რუბრიკას უძღვება "ოჯახის მკურნალის" ექსპერტი სამართლებრივ საკითხებში, იურისტი და ჟურნალისტი ირინე ღლონტი.
გთხოვთ, ამიხსნათ, როგორი წესით მოხდება იძულებით გა-დაადგილებული პირებისთვის (დევნილებისთვის) დანამატის გადაანგარიშება და გაცემა ასაკის მომატებასთან დაკავშირებით. მაინტერესებს, ხომ არ უნდა მივმართო ამის თაობაზე განცხადებით სოციალური უზრუნველყოფის განყოფილებას, ვთქვათ, როცა შემისრულდება 71 წელი, თუ პენსიაზე ავტომატურად დამერიცხება 10-ლარიანი დანამატი?
- ამ შემთხვევაში სოციალური მომსახურების სააგენტოს ტერიტორიული ერთეულისთვის (ყოფილი სოციალური უზრუნველყოფის განყოფილება) მიმართვა საჭირო არ არის. დანამატის გადაანგარიშება და გაცემა მოხდება ავტომატურად, შესაბამისი ასაკის შესრულების მომდევნო თვის პირველი რიცხვიდან. აქვე მნიშვნელოვანია
ვარ სამაჩაბლოდან დევნილი, ორ თვეში მისრულდება საპენსიო ასაკი. ადრე ვიღებდი ინვალიდობის პენსიას, რომელიც ინვალიდობის ჯგუფის მოხსნის გამო 10 წლის წინ შემიწყვიტეს. ინვალიდობის პენსიის დანიშვნის დროს, იმჟამად მოქმედი წესის მიხედვით, დადგენილი მქონდა შრომის სტაჟი. მინდა ვიცოდე, შეიძლება თუ არა ათი წლის წინ მოქმედი კანონით დადგენილი სტაჟი დაედოს საფუძვლად ამჟამად საპენსიო ასაკის საფუძვლით დანიშნულ პენსიაზე დანამატის დარიცხვას.
- დიახ, შეიძლება, ვინაიდან "შრომითი სტაჟის მიხედვით საპენსიო ასაკის საფუძვლით დანიშნული სახელმწიფო პენსიის დანამატის განსაზღვრის შესახებ" საქართველოს მთავრობის 2007 წლის 29 აგვისტოს #181 დადგენილებაში აღნიშნულია, რომ თუ დევნილს არ გააჩნია შრომის სტაჟის დამადასტურებელი ოფიციალური დოკუმენტები, ამ დადგენილების ამოქმედებამდე არსებული წესების მიხედვით, ადრე დადასტურებული და გამოთვლილი შრომის სტაჟი შეიძლება გახდეს ასაკის გამო მინიმალური ოდენობით დანიშნულ პენსიაზე დანამატის გაანგარიშების საფუძველი. 2008 წლის 1 იანვრიდან ასაკის გამო მინიმალური ოდენობის სახელმწიფო პენსიის მიმღებს ან მის მაძიებელს დანამატი დაენიშნება (გადაუანგარიშდება) და აუნაზღაურდება შესაბამისად, დანამატის გაანგარიშების ან დანიშვნის შესახებ განცხადებისა და საჭირო დოკუმენტების წარდგენის მომდევნო თვის პირველი რიცხვიდან. დანამატის გაცემის (ანაზღაურების) ვადები ვრცელდება იმ შრომით სტაჟზე, რომელიც პირს ჰქონდა ასაკის გამო მინიმალური პენსიის დანიშვნის შესახებ კომპეტენტურ ორგანოში განცხადების შეტანამდე. აღნიშნული ვადების შემდგომ წარმოქმნილი შრომის სტაჟის საფუძველზე დანამატის გაცემა (ანაზღაურება) წარმოებს შესაბამისი განცხადებისა და სტაჟის დამადასტურებელი საჭირო დოკუმენტების წარდგენის მომდევნო თვის პირველი რიცხვიდან. საპენსიო ასაკის საფუძვლით დანიშნული სახელმწიფო პენსიის შეჩერება, განახლება და შეწყვეტა ავტომატურად იწვევს შრომის სტაჟის მიხედვით საპენსიო ასაკის საფუძვლით დანიშნულ სახელმწიფო პენსიაზე დანამატის შეჩერებას, განახლებას ან შეწყვეტას. იმავდროულად, დანამატის შეჩერების დამატებითი საფუძველია ახალგამოვლენილ გარემოებათა გამო შრომითი სტაჟის დამადასტურებელი დოკუმენტების სანდოობის შესწავლა-შემოწმება. თუ შემოწმების შედეგად შრომის სტაჟის დამადასტურებელი დოკუმენტის სინამდვილე ვერ დადასტურდა, ეს გარემოება გახდება დანამატის მიღების ან შეწყვეტის საფუძველი.