იურიდიული კონსულტაცია - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

იურიდიული კონსულტაცია

თუ შესაძლებელია გვაცნობეთ, თუ ვისზე წესდება მეურვეობა და რა შეთხვევაში.

თეონა ამირაძე

 - აუცილებელი საჭიროების შემთხვევაში მეურვეობა წესდება ბავშვზე, რომელსაც არ მიუღწევია 7 წლის ასაკისთვის ან პირზე, რომელიც სასამართლოს მიერ აღიარებულია ქმედუუნაროდ სულით ავადმყოფობის ან ჭკუასუსტობის გამო.

მეზობლის ბავშვი უდედმამოდ დარჩა და მინდა დავეხმარო. ვის ეკისრება არასრულწლოვანი Pპირის მეურვეობა და მზრუნველობა?

გიორგი უროტაძე

 - მოქმედი კანონის თანახმად, არასრულწლოვანი პირის მეურვეობა და მზრუნველობა ეკისრება განათლების ადგილობრივ ორგანოს.

გთხოვთ განმიმარტოთ, არის თუ არა დაწესებული რაიმე თანხა მეურვის ან მზრუნველის მოვალეობის შესრულებისთვის და კანონის თანახმად, როგორია მათი უფლება-მოვალებანი.

ლედი ხუბუა

 - მეურვე და მზრუნველი მოვალენი არიან, იზრუნონ სამეურვეო (სამზრუნველო) პირის რჩენისათვის, შეუქმნან მას აუცილებელი ყოფითი პირობები, უზრუნველყონ მოვლითა და მკურნალობით, დაიცვან მისი უფლებები და ინტერესები. კანონის თანახმად, მეურვისა და მზრუნველის მოვალეობები უსასყიდლოდ სრულდება.

გთხოვთ, განგვიმარტოთ, შეიძლება თუ არა სამეურვეო პირის  სახელით ჩუქების ხელშეკრულების დადება.

ოთარ შედანია

 - მოქმედი კანონის თანახმად, სამეურვეო (სამზრუნველო) პირის სახელით ჩუქების ხელშეკრულების დადება არ შეიძლება.

შესაძლებელია თუ არა ინდივიდუალური დავის განხილვა შემათანხმებელი პროცედურებით?

გელა წულეისკირი

 - საქართველოს შრომის კოდექსის 47-ე მუხლის მე-4 და მე-5 პუნქტების შესაბამისად, ინდივიდუალური დავის განხილვა შესაძლებელია შემათანხმებელი პროცედურებით, ინდივიდუალური მოლაპარაკების გზით ან სასამართლოს საშუალებით. აქვე გასათვალისწინებელია, რომ ამ გზით დავის განხილვა შეუძლიათ მხოლოდ იმ პირებსა და მათ წარმომადგენლებს, რომელთაც უშუალოდ ეხებათ ეს დავა.

საზღვარგარეთ მცხოვრებ ჩემს შვილს მის მიერვე გამოგზავნილი თანხით ვუყიდე ბინა, რომელიც ჩემს სახელზე გავიფორმე. გთხოვთ, გამირკვიოთ, დამეკისრება თუ არა რაიმე გადასახადი და რა ოდენობით.

ნელი გადრანი

 - თქვენ, როგორც ბინის შემძენს, გადასახადის გადახდა არ დაგეკისრებათ, მაგრამ თუ საჯარო რეესტრში რეგისტრაციის მომენტიდან ორი წლის განმავლობაში გაყიდით ბინას, უძრავი ქონების რეალიზაციის შედეგად მიღებული შემოსავალი დაიბეგრება საშემოსავლო გადასახადით, რომელიც შეადგენს 12 პროცენტს.

თუ შეიძლება მაცნობეთ, რომელი წლიდან არის ძალაში საქართველოს სამოქალაქო კოდექსი.

თამაზ ბუთხუზი

 - მოქმედი საქართველოს სამოქალაქო კოდექსი ძალაში შევიდა 1997 წლის 25 ნოემბრიდან.

გთხოვთ, განმიმარტოთ, საქორწინო ხელშეკრულება მარტო არსებულ ქონებაზე იდება თუ მომავალში შეძენილ ქონებაზეც შეიძლება დაიდოს.

ნინო გოგიშვილი

 - საქართველოს სამოქალაქო კოდექსის 1176-ე მუხლის შესაბამისად, საქორწინო ხელშეკრულება შეიძლება დაიდოს როგორც უკვე არსებულ, ისე მომავალში შეძენილ ქონებაზე.

ვინაიდან უხეშად დაირღვა უძრავ ნივთებთან დაკავშირებული ჩემი სახელშეკრულებო უფლებები, მსურს გავასაჩივრო. გთხოვთ მიმითითოთ, რამდენ წელს  შეადგენს ამ შემთხვევაში ხანდაზმულობის ვადა და საიდან იწყება მისი ათვლა.

ნანა ნაყოფია

 - უძრავ ნივთებთან დაკავშირებული სახელშეკრულებო მოთხოვნის ხანდაზმულობის ვადა შეადგენს 6 თვეს. ხანდაზმულობა იწყება მოთხოვნის წარმოშობის მომენტიდან. მოთხოვნის წარმოშობის მომენტად ჩაითვლება დრო, როცა პირმა შეიტყო ან უნდა შეეტყო უფლების დარღვევის შესახებ.

გთხოვთ, გაგვიმარტოთ, უთა¬ნაბრდება თუ არა შრომის ხელშეკრულებას ორგანიზაციის ხელმძღვანელის ნებართვა პირის სამუშაოზე მიღების შესახებ.

თამარ პავლიაშვილი

 - პირის წერილობითი განცხადება და მის საფუძველზე დამსაქმებლის მიერ გაცემული დოკუმენტი, რომლითაც დასტურდება დამსაქმებლს ნება პირის სამუშაოზე მიღების შესახებ, უთანაბრდება შრომითი ხელშეკრულების დადებას.