გნათოლოგიური ორთოდონტია სტომატოლოგიის შედარებით ახალი და ერთ-ერთი რთული დარგია. ის შეისწავლის ყბა-კბილთა სისტემას და სტომატოლოგიური მკურნალობის დაგეგმარებაში წამყვანი ადგილი უჭირავს.

პრობლემის მოსაგვარებლად საჭიროა სწორად შეარჩიოთ გნათოლოგ-ორთოდონტი, რომელიც საწყის ეტაპზე სწორი დიაგნოზის დასმაში დაგეხმარებათ, შემდეგ კი მას მოგიგვარებთ. უფრო დეტალურად გნათოლოგიურ მკურნალობაზე სტომატოლოგიისა და ესთეტიკის ცენტრ „სმაილ სტუდიოს“ გნათოლოგ-ორთოდონტი, პროფესორი ნინო კომახიძე გვესაუბრება.

მოგვიყევით ზოგადად გნათოლოგიაზე, რა არის სტომატოლოგიის ამ მიმართულების მიზანი?

ნებისმიერი ოკლუზიური კონსტრუქციის მთავარ საწყის რგოლს გნათოლოგიური მკურნალობა წარმოადგენს. ყველა მანიპულაცია, რომელიც მიმართულია თანკბილვის კორექტირებისკენ, საღეჭ კუნთებსა და საფეთქელ-ქვედა ყბის სახსარზე ახდენს გავლენას. არასწორად წარმართულმა მკურნალობამ კი შეიძლება წარმოშვას მთელი რიგი პრობლემები საფეთქლისა და ქვედა ყბის სახსრის მიდამოში. სწორედ გნათოლოგს შეუძლია სწრაფად განსაზღვროს პრობლემის გამომწვევი მიზეზი და შეიმუშაოს მკურნალობის ყველაზე ოპტიმალური გზა. გნათოლოგიური მკურნალობის მთავარი მიზანია სახის ქვედა მესამედის ასიმეტრიის გასწორება, ქვედა ყბის და საფეთქელ-ქვედა ყბის სახსრის სასახსრე თავების ცენტრირება და თანკბილვის ნორმალიზება.

რა ჩივილების დროს უნდა მიმართონ პაციენტებმა გნათოლოგს?

პრობლემამ შესაძლოა მრავალი სხვადასხვა სიმპტომებით იჩინოს თავი, მათ შორის:

• ტკივილი საფეთქელ-ქვედა ყბის მიდამოში;
• შეზღუდული პირის გაღება დახურვა;
• ღეჭვაში მონაწილე კუნთების დაჭიმულობა;
• ტკაცუნს სახსარში;
• ყურების შეგუბება და შუილი;
• კბილების ცვეთა (ბრუქსიზმი);
• სახის ქვედა მესამედის ასიმეტრია, რაც სახის ესთეტიკის დარღვევას და ცხოვრების ხარისხის გაუარესებას იწვევს.

თუკი ჩამოთვლილი სიმპტომებისგან ერთ-ერთი მაინც აწუხებს პაციენტს, აუცილებელია ვიზიტის დაგეგმვა გნათოლოგთან.

რას გულისხმობს გნათოლოგიური მკურნალობა? რა ინსტრუმენტებს იყენებს გნათოლოგი მკურნალობის პროცესში?

პირველ ეტაპზე ხდება პაციენტის ინფორმირება. უნდა ჩატარდეს 3D კომპიუტერული ტომოგრაფია საფეთქელ-ქვედა ყბის სახსრის მიდამოში და უნდა მოხდეს კბილთა რკალის სიბრტყის განსაზღვრა. ორივე სახსრის დეტალური განხილვის შემდეგ ვადგენთ პაციენტის მკურნალობის ინდივიდუალურ გეგმას.

მკურნალობა ხდება სპეციალური გამჭვირვალე კაპების მეშვეობით. აღნიშნულს სპლინტ თერაპია ეწოდება. კაპა თავსდება ქვედა ყბის კბილებზე და მკურნალობა 4-6 თვის განმავლობაში გრძელდება.

ყბა-კბილთა სისტემის ანომალიების მკურნალობა ასევე ხდება მოსახსნელი და მოუხსნელი კონსტრუქციებით. მოსახსნელ კონსტრუქციებს განეკუთვნება: ფირფიტები, კაპები და ექსპანდერი, ხოლო მოუხსნელ კონსტრუქციაა ბრეკეტები, რომლებიც შეიძლება იყოს მეტალის, კერამიკული, თვითლიგირებადი და ლინგვალური.

გნათოლოგიის მიზანია ესთეტიკასთან ერთად მივიღოთ ფუნქციური სრულყოფილება. დროული და სწორად დასმული დიაგნოზი კი წარმატებული მკურნალობის გარანტიაა.

R