რისთვის არის თუთია სასარგებლო
ის აუცილებელია ორგანიზმის იმუნური დაცვისთვის. თუთია ააქტიურებს ადამიანის სისხლის თეთრ სხეულაკებს- Т-ლიმფოციტებს, რომლებიც ხელს უწყობს ანტისხეულების გამომუშავებას და ვირუსული უჯრედების განადგურებას. ეს ორგანიზმს საშუალებას აძლევს უფრო სწრაფად შეიგრძნოს საშიშროება და დაიწყოს პათოგენურ გარემოსთან ბრძოლა.
მეცნიერები თანხმდებიან, რომ თუთიის მიღებით მნიშვნელოვნად მცირდება მწვავე რესპირატორული დაავადებების ხანგრძლივობა, ხოლო მისი ნაკლებობა იწვევს იმუნიტეტის დაქვეითებას.
ამას გარდა, თუთია ხელს უწყობს ჭრილობების სწრაფად შეხორცებას, ეფექტურია აკნეს დროს. ამიტომ მას ხშირად უმატებენ სხვადასხვა მაზებსა და კოსმეტიკურ საშუალებებში.
თუთია აძლიერებს თმას, ფრჩხილებსა და ძვლებს, აუმჯობესებს მხედველობას. იგი შედის იმ ფერმენტის შემადგენლობაში, რომელიც გემოსა და ყნოსვის აღქმაზეა პასუხისმგებელი. ამიტომ, თუთიის ნაკლებობამ შეიძლება დააქვეითოს სხვადასხვა გემოსა და სუნის შეგრძნების უნარი.
ხშირად თუთიის ნაკლებობა აღენიშნებათ ვეგანებსა და ვეგეტარიანელებს, რადგანაც ხორცი, განსაკუთრებით საქონლის, წარმოადგენს ამ მიკროელემენტის წყაროს.
თუთიის დღიური ნორმა ზრდასრული მამაკაცისთვის 11მგ-ია, ქალებისთვის 8 მგ. ორგანიზმის თუთიით შესავსებად, აუცილებლად უნდა მივიღოთ ამ მიკროელემენტით მდიდარი საკვები, როგორიცაა: მოლუსკები, რძის პროდუქტები, პარკოსნები, სოკო, კომბოსტო.