რამდენიმე რჩევა სწორ კვებასთან დაკავშირებით
1. შეადგინეთ ერთი კვირის მენიუ
ერთი შეხედვით რთული ამოცანაა, მაგრამ რაც უფრო ხშირად შეადგენთ მენიუს, მით ნაკლებ დროს დახარჯავთ მომავალში ამისათვის. წინასწარ შედგენილი მენიუ დაგვეხმარება პოდუქტების შეძენის დაგეგმვასა და დანახარჯების ოპტიმიზაციაში.
2. შეარჩიეთ 20 კერძი, რომელთა დამზადებაც გსიამოვნებთ
სიაში მხოლოდ ის კერძები უნდა მოხვდეს, რომლებიც ნამდვილად მოგწონთ. სწორედ ისინი გახდება დაბალანსებული რაციონის ნაწილი. ეს სია შესაძლებელია განთავსდეს მაცივრის კარზე. შეგიძლიათ ოჯახის სხვა წევრებსაც ჰკითხოთ, რა სურთ, რომ მენიუში ჰქონდეთ. შეეცადეთ დაამზადოთ საყვარელი კერძის უფრო ჯანსაღი ვარიანტი.
რისთვის გვჭირდება ამგვარი სია და მენიუს შედგენა? ის ძალიან დაგვეხმარება, შინ ვიქონიოთ საყვარელი კერძისთვის საჭირო ყველა პროდუქტი და ენერგიაც დაგვეზოგება.
3. მენიუს დადეგმვა დაიწყეთ ბოსტნეულის მომზადების წესით
ჩვენ მიჩვეულები ვართ, ისტორიულად ასე ჩამოყალიბდა, რომ მენიუს დაგეგმვა უნდა დავიწყოთ ცილოვანი პროდუქტით (თევზი ან ხორცი). რატომღაც ყოველთვის გვეჩვენება, რომ განვიცდით ცილის დეფიციტს. მაგრამ თანამედროვე ადამიანს რაციონში სწორედ ხილი და ბოსტნეული არ ჰყოფნის. ამიტომ მენიუ უნდა დავგეგმოთ ბოსტნეულით.
ზრდასრულმა ადამიანმა დღეში უნდა მიიღოს 5 ულუფა ხილი და ბოსტნეული. ჩვენ, საშუალოდ, 3 ულუფას ვღებულობთ დღეში. ამ დისონანსის აღმოსაფხვრელად მაცივარში საკმარისი ხილი და ბოსტნეული იქონიეთ და მოათავსეთ ის მენიუს ცენტრში.
ბოსტნეული სასარგებლოა კუჭ-ნაწლავის ტრაქტისა და იმუნიტეტისათვის, გვეხმარება რაციონის გემოსა და ფერის გამრავალფეროვნებაში.
თავდაპირველად უნდა მოიფიქროთ მენიუ და შემდეგ შეიძინოთ ბოსტნეული. მაშინ მაცივარში აღარ გექნებათ დამჭკნარი სალათის ფურცლების კონა.
4. შეიძინეთ კვირაში ერთი ახალი პროდუქტი და ისწავლეთ მისი მომზადება
ეს ძალიან მნიშვნელოვანია: თქვენ თავად გამოდიხართ კომფორტის ზონიდან და ბავშვებისთვის მაგალითის მიმცემი ხართ (ასწავლით ახალ პროდუქტებთან მიჩვევას). ძალიან მნიშვნელოვანია ახალი გემოების აღმოჩენა.
რატომაა მნიშვნელოვანი მენიუს გაფართოება?
ნაწლავის მიკრობიომი გამრავალფეროვნდება
მეცნიერებმა გამოარკვიეს, რომ სასარგებლო ბაქტერიები ჩვენს ნაწლავში იკვებებიან სხვადასხვა სახის უჯრედისით. სხვადასხვა პროდუქტის მიღებით ნაწლავს ეხმარებით უფრო ჯანსაღად იყოს, ამდიდრებთ მიკრობიომს და შესაბამისად, ზრდით იმუნიტეტს, აუმჯობესებთ განწყობას და ა. შ. ახალი სახეობის უჯრედისით ჩვენს ორგანიზმში ხვდება ახალი სახეობის სასარგებლო ბაქტერიები.
მცირდება ტკბილისადმი ლტოლვა
ახალი პროდუქტების ჩართვა შაქარზე დამოკიდებულებასთან გამკლავებაში დაგვეხმარება. როდესაც რაციონში მრავალფეროვნებაა, არჩევანის შესაძლებლობით სიამოვნებას ვიღებთ. ის ანაცვლებს ტკბილეულისგან მიღებულ სიამოვნებას. ორივე შემთხვევაში ხდება დოფამინის გამოტყორცნა.
5. არ გაართულოთ
ჯანსაღი საკვების მიღება არ ნიშნავს ძვირად ღირებულ და სოციალურ ქსელებში პოპულარული პროდუქტების შეძენას. სასარგებლო პროდუქტებში შედის ბურღულეული, წიწიბურა, კომბოსტო, თევზი და ა. შ. ყველაზე მნიშვნელოვანია ბალანსირებული რაციონი.
6. შემოიკრიბეთ ჯანმრთელი ჩვევების მქონე ადამიანები
კვებითი ჩვევების შესაცვლელად, ისევე როგორც ნებისმიერი სხვა ცვლილებებისას, საჭიროა კარგი კომპანია. კვების ერთად შეცვლა უფრო მოსახერხებელია. სრულიადაც არაა აუცილებელი გლობალური ცვლილებებით დაწყება. ნაბიჯ-ნაბიჯ, თანდათანობით დაამკვიდრეთ თქვენს ცხოვრებაში სასარგებლო ცვლილებები – ეს უფრო ეფექტურია.
7. გადადეთ ტელეფონი ჭამის დროს და ოჯახის წევრებთან ურთიერთობისას
ხელში ტელეფონით უფრო სწრაფად ვჭამთ და ვერ აღვიქვამთ გემოს პალიტრას, ვერ ვიღებთ ნამდვილ სიამოვნებას საკვებისგან და საკვების მიღების პროცესსაც ვერ ვაფასებთ. ტელეფონი გვართმევს მთელ სიამოვნებას, რომელიც შეიძლება მივიღოთ სადილობისას.
8. საკმარისია „ახალი ცხოვრების დაწყება“
აირჩიეთ 1-2 ჩვევა, იმუშავეთ მასზე და პერიოდულად შეაფასეთ შედეგი. მაგალითად, 2-3 დღე საკმარისია, რომ შევაფასოთ მეტი წყლის დალევის ჩვევა.
9. შეაფასეთ თქვენი ჭურჭელი
რამდენად მოგწონთ ამ ჭურჭლიდან ჭამა, ღებულობთ თუ არა ესთეტიკურ სიამოვნებას მომზადების პროცესში და კვების დროს.
ჭურჭელმა, ტანსაცმლის ან ინტერიერის საგნის მსგავსად, სიამოვნება და სიხარული უნდა მოგვანიჭოს.