამის მკურნალობას. 4Hოსპიტალს -ის შესახებ დამატებითი ინფორმაცია შეგიძლიათ იხილოთ მის ფესიბუკის გვერდზე: https://www.facebook.com/4Hospitals/.

დღეს წარმოგიდგენთ ექიმ ენდოკრინოლოგ ნუტრიციოლოგ ნინო ნადირაძის ინტერვიუსღვიძლის არაალკოჰოლური ცხიმოვანი დაავადება (ღააცდ) შესახებ. რა
არის ღვიძლის არაალკოჰოლური ცხიმოვანი დაავადება (ღააცდ)?


ღვიძლის არაალკოჰოლური ცხიმოვანი დაავადება (ღააცდ) ეს ზოგადი ტერმინია, რაცასახავს ღვიძლში ცხიმების ჩალაგებას, რომელიც არ არის გამოწვეული ალკოჰოლის მიღებით. ის ფართოდ გავრცელებული დაავადებაა დახშირად გვხვდება იმ პირებში, ვისაც აღენიშნებათჭარბი წონა, სიმსუქნე და/ან შაქრიანი დიაბეტი.

რამდენად სერიოზულ საფრთხეს უქმნის ღააცდ ჯანმრთელობას?

ზოგიერთი პირის ჯანმრთელობისთვის ღვიძლში მცირე რაოდენობით ცხიმის ჩალაგება არ წარმოადგენს მნიშვნელოვან სამედიცინო პრობლემას, თუმცა დანარჩენი ნაწილისთვის ეს შეიძლება სერიოზულ დაავადებად იქცეს. ღააცდ ზრდის გულ-სისხლძარღვთა დაავადების რისკს, როგორიცაა, მაგ., მიოკარდიუმის ინფარქტი, ინსულტი. ეს მდგომარეობა განსაკუთრებით სახიფათოა იმ პირთათვის, ვისაც უკვე დიაგნოსტირებული აქვს ტიპი2 შაქრიანი დიაბეტი, რომელთაც ისედაც აქვთ გულ-სისხლძარღვთა დაავადების განვითარებისძალიან მაღალი რისკი.

შაქრიანი დიაბეტის დიაგნოსტირების შემთხვევაში,რამდენად შესაძლებელია ღააცდ-ს თავიდან აცილება?

უნდა აღინიშნოს, რომ შაქრიანი დიაბეტის თანაარსებობა ამძიმებს ღვიძლის ამ დაავადების მიმდინარეობას და პირიქით, დაზიანებული ღვიძლი ხელს უშლის სპეციალისტს შაქრიანი დიაბეტის მართვაში.ტიპი2შაქრიანი დიაბეტის შემთხვევაში ღააცდ-ის განვითარების რისკის შემცირებაპირდაპირ ასოცირებულია სხეულის მასის კლებასთან და ფიზიკური აქტივობისზრდასთან. ეს ფაქტორები, ასევე, განაპირობებს გულ-სისხლძარღვთა დაავადებების განვითარების რისკის შემცირებას.

რას წარმოადგენს ღვიძლი და რა ფუნქცია აკისრია მას?

ღვიძლი ერთერთი უმნიშვნელოვანესი მეტაბოლური ორგანოა, რომელსაც გააჩნია უნარი, შეინახოს ორგანიზმისთვის აუცილებელი „საწვავი“- გლიკოგენი საკვებიდან მიღებული შაქრის გადამუშავებით, ხოლოსაჭიროების შემთხვევაში,გამოყოს სისხლში გლუკოზის სახით. ცხიმების და ცილების ცვლის შედეგად მიღებული ტოქსინების განეიტრალება ხდება ღვიძლის მიერ. ნაღველი, რომელიც მონაწილეობსცხიმების მონელებაში, ასევე, გამომუშავდება ღვიძლში.

რა სტადიებს გამოყოფენ ღააცდ-ის მიმდინარეობაში?


პირობითად გამოყოფენ ღააცდ-ის 4 სტადიას, 1-ლი-როდესაც ღვიძლში ცხიმების ჩალაგება ხდება უსიმპტომოდ, მე-2 სტადიაზე თუ ღვიძლი ზიანდება და ანთებითი პროცესი იწყება, ვითარდება სტეატოჰეპატიტი, ამ დროს შეიძლება გამოვლინდეს დისკომფორტი ან ყრუ ტკივილიმარჯვენა ფერდქვეშა არეში. მე-3 სტადიაზე ღვიძლის ქსოვილის შემაერთებელიქსოვილით ჩანაცვლება ხდება. ღვიძლს დაზიანების საწყის ეტაპზე ჯერ კიდევ შეუძლია ნორმალური ფუნქციის შესრულება, მაგრამ თუ ეს პროცესი გრძელდება ხანგრძლივი დროის განმავლობაში, მისი ფუნქციური სტატუსი იზღუდება. დგება მე-4 სტადია, როდესაც ღვიძლის ქსოვილის უმეტესი ნაწილი ჩანაცვლებულია შემაერთებელი ქსოვილით, ანუ ვითარდება ციროზი და საბოლოოდ ვითარდება ღვიძლის უკმარისობა. არცთუ ისე იშვიათიაღააცდ-ის დროს ღვიძლის კიბოს განვითარების ალბათობა. ის ღვიძლის კიბოს გამომწვევ მიზეზებს შორის მესამე ადგილზეა.

აქვს თუ არა ღააცდ-ს რაიმე კლინიკური სიმპტომები, რის გამოც უნდა მიმართოთ ექიმს?


აღსანიშნავია, რომ ღვიძლის არაალკოჰოლურ ცხიმოვან დაავადებას კონკრეტულად მისთვის დამახასიათებელი სიმპტომები და კლინიკური გამოვლინება ხშირ შემთხვევაში არ ახასიათებს და მისი დიაგნოსტირება ხდება გარკვეული ინსტრუმენტული და ლაბორატორიული გამოკვლევების საფუძველზე სპეციალისტის მიერ. პაციენტები ჭარბი წონით, სიმსუქნით, შაქრიანი დიაბეტით, ღვიძლის დაავადებით ანამნეზში ან მემკვიდრეობაში, მიკუთვნებიან ღააცდ-ის განვითარების მაღალი რისკის ჯგუფს.

რა მკურნალობა უნდა დაინიშნოს ღააცდ-ის დიაგნოზის შემთხვევაში?

სამწუხაროდ, ღააცდ-ის კონკრეტული მედიკამენტური მკურნალობა დღეისთვის არ არსებობს. ამასთან დაკავშირებით უამრავი კლინიკური კვლევა მიმდინარეობს დღეს მსოფლიოში. თუმცა ეს არ ნიშნავს იმას, რომ მკურნალობა არ ინიშნება, რადგან აღნიშნული დიაგნოზის პარალელურად ბევრი სხვა მეტაბოლური დარღვევა ფიქსირდება, რომელიც საჭიროებს მართვას. ჯერჯერობით მკურნალობის ძირითადი მეთოდი ღააცდ-ის დიაგნოზის შემთხვევაში ფიზიკური აქტივობის გაზრდა და ჯანსაღი კვების პრინციპებით სხეულის მასის შემცირებაა თანმხლები მეტაბოლური დარღვევევების კორექციასთან ერთად.

R
გააკეთეთ კომენტარი
კომენტარი არ გაკეთებულა
მსგავსი სიახლეები
გარგარი შეიცავს პექტინს - ნაერთს, რომელსაც ღვიძლიდან მავნე ნივთიერებების გამოდევნის უნარი გააჩნია. პექტინი
24-05-2019
პომიდორი და მისი სოუსი აქვეითებს ღვიძლის ცხიმოვანი დაავადების, ანთებისა და სიმსივნის განვითარების რისკს.
08-03-2019
აფლატოქსინები ორგანული ნაერთებია, რომელთაც სოკოები გამოყოფს, მათ მიკოტოქსინებსაც უწოდებენ.
21-12-2018
დიეტოლოგია
თანამედროვე ადამიანის ცხოვრების წესი ჯანმრთელობისთვის უფრო მავნე და საზიანოა. მუდმივი სტრესის, სრულფასოვანი
ამ სიაში აღმოჩნდა დაბალკალორიული ჩინური კომბოსტო, რომელიც მდიდარია კალციუმით, უჯრედისითა და
გახდომისათვის არაა საჭირო შიმშილი. საკმარისია შევარჩიოთ სწორი პროდუქტი. დიეტის გარეშე, სრულფასოვანი კვების
კატეგორიის სხვა სტატიები
გასული ზამთრის პანიკა გრიპის ეპიდემიასთან დაკავშირებით ჯერაც კარგად გვახსოვს,
23 ოქტომბერს, 11:00 საათზე სასტუმრო "რედისონ ბლუ ივერიაში" გაფანტული სკლეროზის
და­ა­ვა­დე­ბებ­სა და მათ გა­მომ­წვევ მი­ზე­ზებ­ზე ინ­ფორ­მა­ცი­ის მი­ღე­ბა არას­დროს ყო­ფი­ლა ისე­თი მარ­ტი­ვი, რო­გორც დღე­საა,
ავსტრალიური პროდუქცია მსოფლიო მასშტაბით იყიდება, მათ შორის, საქართველოშიც. მთავარი მიზეზი იმისა,
"ნატურავერდეს" ბიოკოსმეტიკა უკვე საქართველოშია - "ავერსი" იტალიური ბრენდის პროდუქციას გთავაზობთ.
"ნიუ ჰოსპიტალსში" ონკო-ჰემატოლოგიისა და ძვლის ტვინის ტრანსპლანტაციის ცენტრი გაიხსნა
ხშირად კითხულობენ, ასუქებს თუ არა კარალიოკი ან შეიძლება თუ არა ხურმის ან კარალიოკის ღამით ჭამა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად