ლალი ჩხიკვაძე

შემოდგომაზე მკვეთრად იმატებს გრიპისა და გაციების შემთხვევები. ამის მიზეზებია: ტემპერატურის უეცარი ცვლილებები. სწრაფად გამოჯანმრთელებისათვის, აუცილებელია ორგანიზმს სათანადო დასვენება და ძილი.

თუ ცუდად ან ცოტა გძინავთ, მაშინ დიდია ალბათობა იმისა, რომ დაავადება გახანგრძლივდება. ზოგჯერ ადამიანი უბრალოდ ვერ იძინებს. მას ხელს უშლის ცხვირის შეშუპება, პერიოდული ხველა, კუნთების ტკივილი და ცხელება.

ძილის ექსპერტი ტომ უაიტის თქმით, ამ პრობლემის მკურნალობა მარტივია. უბრალოდ უნდა მიიღოთ სწორი პოზა.

• დაწექით ზურგზე ისე, რომ კომფორტულად იყოთ;

• მოათავსეთ პატარა ბალიშები ან მუთაქები თავის, მხრებისა და კისრის ქვეშ;

• დარწმუნდით, რომ თქვენი კისერი კომფორტულადაა - ის უნდა იყოს მოდუნებული.

„თავი, კისრის და მხრების აწევა აუცილებელია ცხვირიდან გამონადენის შესამცირებლად. ამისათვის სცადეთ გამოიყენოთ ბალიშები და რბილი საბნები. გაითვალისწინეთ დახრილობა არ უნდა იყოს ძალიან დიდი“, - ამბობს ტომ უაითი.

თუ ვაზოკონსტრიქტორული წვეთები არ გეხმარებათ, მაშინ შეგიძლიათ გამოიყენოთ კიდევ ერთი მეთოდი: ძილის წინ სახეზე ორთქლის აბაზანა.

„ამის გაკეთების ყველაზე მარტივი გზაა ნიჟარის შევსება თბილი ან ცხელი წყლით, მაგრამ არასდროს მდუღარე წყლით. ფრთხილად დახარეთ თავი წყლის ზემოთ, ისუნთქეთ ნელა და ღრმად. უკეთესი ეფექტის მისაღწევად შეგიძლიათ აბაზანის პირსახოცი დაიფაროთ“, – გვირჩევს ექსპერტი.

პროცედურა უნდა გაგრძელდეს არაუმეტეს ხუთი წუთისა. მაშინვე დაწექით საწოლში და ეცადეთ დაიძინოთ.

მნიშვნელოვანია: ავადმყოფობისას, არ უნდა მიიღოთ ცხელი შხაპი. ეს არ გააუმჯობესებს მდგომარეობას, არამედ მხოლოდ დროებით შეგიმსუბუქებთ მდგომარეობას.