ნანა კალანდაძე

• " ჩემი შეყვარებული ეჭვიანობს ჩემს ძველ, სკოლის მეგობარ ბიჭზე. არ სჯერა ქალისა და მამაკაცის მეგობრობისა. როგორ დავარწმუნო, რომ ჩვენ შორის მართლა მხოლოდ მეგობრული ურთიერთობაა?"

ანა, 24 წლის

-შეეცადეთ, თქვენი შეყვარებულის ლოგიკა თქვენს სასარგებლოდ გამოიყენოთ: თქვენს თანაკლასელთან მეგობრობას ხომ არ შეუშლია ხელი თქვენი და თქვენი შეყვარებულის რომანისთვის, ეს იმას ნიშნავს, რომ საშიში არაფერია. მოაწყვეთ კოლექტიური მსვლელობა კინოში, თეატრში ან პიკნიკი, სადაც თქვენი თანაკლასელიც წამოვა მეგობარ გოგონასთან ერთად. ასეთი შეხვედრები თქვენს შეყვარებულს ეჭვებს გაუფანტავს.

• "მეგობრის ქორწილში მივდიოდი და დახმარებისთვის სილამაზის სალონს მივმართე. ვარცხნილობა და მაკიაჟი ძვირად ღირებულმა სტილისტმა გა¬მიკეთა. შემდეგ კი ძალიან ვინანე ამის გამო. ისეთი მკვეთრი მაკიაჟი გამიკეთა, ძლივს ვაიძულე თავს, ხალხში გამოვჩენილიყავი... ნუთუ ასეთი დაკომპლექსებული ვარ, რომ მრცხვენია, ზედმეტად კარგად გამოვიყურებოდე?"

ელენე, 23 წლის

-ძალიან ცნობილი და გამოცდილი სტილისტებიც კი სთავაზობენ კლიენტს გარეგნობის მხოლოდ მათეულ ხედვას, ვარცხნილობასა და მაკიაჟს თავიანთი გემოვნებით აკეთებენ. მათ არ შეუძლიათ კლიენტის სულში ჩაიხედონ და კონკრეტულად მისთვის იდეალურად შესატყვისი მაკიაჟი და ტანსაცმელი შეარჩიონ. ნუ მიაწერთ თქვენს მორცხვობას გარშემო მყოფთა ყურადღების მიპყრობის შიშს. თქვენ თქვენს ღირსებასა და ნაკლს სრულიად სხვაგვარად ხედავთ, ვიდრე სტილისტი.

• "ცხოვრებაში არც ერთხელ არ ვყოფილვარ შეყვარებული. იქნებ არ ვარ შექმნილი ოჯახისა და ქორწინებისთვის? მშო¬ბლებთან ვცხოვრობ. ჩემს დაქ¬ალებს ოჯახები აქვთ, მე კი მომწონს, რომ თავისუფალი ადა¬მიანი ვარ... ეს ნორმალურია?"

ლიზი, 28 წლის

-უნდა შეგეკამათოთ. თქვენ არ იცით რა არის "თავისუფალი ადამიანი". თქვენ ხომ მშობლებთან ცხოვრობთ?! გოგონას, რომელსაც თავისი სახლის ზღურბლის იქით არ გადაუბიჯებია, ქორწინება რაღაც საშიში, რთული და მოსაწყენი რამ ჰგონია. შეეცადეთ, გამოცდილება ახლო ურთიერთობების დამყარებით შეიძინოთ და არა უცხოთა რჩევებით.

• "ჩემი მშობლები ცუდად არიან განწყობილნი ჩემი დე¬დამთილის მიმართ. ძალიან სწყინთ, რომ ხშირად დავდივარ დედამთილისა და მამამთილის მო¬სანახულებლად. ვეუბნები, რომ არ მინდა, ჩემი მეუღლის ოჯახთან უსიამოვნება მქონდეს. მშო¬ბლები კი მპასუხობენ: ჩვენთან ჩხუბი და უსიამოვნება გინდაო? არ ვიცი, როგორ მოვიქცე".

თამუნა, 27 წლის

-დედა და მამა თქვენთან დაშორებას განიცდიან. მათ სურთ, რომ ყოველი თავისუფალი წუთი მათთან გაატაროთ. ახლა კი ორმაგი "ღალატია" - თქვენ გათხოვდით და დიდ დროს უთმობთ მეუღლის მშობლებს! ალბათ უფრო მრავალფეროვანი უნდა გახადოთ ნათესავებთან ურთიერთობა. დედამთილთან ვიზიტები შეგიძლიათ შეცვალოთ თქვენს სახლში შეხვედრებით, სადაც მოიწვევთ დედასა და მამას. მძახლებთან ხშირი შეხვედრებით თქვენი მშობლები მიეჩვევიან მათ და ურთიერთობასაც დაამყარებენ. თქვენც აღარ იქნებით უხერხულ მდგომარეობაში.

• "დედაჩემი მზადაა ყველაფერზე წავიდეს, ოღონდ დიდი საცხოვრებელი ფართი შეიძინოს. როცა 18 წლის ვიყავი, გათხოვებას ვაპირებდი, მან კი გამომიცხადა: "ჯერ ადრეა გათხოვებაზე ფიქრი, თანაც ბინას ველოდებით და აღრიცხვაზე ვდგავართო". შემდეგ ბებია გარდაიცვალა და ბინის აღრიცხვიდან მოგვხსნეს. ერთი წლის შემდეგ ქორწინება გადავწყვიტე. დედა ისევ წინააღმდეგი წავიდა: "მალე ჩვენს ბინას დაანგრევენ, აუცილებელია, რომ ბავშვი გააჩინო და გაფორმდე, როგორც მარტოხელა დედა"... ყველაფერს აკეთებს, რომ მიზანს მიაღწიოს. როგორ მოვახერხო მასთან შეთანხმება?"

ნია, 24 წლის

-თქვენ ოცნებობთ დამოუკიდებელ ცხოვრებაზე მეუღლესთან ერთად. მაგრამ როგორია დედათქვენის ინტერესები? საცხოვრებელი ფართის მიღება - ეს საშუალებაა. რისი მიღწევა სურს მას ამ გზით? იქნებ უსაფრთხოების. ან თავდაჯერებულობის, როგორც ოჯახის უფროსს? იმისათვის, რომ მასთან მოლაპარაკება წარმატებული იყოს, საჭიროა არა მხოლოდ მკაფიოდ გამოხატოთ საკუთარი პოზიცია, არამედ მასაც გაუგოთ.

• "სტუდენტი ვარ. ჩემს ჯგუფში ერთი ბიჭი სწავლობს, რომელიც ჩვენზე გაცილებით უფროსია, ვიდრე დანარჩენი თანაკურსელები, შეიძლება ამიტომაც ის განმარტოებულია. მე კი ძალიან მომწონს, მაგრამ ინიციატივის გამოჩენას ვერ ვბედავ. თანატოლები რომ ვიყოთ, ალბათ უფრო ადვილად გადავდგამდი პირველ ნაბიჯს, რათა უფრო ახლოს გამეცნო, მაგრამ მოცემულ სიტუაციაში არ ვარ მზად გამოვიჩინო ინიციატივა: იქნებ ის ცოლიანია?"

თიკო, 19 წლის

-თუ თქვენ უბრალოდ გამოელაპარაკებით ახალგაზრდა კაცს ან სადმე დაპატიჟებთ, ამით ნამდვილად არ მიაყენებთ ზიანს მის ოჯახს (თუმცა ისიც გასარკვევია, ნამდვილად არის თუ არა დაოჯახებული). შეეცადეთ, როგორმე გაერკვეთ სიტუაციაში. რამდენ ხანს უნდა იყოთ გაურკვევლობაში? შეგიძლიათ ტრადიციული შეკითხვით დაიწყოთ: "რას აკეთებ დღეს საღამოს?" შემდეგ კი ხუმრობით იკითხეთ, ხომ არ ელოდება მას მეუღლე ან მრავალრიცხოვანი "მემკვიდრენი". რა თქმა უნდა, მაშინვე გულახდილი არ იქნება თქვენთან, თუმცა თანხმობა ან უარი შეხვედრაზე ბოლოს და ბოლოს ნათელს მოჰფენს გაურკვევლობას.

• "უხეშობას შევეჯახები თუ არა, მაშინვე ვიბნევი. როგორ შევინარჩუნო სიმტკიცე და ყველას შესაფერისი პასუხი გავცე? მე და ჩემი დაქალი ტურისტულ მოგზაურობაში ვიყავით. კაფეში ოფიციანტი უხეშად და უზრდ¬ელად მოგვექცა. საშინლად დავ¬იბენი და გავნერვიულდი. ჩემმა დაქალმა დამტვრეული ინგლისურითაც კი მოახერხა მისთვის პასუხის გაცემა, მე კი მშობლიურ ენაზეც ვერ ვახერხებ, სხვის უხეშობას შესაფერისად ვუპასუხო..."

ქეთი, 29 წლის

-თქვენ ფიქრობთ, უხეშმა და უტიფარმა ადამიანმა იცის, რომ ცუდად იქცევა და მას ადრე თუ გვიან შერცხვება? მაგრამ ტაქტიანობა ხშირად სისუსტედ აღიქმება. მშვიდად, მაგრამ მტკიცედ უნდა გამოხატოთ თქვენი უკმაყოფილება და აგრძნობინოთ უხეშ ადამიანს, რომ ის ნებადართულის საზღვრებს გადასცდა.

• "მე და ჩემი შეყვარებული ხუთი წელია ერთად ვცხოვრობთ. თავიდან ორივეს ერთნაირი გრძნობა გვქონდა ერთმანეთის მიმართ. ახლა კი მე გავცივდი მის მიმართ, აღარაფერს ვგრძნობ. ის ისევ სიყვარულზე მელაპარაკება, უნდა, რომ ბავშვები გვყავდეს. მე კი ყველაფერი მომბეზრდა. აღარ მსიამოვნებს მისი ალერსი, მაღიზიანებს, როგორ ჭამს, როგორ დადის. მეორე წელია ვფიქრობ, როგორ ვუთხრა, რომ მისგან წასვლა მინდა. მაგრამ გადაწყვეტილებას ვერ ვიღებ... როგორ მოვიქცე?"

ანი, 28 წლის

-შეეცადეთ, გაერკვეთ საკუთარ გრძნო¬ბებში. დააკვირდით საკუთარ ემოციებს, გრძნობის დროებითი გაცივებაა ეს თუ ნამდვილად არ შეეფერებით ერთმანეთს? ასეთი კითხვები ბევრი წყვილის წინაშე დგება. ხშირად ხდება სიყვარულისა და გულგრილობის პერიოდების მონაცვლეობა. ხანგრძლივი კავშირისას ეს ჩვეულებრივი რამ არის. მეორე წელია ფი¬ქრობთ, როგორ უთხრათ თქვენს მეგობარს, რომ წასვლა გინდათ? დაფიქრდით, რაღაც გაკავებთ. უპირველეს ყოვლისა, ამაში გაერკვიეთ. ხოლო დაშორებას ყოველთვის მოასწრებთ.

• "ჩემი ქმარი ყველაფერში ბაძავს თავის მეგობარს. ბრიყვული, ბავშვური საქციელია! პირში შესცქერის, როგორც მოზარდი ბიჭი. ისეთივე მობილური შეიძინა, როგორიც მეგობარს აქვს, იმაშიც კი მიბაძა, რომ ჩოგბურთის თამაში დაიწყო. საუბრის მანერაც კი მისგან გადაიღო. არ მინდა, უცხო ბიძიას ასლთან ვიცხოვრო!"

ლელა, 28 წლის

-როგორც ჩანს, თქვენ არ მოელოდით ქმრის დანახვას შემსრულებლის როლში და არა ლიდერის ამპლუაში. ადამიანები დაოჯახების შემდეგაც განაგრძობენ ცვლილებას და ამას უნდა შეეგუოთ. თქვენშიც ხდება ასეთი მეტამორფოზები და თქვენს ქმარსაც ალბათ ყველაფერი როდი ახარებს. ან იქნებ ეს "უცხო ბიძა" თქვენ "მოზარდთან" შედარებით უფრო მომხიბვლელად გეჩვენებათ? ასეთმა "ცუდმა" აზრებმა შეიძლება გააღიზიანოს მოსიყვარულე ცოლი!

• "შემთხვევით დავინახე, რომ ჩემმა შეყვარებულმა გოგონაზე ხელი ასწია. უკვე მეშინია მისი. მან გოგონას სახეში გაარტყა! შევეცადე გამერკვია, რა მოხდა, მაგრამ არ სურს რაიმეს ახსნა. როგორ მოვიქცე?"

თეკლა, 18 წლის

-უნდა გაერკვეთ მომხდარ სიტუაციაში. გაიგოთ ასეთი უხეში და სასტიკი ქცევის მიზეზი. თუ თქვენი მეგობარი უარს აცხადებს რაიმეს ახსნაზე, გაურბის მსჯელობას ამ საკითხზე, ჰკითხეთ მის მეგობრებს და ნაცნობებს, ვინც იყო იმ შემთხვევის მოწმე. ეს საქციელი ნამდვილად ვერ ახასიათებს კარგად ახალგაზრდა კაცს, მაგრამ არის გარემოებები, რომლებმაც შეიძლება რამენაირად ახსნას ეს საქციელი. მაგალითად, ის შეიძლება ასეთი სახით შეეცადა, ქალიშვილი ისტერიკული მდგომარეობიდან გამოეყვანა... ასე რომ, სიტუაციაში გარკვევა აუცილებელია, რათა თქვენი შიში გაიფანტოს. ეს შფოთი კი ნამდვილად არ არის უსაფუძვლო!