შაკიკი ტკივილის გარეშე - ოკულარული შაკიკი
ზოგიერთ ადამიანს შესაძლოა შაკიკი თავის ტკივილისა და გულისრევის გარეშე ჰქონდეს. მას თვალის (ოკულარული) ან ოფთალმოლოგიური შაკიკი ეწოდება. ეს არის ჩუმი შაკიკის ფორმა, ანუ, მას არ ახლავს ტკივილი. ახასიათებს მხედველობის სხვადასხვა დარღვევა, რომელიც შეიძლება გაჩნდეს ერთ ან ორივე თვალში, მაგალითად, ლაქები მხედველობის არეში, ზიგზაგები, მოციმციმე წერტილები.
მათ, ვისაც შაკიკი აწუხებთ შეიძლება ამოიცნონ მხედველობის ეს სიმპტომები, რომელებიც აურის სახელით არის ცნობილი და ზოგჯერ ტკივილის დაწყების გამაფრთხილებელ ნიშანს წარმოადგენს. მაგრამ, თვალის შაკიკის შემთხვევაში, თავის ტკივილი არ მოჰყვება და მხედველობის სიმპტომები ჩვეულებრივ 20-30 წუთში ქრება.
რა იწვევს თვალის შაკიკს?
ითვლება, რომ ოფთალმოლოგიური შაკიკი წარმოიქმნება ისევე, როგორც ჩვეულებრივი შაკიკის თავის ტკივილი, ტვინში არარეგულარული ელექტრული აქტივობით. პოტენციური გამომწვევები მოიცავს: მკვეთრ შუქს, სტრესს და ამინდის ცვლილებებს.
მიუხედავად იმისა, რომ ძირეული მიზეზი ერთი და იგივეა, უცნობია რატომ განიცდის ზოგიერთი ადამიანს შაკიკის ტკივილს მხედველობის დარღვევის შემდეგ, ზოგი კი არა - ან რატომ შეიძლება ადამიანმა განიცადოს ორივე მათგანი.
მიუხედავად იმისა, რომ თვალის შაკიკი თავისთავად არ არის საზიანო, მხედველობის დარღვევა სხვა სამედიცინო მდგომარეობის შედეგი შეიძლება იყოს. ასე რომ, უმჯობესია ექიმის კონსულტაცია.
თუ თვალის და გულის პოტენციური პრობლემები გამოირიცხება, შეგიძლიათ იფიქროთ თვალის შაკიკზე, როგორც დროებით დისკომფორტზე.
