რა არის ფილტვის სეკვესტრაცია? - მკურნალი.გე

რა ხდის ფილტვს სეკვესტირიებულს?

ის რომ, ის არ არის დაკავშირებული დარჩენილი ფილტვის ქსოვილთან ჰაერგამტარი გზებით, რომლებიც აკავშირებენ ჩვენს სასუნთქ მილებს ფილტვთან. იგი ასევე არ არის დაკავშირებული ან მას არ ემსახურება იგივე სისხლძარღვები რომლებიც ემსახურებიან ფილტვებს.

ეპიდემიოლოგია:

დაავადება, დაახლოებით, მოსახელობის 0.1%-ში გვხვდება, უფრო ხშირად მამაკაცებში.

მახასიათებლები:

ფილტვის სეკვესტრირება შეიძლება დაიყოს ორ განსხვავებულ ჯგუფად, ფილტვის აბერანტული (ნორმიდან გადახრილი) სეგმენტური ქსოვილის პლევრასთან კავშირის საფუძველზე:

• ინტრალობალური სეკვესტრაცია
• აღინიშნება სეკვესტრაციის მქონე პაციენტთა 75-80%-ში;
• მოგვიანებით, ბავშვობაში, აღმოცენდება მორეციდივე ინფექციების თანხლებით.
• ექსტრალობალური სეკვესტრაცია
• აღინიშნება უფრო იშვიათად (15-25%);
• ჩვეულებრივ თავს იჩენს ნეონატალურ პერიოდში; რესპირატორული დისტრესის, ციანოზის ან ინფექციების სახით;
• ავადდებიან უმეტესად მამაკაცები;
• შემთხვევათა დაახლოებით 10%-ში აღინიშნება სუბდიაფრაგმულად.

რუტინული რენტგენოგრაფია:

1. ხშირად ვლინდება სამკუთხა ფორმის დაჩრდილვა დაზიანებულ მიდამოში;
2. ინფექციის შემთხვევაში შესაძლებელია დავინახოთ ცისტური ჩანართები.

ექოსკოპიურად:

ფილტვის სეკვესტირირებული ნაწილი ჩვეულებრივ უფრო ექოგენურია ვიდრე დანარჩენი ფილტვი. ანტრენატალური ექოსკოპიისას ფილტვის ექსტრალობალური სეკვესტრაცია შეიძლება აღმვაჩინოთ გესტაციის მე-16 კვირის განმავლობაში, რომელიც ვლინდება მყარი, კარგად შემოსაზღვრული სამკუთხა ფორმის ექოგენური მასის სახით. დოპლერით შესაძლებელია დავინახოთ აორტიდან გამომდინარე მისი მკვებავი სისხლძარღვი. ხოლო თუ სეკვესტრაცია სუბდიაფრაგმულია, შესაძლებელია, გამოვლინდეს როგორც ექოგენური ინტრა-აბდომინალური მასა.

კომპიუტერული ტომოგრაფია:

1. განივ ჭრილში გაშუქება ხშირად გამოსახავს არტერიულ მომარაგებას დასწვრივი აორტის მეშვეობით;
2. პაციენტების 20 %-ს უვლინდება სუბდიაფრაგმული შემთხვევა;
3. სურათი როგორც წესი არ შეიცავს ჰაერს თუ ინფიცირებული არ არის;
4. 3D რეკონსტრუქცია, შეიძლება ითქვას, რომ საუკეთესო მეთოდია დაავადების აღმოსაჩენად.

ანგიოგრაფია:

არ არის რუტინული გამოკვლევის მეთოდი, მაგრამ არის ოქროს სტანდარტი არტერიული სისხლმომარაგების მიწოდების განსასაზღვრად.

მკურნალობა:

მკურნალობის ტრადიციული მეთოდი არის ქირურგიულო რეზექცია, რომლის 3 სახე არსებობოს, ესენია:

1. სეკვესტრირებული ნაწილის ამოკვეთა;
2. ფილტვის წილის ამოკვეთა;
3. სეგმენტური რეზექცია.

ქირურგიული ჩარევის დროს ხდება პათლოგიური სისხლძარღვების ლიგირება, რათა თავიდან ავიცილოთ გართულებები.

კონსტანტინე ქათამიძე

რადიოლოგიის რეზიდენტი "ავერსის კლინიკაში"

R