სისხლის ჯგუფი და დაავადებებისადმი განწყობა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

სისხლის ჯგუფი და დაავადებებისადმი განწყობა

კვებითი უპირატესობანი და განსაზღვრული დაავადებებისადმი განწყობა ნაწილობრივ მასზეც არის დამოკიდებული. როდესაც ცნობილია დაავადებათა ნუსხა, რომელთა მიმართ ამა თუ იმ ჯგუფის სისხლის მქონენი ყველაზე მეტად არიან მიდრეკილნი, ძალიან კარგია, რადგან წინასწარ ემზადები მათთან საბრძოლველად, უკეთ შეისწავლი ამ დაავადებათა პროფილაქტიკისა და მკურნალობის გზებსა და საშუალებებს. მაშ ასე, მოდი, გავარკვიოთ, რომელ დაავადებებზე მიგვანიშნებს ჩვენი სისხლის ჯგუფი.

  • პირველი ჯგუფი

პირველი ჯგუფის სისხლის მქონე ადამიანები ძლიერი ხასიათისანი, მიზანდასახულნი, მტკიცენი და თვითდაჯერებულნი არიან, ნევროზი ძნელად ერევათ და ადვილად აღწევენ თავს, თუმცა ამბიციურობით, სათუთი თავმოყვარეობით და ამპარტავნებით გამოირჩევიან. განსაკუთრებით უყვართ ხორცი. აქვთ ძლიერი ორგანიზმი და დიდხანს ცოცხლობენ.

ყველაზე ხშირად აწუხებთ:

  1. ჰიპერტონიული დაავადება;
  2. გასტრიტი;
  3. კუჭისა და თორმეტგოჯა ნაწლავის წყლულოვანი დაავადება;
  4. ართრიტი;
  5. რევმატიზმი;
  6. არატრავმული სისხლდენა;
  7. ფარისებრი ჯირკვლის დისფუნქცია;
  8. ალერგია;
  9. ჰემოფილია.

ჩამოთვლილ დაავადებათა შორის განსაკუთრებულ ყურადღებას იმსახურებს კუჭისა და თორმეტგოჯა ნაწლავის წყლულოვანი დაავადება, რადგან წყლულოვანი პათოლოგიით დაავადებულთა 35%-ს მთელ მსოფლიოში სწორედ პირველი ჯგუფის სისხლის მქონე პირები შეადგენენ. არსებობს მოსაზრება, რომ პირველი ჯგუფის სისხლი ხელს უწყობს კუჭის ლორწოვან გარსზე იმ მემბრანული რეცეპტორების განვითარებას, რომლებიც ძლიერ მგრძნობიარენი არიან ჰელიკობაქტე-რიისადმი. ამიტომაც არის, რომ ამ ჯგუფის სისხლის მქონენი იოლად ემორჩილებიან დაავადების გამომწვევს.

  • მეორე ჯგუფი

ამ ჯგუფის წარმომადგენლები მეტად კომუნიკაბელურნი არიან, ადვილად ეგუებიან უცხო გარემოს, ორგანულად ერწყმიან ნებისმიერ კოლექტივს და იწვევენ სიმპათიას. ემოციები მათზე ვერ ბატონობს, ისინი საღად აზროვნებენ და ფხიზელი გონებით უდგებიან ნებისმიერ საქმეს. მათ შეიძლება ენდოთ! ნაკლად შეიძლება მივიჩნიოთ სიჯიუტე და ის, რომ არ შეუძლიათ მოდუნება, რაც უქმნით კიდეც ჯანმრთელობასთან დაკავშირებულ პრობლემებს. ადვილად ელევიან ხორცს, უპირატესობას ვეგეტარიანულ საკვებს ანიჭებენ, რადგან იციან, რომ ის მათ ორგანიზმს უფრო მეტად უხდება.

ყველაზე ხშირად აწუხებთ:

  1. ათეროსკლეროზი;
  2. გულის იშემიური დაავადება;
  3. ღვიძლისა და ნაღვლის ბუშტის დაავადებები (განსაკუთრებთ - სანაღვლე გზებში ქვების წარმოქმნა);
  4. პნევმონია;
  5. რადიკულიტი;
  6. ოსტეოქონდროზი;
  7. პოდაგრა;
  8. ქრონიკული დაღლილობის სინდრომი;
  9. ლეიკოზი;
  10. თრომბოზი;
  11. თრომბოფლებიტი;
  12. ქვედა კიდურების ენდარტერიიტი;
  13. კარიესი;
  14. ფურუნკული;
  15. მასტიტი;
  16. ნაადრევად ბერდებიან.

  • მესამე ჯგუფი

ამ ჯგუფის წარმომადგენელთა უმრავლესობა დახვეწილი, ნიჭიერი, გულღია და ოპტიმისტი ადამიანია, ახასიათებს თავგადასავლებისკენ ლტოლვა. მონოტონური ცხოვრება მალე ბეზრდებათ, ცვლილებებისკენ მიისწრაფვიან. აშკარა ნაკლია უსაზღვრო ინდივიდუალიზმი და დამოუკიდებლობისკენ უზომო ლტოლვა, რაც მათ დაუცველსა და სუსტს ხდის. ამ ჯგუფის ადამიანები ეტანებიან ხორცს, რძეს და მათ პროდუქტებს.

ყველაზე ხშირად აწუხებთ:

  1. ანგინა;
  2. შარდგამომყოფი სისტემის დაავადებები;
  3. ენტეროკოლიტი;
  4. მსხვილი ნაწლავის სიმსივნე;
  5. ნაღველკენჭოვანი დაავადება;
  6. ქოლეცისტიტი;
  7. ათეროსკლეროზი;
  8. ალერგია;
  9. კარიესი.

  • მეოთხე ჯგუფი

ამ ჯგუფის წარმომადგენელთა რიცხვი სხვებზე გაცილებით ნაკლებია. ისინი ძლიერი და მრავალმხრივ ნიჭიერი, მიმზიდველი ადამიანები არიან. მათთან ერთად ცხოვრება ადვილია, აქვთ რბილი ბუნება, ახასიათებთ კეთილმოსურნეობა, გაწონასწორებულობა. მათი სისუსტე ვლინდება მუდმივ შინაგან კონფლიქტში, რაც ძლიერ უქვეითებთ თვითშეფასების კოეფიციენტს, მერყევნი არიან და უფრთხიან სიახლეებს. უყვართ ყოველგვარი პროდუქტი, თუმცა ერიდებენ კუჭისთვის მძიმედ მოსანელებელ საკვებს.

ყველაზე ხშირად აწუხებთ:

  1. ანგინა;
  2. გრიპი;
  3. ჰაიმორიტი;
  4. მწვავე რესპირატორული დაავადებები;
  5. ბრონქიტი;
  6. ანემია;
  7. ეგზემა;
  8. ჰიპერტონია;
  9. გულის უკმარისობა;
  10. ფურუნკულები.

მართალია, სისხლის ჯგუფი გარკვეულ ინფორმაციას გვაწვდის კვების, ცხოვრების წესისა და დაავადებებისადმი მიდრეკილების შესახებ, მაგრამ არ გირჩევთ, ამ რეკომენდაციებს ბრმად ენდოთ, რადგან ერთი და იმავე სისხლის ჯგუფის მქონე ადამიანებიც კი საკმაოდ ინდივიდუალურნი არიან. ეს მხოლოდ და მხოლოდ ზოგადი ინფორმაციაა, რომელიც საკუთარი ორგანიზმის უკეთ შეცნობასა და მართვაში უნდა დაიხმაროთ.