ჰიპოკალემია - გულისთვის საშიში მდგომარეობა
უმნიშვნელოვანეს როლს თამაშობს ნერვულ-კუნთოვანი იმპულსის გატარებაში.ნატრიუმთან ერთად მონაწილეობს ორგანიზმის მჟავატუტოვანი წონასწორობის, არტერიული წნევის შენარჩუნებაში.
მისი ნაკლებობა დიდწილად აზიანებს გულს. არღვევს გულის რიტმისა და ნერვკუნთოვანი იმპულსის გადაცემას. კალიუმის არასაკმარისი მიღება დაკავშირებულია ისეთ დაავადებებთან როგორებიცაა: გულ-სისხლძარღვთა დაავადებები, არტერიული ჰიპერტენზია, ოსტეოპოროზი, თირკმელკენჭოვანი დაავადებები.
კალიუმის დეფიციტის ნიშნებია:
- გულის რიტმის დარღვევა(ყველაზე საყურადღებო სიმპტომი);
- კუნთების სისუსტე;
- ყლაპვის გაძნელება;
- წყურვილის გაძლიერება;
- შარდვის გახშირება;
- დაღლილობა
ორგანიზმში კალიუმის დეპო არ არსებობს, ამიტომ საჭიროა მისი ყოველდღიური მიღება.
კალიუმის წყაროა:
- ბანანი;
- ფორთოხალი;
- ავოკადო;
- კივი;
- ნესვი;
- გარგარი;
- გოგრა;
- კარტოფილი;
- პომიდორი;
- სტაფილო;
- კომბოსტო;
- სოკო;
- ისპანახი;
- ჭარხალი;
- პარკოსნები;
- მარცვლეული;
- რძის ნაწარმი;
- ხორცი;
- თევზი;
- თხილეული
კალიუმის შემცველობა დაუმუშავებელ პროდუქტებში უფრო მაღალია, ვიდრე თერმულად დამუშავებულში. მიჩნეულია, რომ ზეითუნის ზეთი კალიუმის შეწოვის პროცესს უწყობს ხელს.