რკინა ჩვენს ორგანიზმში - რა შეიძლება გამოიწვიოს მისმა სიჭარბემ
ის წარმოქმნის სისხლის წითელ უჯრედებს, ორგანიზმში ქსოვილებს ჟანგბადს აწვდის, გავლენას ახდენს ჰემოგლობინსა და იმუნიტეტზე. გარდა ამისა, საჭირო რაოდენობის რკინა ორგანიზმში ფარისებრი ჯირკვლის, ტვინისა და სხვადასხვა ორგანოთა გამართულ მუშაობას უწყობს ხელს.
რკინის უკმარისობა, ძირითადად, ანემიას იწვევს. ეს მდგომარეობა შეიძლება სხვადასხვა მიზეზის გამო განვითარდეს, თუმცა, ყველაზე ხშირად გვხვდება ორსულებში, ბავშვებსა და მოხუცებში(რადგან, ორსულებში და მოზარდებში რკინის საჭიროება მატულობს, ხოლო ასაკოვნებში - ორგანიზმი ელემენტს უფრო რთულად ითვისებს).
რკინის უკმარისობის სიმპტომებია:
- სისუსტე;
- ქრონიკული დაღლილობა;
- ფერმკრთალი კანი;
- სწრაფი გულისცემა;
- თავის ტკივილი;
- თავბურსხვევა;
- მადის დაქვეითება;
- ცივი ხელები და ფეხები;
- მყიფე ფრჩხილები
თუმცა, არამხოლოდ რკინის ნაკლებობა, არამედ ორგანიზმში რკინის მაღალი შემცველობაც ნეგატიურ გავლენას ახდენს ჯანმრთელობაზე. ამიტომ, არ არის სასურველი ექიმის დანიშნულების გარეშე რკინის მიღება.
ორგანიზმში რკინის მაღალი შემცველობა იშვიათობაა და ასეთი მდგომარეობა შესაძლებელია გამოწვეული იყოს კვებითი დანამატების მიღებით, ალკოჰოლიზმით,ქრონიკული დაავადებებით.
ორგანიზმში რკინის სიჭარბის სიმპტომებია:
- გულის რიტმის დარღვევა;
- კანის მოყვითალო შეფერილობა;
- ღვიძლის ზომაში მატება;
- წონაში კლება
რკინის სიჭარბემ საბოლოო ჯამში შეიძლება გამოიწვიოს: გულის უკმარისობა, ღვიძლის დაავადებები(ციროზი), ოსტეოპოროზი, ოსტეოართრიტი; ჰიპოთირეოზი და ეპილეფსია.