მარტოობა ზრდის გულის კორონარული დაავადების რისკს
შესაბამისი კვლევა ორგანიზაციის ჟურნალში გამოქვეყნდა.
კვლევის ავტორის, ნიუ ორლეანის ტულანის უნივერსიტეტის საზოგადოებრივი ჯანმრთელობისა და ტროპიკული მედიცინის სკოლის მეცნიერის ლუ ჩის თქმით, სოციალური კონტაქტის ხარისხი, სავარაუდოდ, უფრო მნიშვნელოვანია დიაბეტის მქონე ადამიანებში გულის ჯანმრთელობისთვის. მეცნიერი დარწმუნებულია, რომ ადამიანებმა არ უნდა დააკნინონ მარტოობის მნიშვნელობა ფიზიკური და ემოციური ჯანმრთელობისთვის.
,,მე ვურჩევდი დიაბეტიან პაციენტებს, რომლებიც თავს მარტოდ გრძნობენ, შეუერთდნენ ადამიანების ჯგუფს და შეეცადნონ დაუმეგობრდნენ მათ, ვისთანაც საერთო ინტერესები აქვთ”, - თქვა ლუ ჩიმ.
კვლევაში მონაწილეობა მიიღო 37-დან 73 წლამდე ასაკის 18000 -ზე მეტმა ბრიტანელმა, რომლებთანაც გამოიყენეს ისეთი პარამეტრები, როგორიცაა სხეულის მასის ინდექსი (BMI), ფიზიკური აქტივობა, დიეტა, ალკოჰოლი, მოწევა, მედიკამენტები,არტერიული წნევა, ქოლესტერინი და სისხლში შაქრის დონე. ათწლეულზე მეტი ხნის განმავლობაში 3000-ზე მეტ ადამიანს განუვითარდა გულის დაავადება, რომელიც მოიცავდა გულის კორონარულ დაავადებას ან ინსულტს.
მკვლევარებმა დაადგინეს, იმ პირებში, ვინც ყველაზე მაღალ ქულას იღებდა მარტობის შკალაზე, გულის დაავადების განვითარების რისკი 26%-ით უფრო მაღალი იყო, ვიდრე დაბალი ქულების მქონე პირების შემთხვევაში.
მკვლევარებმა ასევე დაასკვნეს, რომ დიაბეტის მქონე პაციენტებისთვის ფიზიკური რისკ-ფაქტორების(ცუდად კონტროლირებადი შაქრის დონე სისხლში, მაღალი არტერიული წნევა, მაღალი ქოლესტერინი, მოწევა, თირკმლის ფუნქციების დარღვევა) ეფექტი უფრო ძლიერი იყო მარტოხელა პაციენტებში.