დავეხმაროთ ერთმანეთს
გამოკვლევის ავტორი, ოკლაჰომის უნივერსიტეტის ერთ-ერთი წამყვანი მიკრობიოლოგი ჯოზეფ ფერეტი ამბობს, რომ პენიცილინი საკმაოდ მძლავრი პრეპარატია სტრეპტოკოკის წინააღმდეგ, მაგრამ დღეს, როდესაც უკვე გაშიფრულია ამ საშიში მიკრობის გენეტიკური კოდი, სავსებით შესაძლებელია შეიქმნას გაცილებით ეფექტური ანტიბიოტიკები და, შესაძლოა, ვაქცინებიც კი. სტრეპტოკოკის გენომის გაშიფვრას ხუთი წელი დასჭირდა. გამოკვლევა ამერიკის შეერთებული შტატების ალერგიისა და ინფექციურ დაავადებათა ინსტიტუტმა დააფინანსა.
შაკიკი ბარამბოსა და ძიძოს ნაყენით დავამარცხე
სქესობრივი მომწიფების ასაკში შევედი თუ არა, საშინელი თავის ტკივილები დამჩემდა. ტკივილი ისეთი გაუსაძლისი იყო, რომ არათუ სწავლის ან საქმიანობის - ადგომის თავიც არ მქონდა. ტკივილი რამდენიმე დღე გრძელდებოდა, ემთხვეოდა მენსტრუაციის პერიოდს, კვების რეჟიმის დარღვევას, ნერვიულობას, უძილობას... დედამ ნევროპათოლოგთან მიმიყვანა. შაკიკის დიაგნოზი დამისვეს და დამამშვიდეს - სიცოცხლისთვის საშიში არ არისო. ასე იყო თუ ისე, სიცოცხლე კი გამიმწარდა. ზოგჯერ ტკივილისგან ხმამაღლა ვტიროდი. გამაყუჩებელი ოდნავ თუ მგვრიდა შვებას. არ დამიტოვებია არც ექიმი, არც ექიმბაში, მაგრამ... ერთ მშვენიერ დღეს მეზობელმა ბარამბოსა და ძიძოს ნაყენი მასწავლა. ვიყიდე აფთიაქში ორივე ბალახი და დავაყენე:
- 5 სუფრის კოვზ ბარამბოს დავასხი არაყი, გავაჩერე სამი დღე და გავფილტრე. ვიღებდი 1/4 ჭიქა წყლით განზავებულ 20 წვეთ ნაყენს დღეში 3-ჯერ ჭამის წინ.
ძიძოსგან კი ნაყენს ასე ვამზადებდი: ნახევარლიტრიან ბოთლში მესამედზე ვყრიდი ბალახს და ბოლომდე ვავსებდი არყით, ორი კვირით ვდგამდი სიბნელეში, შემდეგ ვფილტრავდი. ამ ნაყენით ვიზელდი საფეთქლებს შეტევის დროს. მკურნალობა განაგრძეთ სრულ გამოჯანმრთელებამდე.
გაციების დროს გამოგადგებათ
ვირუსების სეზონი კარგა ხანია დაიწყო. მინდა, ჩემი შინაური მეთოდები თქვენი ჟურნალის სხვა მკითხველებსაც გავუზიარო.
- აიღეთ 0,5 ლიტრი წყალი, დაუმატეთ 1 სუფრის კოვზი მარილი და 40-50 გრამი 10%-იანი ნიშადურის სპირტი. ცალკე ჭურჭელში ჩაასხით 0,5 ლიტრი წყალი და მასში გახსენით 10 გრამი ქაფურის სპირტი. ამის შემდეგ ეს ორი ნაზავი ერთმანეთში აურიეთ და კარგად შეანჯღრიეთ, რათა წარმოქმნილი ფიფქები დაიშალოს. მიღებული ნარევით დაიზილეთ ზურგი და გულმკერდი.
ამ მიქსტურის დალევაც შეიძლება: წლამდე ასაკის ბავშვს შეგიძლიათ მისცეთ 1 წვეთი, გაზავებული 1 სუფრის კოვზი წყლით; ერთი წლიდან კი ერთ ჭიქა წყალში იმდენი წვეთი ჩააწვეთეთ, რამდენი წლისაც არის ბავშვი; მოზრდილებისთვის 1 ჩაის კოვზი მიქსტურა 1 ჭიქა წყალში გააზავეთ.
- გრიპის დროს 1 სუფრის კოვზ ჟოლოს წვრილად დაჭრილ ტოტებს დაასხით 1 ჭიქა ადუღებული წყალი და ადუღეთ 10 წუთი, შემდეგ 1,5 საათით დააყენეთ. მიიღეთ 1 ჭიქა დღეში სამჯერ.
- ყელის ანთებისას აიღეთ გახეხილი ვაშლი და ხახვი თანაბარი ოდენობით, შეურიეთ იმავე ოდენობის თაფლს და მიიღეთ 2-3 ჩაის კოვზი დღეში 2-3-ჯერ.
ლ მაღალი სიცხის დროს კარგია ვაშლის კომპრესი: ვაშლი გახეხეთ წვრილად, თხლად წაუსვით ორფა დოლბანდს და შუბლზე დაიდეთ.
ცოტამ თუ იცის, რომ სპირტი არაჩვეულებრივი სიცხის დამწევი საშუალებაა. ავადმყოფს ზურგი და გულმკერდი სპირტით გაუწმინდეთ, მაგრამ საბანი არ დააფაროთ; ეთანოლი სწრაფად აორთქლდება და სხეულის ტემპერატურა დაიწევს.
კანის მოვლა არც ისე რთულია
ჩემს ქალიშვილს ბავშვობიდან ჰქონდა სახის კანთან დაკავშირებული პრობლემები, რომლებიც გარდატეხის ასაკში განსაკუთრებით გაუმწვავდა. ყველას გვეგონა, ეს ასაკი ჩაივლის და ყველაფერი თავისთავად მოგვარდებაო, მაგრამ წლები გადიოდა, კანი კი არა და არ უცხრებოდა. თავად ამას, რა თქმა უნდა, ძლიერ განიცდიდა. ერთხანს მეგობრების რჩევით მარწყვის ნიღბებს იკეთებდა - ამ კენკრას ხომ კარგი ანტიმიკრობული და ანთების საწინააღმდეგო თვისებები აქვს. მცირე უკეთესობა ნამდვილად დაეტყო, მაგრამ დროთა განმავლობაში კანი ისევ იცვლიდა შესახედაობას. ბოლოს დავადგინეთ - კანის გარეგანი გაწმენდა ეფექტიანი მხოლოდ იმ შემთხვევაში ყოფილა, როდესაც შინაგან გამღიზიანებელს მოაშორებთ, ამისთვის კი ხალხური საშუალების გამოყენება გვირჩიეს.
- აიღეთ თანაბარი რაოდენობით გვირილა, ოროვანდი, არყის ხის ფოთლები და მინდვრის შვიტა, აურიეთ ერთმანეთში. ერთ სადილის კოვზ ნარევს დაასხით 1 ჭიქა მდუღარე წყალი და დადგით 2-3 საათით. შემდეგ გადაწურეთ და მიიღეთ 1/3 ჭიქა 3-ჯერ დღეში.
ამავე ნაკრებისგან უნდა მოამზადოთ სახის კრემიც: ერთი ჩაის კოვზი ნარევი კარგად დაფხვენით და დაუმატეთ 4 ჩაის კოვზი ნაღების კარაქი, თქვიფეთ, ვიდრე ერთგვაროვან მასას არ მიიღებთ და წაისვით კანზე დილით, თბილი წყლით პირის დაბანის შემდეგ. როგორც ნაყენი, ისე კრემი განსაკუთრებით უხდება მშრალ კანს. ცხიმიანს - ნაკლებად. ჩემი ქალიშვილი ასე რამდენიმე თვე მკურნალობდა და გასაოცარი შედეგი მიიღო - კანი ისეთი გლუვი და პრიალა გაუხდა, დეფექტის ნაკვალევიც კი აღარსად დარჩა.
ბროლის ბალახი ბევრი უსიამოვნებისგან გიხსნით
ჟუნჟრუკო უბრალო, მოკრძალებული მცენარეა, თუმცა მეცნიერები მას სტელარია მედიას - საშუალო ზომის ვარსკვლავს უწოდებენ. ვინც მას იცნობს, დამეთანხმება, რომ მისი ყვავილები მართლაც ძლიერ წააგავს მცირე ზომის ვარსკვლავებს. წვიმის შემდგომ სტელარია ბროლის მცენარეს ემსგავსება, რადგან მის ღეროებზე წვიმის წვეთები რჩება და მზეზე ძვირფასი ქვებივით ანათებს. ბევრისგან გამიგონია ჟუნჟრუკოზე, ნეტავ ეს საშინელი სარეველა ამომაძირკვინაო. რა იციან, რომ მას შესანიშნავი სამკურნალო თვისებები აქვს. ჟუნჟრუკოს გამოყენება გვიან შემოდგომამდე შეიძლება, თუმცა ყველაზე მეტად ადრე გაზაფხულზე სჯობს. იგი აუმჯობესებს გულის მუშაობას, აწესრიგებს ნერვული სისტემის ფუნქციებს, ხელს უწყობს ჭრილობების შეხორცებას და აფერხებს უკვე დაწყებული კატარაქტის პროგრესირებას.
- აიღეთ ჟუნჟრუკო, გამოწურეთ წვენი და ჩაიწვეთეთ 2-3 წვეთი დღეში 2-3-ჯერ თითოეულ თვალში დიაბეტური რეტინოპათიისა და კატარაქტის დროს.
სისხლში ჰემოგლობინის დონის ასაწევად ნახარშის სმაა საჭირო, რომელიც ასე მზადდება: 2 სადილის კოვზ გამომშრალ ბალახს დაასხით 1 ჭიქა მდუღარე წყალი, 10 წუთით შემოდგით ნელ ცეცხლზე და გადაწურეთ. მიიღეთ 1/4 ჭიქა დღეში 2-3-ჯერ, ჭამამდე. ახალმოკრეფილი ჟუნჟრუკო შეგიძლიათ კარგად გარეცხოთ და პირდაპირ მიირთვათ. ნახარში რეკომენდებულია იმ ქალებისთვისაც, რომელთაც კრიტიკულ დღეებში ძლიერი ტკივილები აქვთ. ასეთ დროს ნახარში უნდა სხვათ ზემოთ მითითებული წესით, ოღონდ დაიწყოთ კრიტიკული დღეების დადგომამდე 2-3 დღით ადრე. გაითვალისწინეთ: საჭმელად და სამკურნალოდ ვარგისია მხოლოდ მომრგვალოფოთლებიანი ჟუნჟრუკო. მისი მეორე ნაირსახეობა, რომელსაც ლანცეტისებრი, მოგრძო ფოთლები და გაცილებით დიდი ყვავილები აქვს, შხამიანი და სამკურნალოდ უვარგისია.