როგორ აღვიდგინოთ ორგანიზმში მინერალების დეფიციტი - მკურნალი.გე

რუბრიკები

ოჯახის მკურნალის ანონსი

ნოემბერი 2020

როგორ აღვიდგინოთ ორგანიზმში მინერალების დეფიციტი

როგორ აღვიდგინოთ ორგანიზმში მინერალების დეფიციტი
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ

ადამიანის ორგანიზმის ნორმალური ფუნქციონირებისთვის წყალთან ერთად აუცილებელია მინერალური ნივთიერებებიც. ენდოკრინოლოგების შეფასებით, ადამიანის ორგანიზმისთვის მინერალების მნიშვნელობა შეუფასებელია.

"მინერალური ნივთიერებები შედის ფერმენტების და ჰორმონების შემადგენლობაში, რომლებიც მონაწილეობენ ნივთიერებათა ცვლის პროცესებში. ძვლოვანი ქსოვილის შენებაში მთავარ ელემენტებს წარმოადგენს კალციუმი და ფოსფორი. მინერალები ორგანიზმს ესაჭიროება სხვადასხვა რაოდენობით. მათი ნაკლებობა იწვევს სისხლის წარმოქმნის, იმუნური, ენდოკრინული, რეპროდუქციული და ძვლოვანი სისტემების ფუნქციონირების დარღვევას," - განმარტავენ სპეციალისტები.

ორგანიზმი საჭირო მინერალებით შეიძლება შევივსოთ სხვადასხვა კატეგორიის საკვები პროდუქტით, ასევე ყოველდღიურად მივიღოთ მინერალური
წყალი. ზუსტად რა არის სასარგებლო მინერალურ წყალში და ზოგადად, რა როლი აქვს მინერალებს ორგანიზმის გაჯანსაღებასა და გაძლიერებაში, გვესაუბრება ექიმი-ენდოკრინოლოგი, მედიცინის დოქტორი, ივ. ჯავახიშვილის სახელობის სახელმწიფო უნივერსიტეტის ასოცირებული პროფესორი ქეთი ასათიანი, რომელიც ასევე არის სიმსუქნისა და მეტაბოლურ დარღვევათა განყოფილების ხელმძღვანელი ენდოკრინოლოგიის ეროვნულ ინსტიტუტში და საქართველოს სიმსუქნის
შემსწავლელი ასოციაციის პრეზიდენტი.

- რა პროდუქტები უნდა მივიღოთ კორონავირუსის ფონზე, იმისათვის, რომ გავიძლიეროთ იმუნური სისტება და მარტივად მოვერიოთ ვირუსს?

- იმუნური სისტემა, როგორც ცნობილია, გვიცავს ბაქტერიებით, ვირუსებითა და ტოქსინებით გამოწვეული დაავადებებისგან და გვეხმარება "ცუდი" უჯრედებისგან განთავისუფლებაში; ჯანსაღი იმუნური სისტემის წინაპირობა არის სწორი კვების რაციონი, სეზონურ პროდუქტში არსებული ვიტამინებისა და მინერალების ერთობლიობა, სრულფასოვანი ძილი, ფიზიკური აქტივობა. ბალახეული ჩაი, კერძოდ, მწვანე და გვირილის ჩაი - მძლავრი ანტიოქსიდანტია, იგივე შეიძლება ითქვას ციტრუსების, ხახვის, ნიორის, მწვანილის, კოჭას, კურკუმასა და მარცვლოვანების შესახებ.

D ვიტამინი სრულიად შეუცვლელი კომპონენტია იმუნური სისტემის სრულფასოვანი მუშაობისათვის - D ვიტამინს შეიცავს თევზის ცხიმიანი სახეობა, რძე და რძის პროდუქტები. აუცილებელია, გარკვეული ოდენობით - A, C, E ვიტამინების, ისევე როგორც თუთიისა და საკვები ბოჭკოს მიღება. C ვიტამინის წყაროა - ისპანახი, ბულგარული წიწაკა, ბრიუსელის კომბოსტო, მწვანე ფოთლოვანი ბოსტნეული, ციტრუსები. E ვიტამინი C ვიტამინის მსგავსად მძლავრი ანტიოქსიდანტია, ის წინააღმდეგობას უწევს ინფექციას. ნუში, თხილი, ნიგოზი მდიდარია E ვიტამინით, ისევე როგორც ბროკოლი და ისპანახი. A ვიტამინს შეიცავს - სტაფილო, გოგრა, ტკბილი კარტოფილი.

ამ პროდუქტში შემავალი კაროტინოიდები ეხმარება იმუნურ სისტემას ინფექციასთან ბრძოლაში. ფოლიუმის მჟავა შედის მწვანე ბოსტნეულის, ლობიოს, პარკოსნების შემადგენლობაში. რკინა, უჯრედებისთვის ჟანგბადის გადამტანი უმნიშვნელოვანესი ელემენტია, უპირატესად შედის ხორცის შემადგენლობაში, თუმცა ის ასევე არის ბროკოლშიც და ლობიოშიც. სელენით მდიდარია ნიორი, ბროკოლი, თინუსი, ნიგოზი. თუთიას შეიცავს ზღვის პროდუქტები, ხორცი, ბარდა. ყველა ეს მიკროელემენტი უმნიშვნელოვანესია იმუნური სისტემის სრულფასოვანი მუშაობისათვის და ასევე აუცილებელია მინერალური წყალი.

- რა ძირითადი ფუნქცია ეკისრება მინერალებს ადამიანის ორგანიზმში?

- ადამიანის ორგანიზმში მინერალები სხვადასხვა ფიზიოლოგიური პროცესისა თუ ფუნქციის მძლავრი მოდულატორები არიან - მყარი ძვლების ფორმირებიდან მოყოლებული ნერვული იმპულსის გადაცემამდე. ისინი ხელს უწყობენ ორგანიზმის ზრდას, განვითარებას და სხეულის ჯანსაღი მდგომარეობის შენარჩუნებას. ზოგიერთი მინერალი გამოიყენება ჰორმონის შესაქმნელად, ასევე პასუხისმგებელია გულის სრულფასოვან რითმზე. მინერალები მონაწილეობენ საკვებიდან ენერგიის მიღების პროცესში, აღადგენენ დაზიანებულ უჯრედებს, მონაწილეობენ ჭრილობის შეხორცების პროცესში და აძლიერებენ ჩვენს იმუნურ სისტემას. ისინი ასევე ხშირად გვევლინებიან ერთგვარ ფარმაკოლოგიურ აგენტებად. თუმცა, შეიძლება ითქვას, რომ მათი პოტენციალი ჯერ კიდევ ბოლომდე შესწავლილი არ არის და კვლევა-ძიება ამ მიმართულებით კვლავაც გრძელდება.

- ბევრს საუბრობენ მინერალური წყლების სასარგებლო თვისებებზე. თქვენ, როგორც ენდოკრინოლოგი, როგორ შეაფასებდით?

- სასიცოცხლოდ მნიშვნელოვანია მიკროელემენტების მონაწილეობა ისეთ ენდოკრინულ პროცესებში, როგორიცაა ზრდის პროცესი, გონადების, ფარისებრი ჯირკვლის, თირკმელზედა ჯირკვლის გამართული ფუნქციონირება, გლუკოზის ჰომეოსტაზი, კალციუმ-ფოსფორის მეტაბოლიზმი. ამ თვალსაზრისით განსაკუთრებული მნიშვნელობა ენიჭება ისეთ მინერალებს, როგორიცაა კალციუმი, მაგნიუმი, კალიუმი, ნატრიუმი, ფოსფორი, იოდი, სელენი, თუთია, ქრომი, მანგანუმი. ჩვენს შემთხვევაში მინერალური წყალი "ლიკანი" შეიცავს უმეტესწილად ამ სასიცოცხლოდ მნიშვნელოვან მიკროელემენტებს. წყლის ზუსტი მინერალური შედგენილობა დამოკიდებულია მისი წარმოშობის ადგილზე, ანუ იმ ბუნებრივ რესურსებზე, საიდანაც იღებს სათავეს ეს წყალი. შესაბამისად ადამიანის ჯანმრთელობაზე მის სასიკეთო გავლენას, სწორედ, მისი შედგენილობა განსაზღვრავს. "ლიკანის" წყაროები ბორჯომის ხეობაში ზღვის დონიდან 810 მეტრის სიმაღლეზეა. ის ზომიერად შეიცავს მინერალურ-იონურ კომპლექსს. მისი თავისებურება არის ჰიდროკარბონატების, მაგნიუმისა და კალციუმის განსაკუთრებული თანაფარდობა. "ლიკანი" უხვად არის გაჯერებული ბუნებრივი გაზით. ნახშირორჟანგის დახმარებით მინერალური წყალი 1500 მეტრის სიღრმიდან ამოდის და მას სრულიად განსაკუთრებულ გემოს ანიჭებს.

mkurnali.ge

- რამდენად უწყობს ხელს "ლიკანი" ორგანიზმის გაჯანსაღებასა და მინერალების დეფიციტის აღდგენას?

- მინერალი, კვების თვალსაზრისით, ქიმიური ელემენტია. ის ესენციური, სავალდებულო მკვებავი ნივთიერებაა; მისი მეშვეობით ორგანიზმი წარმართავს და ახორციელებს სასიცოცხლოდ მნიშვნელოვან ფუნქციებს. ორგანიზმისათვის სხვადასხვა მინერალების საჭირო რაოდენობა ნახშირწყლებთან, ცილებთან და ცხიმებთან შედარებით ბევრად მცირეა. თუმცა, ამ მცირე ზომის ნაწილაკების როლი ორგანიზმის სრულფასოვანი მუშაობისათვის ფრიად მნიშვნელოვანია. ფაქტობრივად, არ არსებობს არცერთი ორგანო, რომლის მუშაობაში მონაწილეობას არ იღებს ესა თუ ის მიკროელემენტი. იმის გათვალისწინებით, რომ "ლიკანი" ბუნებრივი გზით გამდიდრებულია ცოცხალი მინერალებით (კალიუმი, კალციუმი, მაგნიუმი, ფოსფორი, ნატრიუმი) ის უზრუნველყოფს ორგანიზმისთვის ენერგიის მიწოდებას და ხელს უწყობს მის სიჯანსაღეს. მისი ბუნებრივად დაბალმინერალიზებული გემო კი თითქმის ყველა გემოვნების ადამიანისთვის არის მისაღები. აუცილებელია, გავითვალისწინოთ, რომ მინერალური წყლის მიღებასთან ერთად მნიშვნელოვანია კვების რეჟიმის დარეგულირებაც, რადგან სწორედ კომპლექსურად მიღებას აქვს განსაკუთრებული მნიშვნელობა და ეფექტი.
გააკეთეთ კომენტარი
თარიღი : 06-08-2020
ნანი
რა განსხვავებაა ლიკანსა და ნაბეღლავს შორის
თარიღი : 14-07-2020
გიორგი
რატომ მაინცდამაინც ლიკანი და არა ნაბეღლავი,საირმე,კობი და ა.შ????
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ორაგული ყველა ადამიანის საკვები რაციონის აუცილებელი ნაწილი უნდა იყოს. თევზი რომ სასარგებლო
ადრეული კვლევებით დადასტურებულია, რომ მარილის სიჭარბე ორგანიზმში
წონის კლება იოლი არ არის. თანამედროვე ცხოვრების არანორმალური რიტმიდან გამომდინარე ადამიანებმა მიმართეს
სპეციალისტებმა გაარკვიეს, როგორ გამომუშავდება ორგანიზმში დღეგრძელობის ცილა. ამისათვის თურმე
იაპონელი მეცნიერების აზრით, კვირაში სამჯერ სოკოს მიღება, პროსტატის კიბოს განვითარების
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად