როგორ ამცირებს ვეგეტარიანული დიეტა გულის დაავადების რისკს
მათ აღმოაჩინეს, რომ ექვსი თვის განმავლობაში მცენარეული დიეტის მიღება აუმჯობესებს კარდიომეტაბოლური რისკის რამდენიმე მაჩვენებელს, როგორიცაა ქოლესტერინი და სისხლში შაქარი.
მცენარეული დიეტის მიღება შეიძლება სასარგებლო იყოს გულ-სისხლძარღვთა დაავადებების მაღალი რისკის მქონე ადამიანებისთვის.
კვლევები აჩვენებს, რომ გულ-სისხლძარღვთა დაავადება ხშირად ვითარდება არასწორი ცხოვრების წესის გამო, როგორიცაა კვება, მოწევა და ფიზიკური უმოქმედობა.
ვეგეტარიანული დიეტა შეიძლება ეფექტური იყოს გულ-სისხლძარღვთა დაავადებების პრევენციისთვის. ექვსი თვის განმავლობაში ვეგეტარიანული დიეტის მიღება დაკავშირებულია ქოლესტერინის, სისხლში შაქრისა და სხეულის წონის გაუმჯობესებულ მაჩვენებლებთან გულ-სისხლძარღვთა მაღალი რისკის მქონე პირებში.
კვლევისთვის მკვლევარებმა გააანალიზეს 20 რანდომიზებული კონტროლირებადი კვლევა, რომელშიც მონაწილეობდა 28-64 წლის ასაკის 1878 მონაწილე, რომლებსაც ან ჰქონდათ გულ-სისხლძარღვთა დაავადებები ან იმყოფებოდნენ დაავადების განვითარების მაღალი რისკის ქვეშ. პაციენტების უმეტესობა იღებდა მედიკამენტებს კარდიომეტაბოლური სიმპტომების სამართავად. კვლევები საშუალოდ 6 თვე გრძელდებოდა. კვლევის პერიოდში მონაწილეები ჭამდნენ ვეგანური ან ვეგეტარიანული დიეტის სხვადასხვა სახეობას.
საბოლოო ჯამში, მკვლევარებმა დაადგინეს, რომ ვეგეტარიანული დიეტის მიღება საშუალოდ 6 თვის განმავლობაში დაკავშირებული იყო ,,ცუდი” ქოლესტერინისა და სისხლში გლუკოზის მაჩვენებლების შემცირებასთან. გულ-სისხლძარღვთა დაავადებების მაღალი რისკისა და ტიპი 2 დიაბეტის მქონე ადამიანებში შეინიშნებოდა ყველაზე მეტი შემცირება.
მკვლევარები ვარაუდობდნენ, რომ ვეგეტარიანული დიეტა შეიძლება ეფექტური იყოს მედიკამენტებზე დაფუძნებულ თერაპიასთან ერთად სხვადასხვა კარდიომეტაბოლური მდგომარეობის პრევენციისა და მკურნალობისთვის.
ვეგეტარიანული დიეტა მოიცავს ანთების საწინააღმდეგო ბოჭკოებით და ანტიოქსიდანტებით მდიდარ საკვებს, ხილს, ბოსტნეულს, მარცვლეულს, თხილს, ლობიოსა და პარკოსნებს. აქედან გამომდინარე, ქოლესტერინის დონე, სხეულის წონა და ანთება მცირდება.