ვარჯიში და დიაბეტი
ასევე, მათი რეკომენდაციით, ტიპი 2 დიაბეტის მქონე პირები უკუჩვენების არარსებობის შემთხვევაში კვირაში სამჯერ კუნთების გამაძლიერებელი ვარჯიშით უნდა დაკავდნენ.
რატომ ვარჯიში?
ვარჯიში ამცირებს ინსულინ-რეზისტენტობას და შესაძლოა პირდაპირი მოქმედებით ამცირებდეს სისხლში გლუკოზის დონეს.
რეგულარული ვარჯიში ხელს უწყობს:
ტრიგლიცერიდების შემცირებას ;
დაბალი სიმკვრივის ლიპოპროტეინის დონის შემცირებას და მაღალი სიმკვრივის ლიპოპროტეინების დონის გაზრდას;
არტერიული წნევის შემცირებას ;
სისხლის მიმოქცევის გაუმჯობესებას
დიაბეტის მქონე პაციენტმა ვარჯიში ნელ-ნელა უნდა დაიწყოს და სასურველი მიზნისკენ ეტაპობრივად უნდა იაროს.
გასათვალისწინებელია:
ეფექტური ვარჯიში არ გულისხმობს მაინცდამაინც მაღალი დატვირთვით ვარჯიშს. სასურველი მოქმედების მიღწევა ისეთი აქტივობითაც არის შესაძლებელი, როგორიცაა სწრაფი სიარული;
რეგულარობის წახასილებისთვის შერჩეული ვარჯიში სასიამოვნო უნდა იყოს;
ვარჯიშისთვის საუკეთესო დრო ჭამის შემდეგაა, რადგან სისხლში გლუკოზის დონე ჭამის შემდეგ მატულობს;
მნიშვნელოვანია ვარჯიშამდე, ვარჯიშის დროს და ვარჯიშის შემდეგ გლუკოზის თვითმონიტორინგი,რათა განისაზღვროს,დღის კონკრეტულ მონაკვეთებში როგორ მოქმედებს ვარჯიში სისხლში გლუკოზის დონეზე;
ვარჯიშის გეგმა ინდივიდუალიზებული უნდა იყოს და მისი მონიტორინგი ექიმმა უნდა აწარმოოს.