ყოველწლიურად ტუბერკულოზით 1,6 მილიონი ადამიანი იღუპება
1882 წლის 24 მარტს გერმანელმა მიკრობიოლოგმა რობერტ კოხმა (Robert Koch) ტუბერკულოზის გამომწვევის აღმოჩენის შესახებ განაცხადა. 1905 წელს მეცნიერმა მედიცინის დარგში ნობელის პრემია მიიღო. 1982 წელს ჯანდაცვის მსოფლიო ორგანიზაციის და ტუბერკულოზთან და ფილტვის დაავადებებთან ბრძოლის საერთაშორისო კავშირის (International Union Against Tuberculosis and Lung Disease — IUATLD) მიერ ტუბერკულოზის გამომწვევის-კოხის ჩხირის- აღმოჩენის 100 წლისთავის აღსანიშნავად დაწესდა ეს დღე.
1993 წელს ჯანდაცვის მსოფლიო ორგანიზაციის მიერ ტუბერკულოზი გამოცხადდა ნაციონალურ უბედურებად, ხოლო 24 მარტი ტუბერკულოზთან ბრძოლის მსოფლიო დღედ. 1998 წლიდან იგი აღინიშნება გაეროს ოფიციალური მხარდაჭერით.
ტუბერკულოზი ინფექციური დაავადებაა, რომელიც გადაეცემა ჰაერ-წვეთოვანი გზით. სათანადო მკურნალობის გარეშე ტუბერკულოზის აქტიური ფორმით დაავადებულმა შეიძლება ყოველწლიურად დაასნებოვნოს 10-15 ადამიანი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სადღეისოდ, ყოველწლიურად ტუბერკულოზით 1,6 მილიონი ადამიანი იღუპება, რომელთაგან უმრავლესობა განვითარებადი ქვეყნების მოსახლეობაა.
1993 წელს ჯანდაცვის მსოფლიო ორგანიზაციამ რეკომენდაცია გაუწია DOTS-ს (Directly Observed Treatment, Short-course) — როგორც ტუბერკულოზთან ბრძოლის ახალ სტრატეგიას, რაც ქიმოთერაპიის მოკლე კურსებით მკურნალობის უშუალო კონტროლს (დაკვირვება) გულისხმობს.DOTS-ის ძირითადი პრინციპებია: მიკროსკოპული დიაგნოსტიკა; მკურნალობაზე კონტროლი, შედეგების რეგულარული შეფასება.
DOTS წარმოადგენს ტუბერკულოზის ეპიდემიის საწინააღმდეგო სტრატეგიას, რადგანაც იგი გარშემომყოფთათვის მეტად საშიში დაავადებულების გამოვლენსა და მკურნალობას ითვალისწინებთ.
ტუბერკულოზით დაავადებულთა 92-95%-ის განკურნება სრულიად შესაძლებელია. DOTS-ის დანერგვით მრავალი ადამიანი გადაურჩა ტუბერკულოზით სიკვდილს, დაავადებასა და ტანჯვას. DOTS-ის სტრატეგიის პრინციპები უნივერსალურია ნებისმიერი ქვეყნისთვის და წარმატებით დაინერგა მსოფლიოს 180-ზე მეტ ქვეყანაში. მისი მეშვეობით 22 მილიონი ადამიანის სიცოცხლის გადარჩენა მოხერხდა და ამ მიმართულებით მუშაობა მუდმივად მიმდინარეობს, თუმცა ჯანდაცვის მსოფლიო ორგანიზაციის მოსაზრებით, სადღეისოდ არასაკმარისია ცალკეული პაციენტის აღმოჩენის, მკურნალობისა და განკურნებისაკენ მიმართული ძალისხმევა. ყოველწლიურად ტუბერკულოზით დაავადებული 9 მილიონი ადამიანიდან, 3 მილიონი არ მკურნალობს. ამიტომ ტუბერკულოზთან ბრძოლის მსოფლიო დღის აღნიშვნის მიზანი, პირველ რიგში, მოსახლეობის გათვითცნობიერებაა ამ დაავადების გლობალურ ეპიდემიაზე, მისი ლიკვიდაციის ძალისხმევაზე, მასთან ბრძოლისა და პროფილაქტიკის მეთოდებზე.
ლალი ჩხიკვაძე
რა უნდა ვიცოდეთ ფილტვების ტუბერკულოზის შესახებ
