მარხვა აჯანსაღებს სხეულსაც და სულსაც - მკურნალი.გე

რუბრიკები

ოჯახის მკურნალის ანონსი

დეკემბერი 2019

მარხვა აჯანსაღებს სხეულსაც და სულსაც

მარხვა აჯანსაღებს სხეულსაც და სულსაც
სიტყვა პატრიარქისა : "ფიზიოლოგი პავლოვი მღვდლის შვილი იყო. როცა რუსეთში რევოლუცია მოხდა, ახალი მთავრობის წარმომადგენლებმა მას ჰკითხეს: "ნუთუ თქვენ, მსოფლიოში ცნობილი მეცნიერი, მორწმუნე ბრძანდებით?" პავლოვმა უპასუხა: "როცა ადამიანის სისხლს სწავლობ, მორწმუნე კი არა, შეიძლება, წმინდანი გახდე, იმდენად ამტკიცებს იგი ღვთის არსებობას!" ეს ამბავი მომითხრო ამ დიდი მეცნიერის, პავლოვის მოწაფემ, როცა მე ცხუმ-აფხაზეთის მიტროპოლიტი ვიყავი". ილია II სრულიად საქართველოს კათოლიკოს-პატრიარქი




თანამედროვე მედიცინა აღიარებს მარხვის დადებით ზეგავლენას ადამიანის სულიერ და ფიზიკურ ჯანმრთელობაზე. გვესაუბრება საქართველოს საპატრიარქოს სოციალური დაცვის უზრუნველყოფის დეპარტამენტის თავმჯდომარე, ექიმი ზურაბ
ვარაზი:

- ცოცხალი ადამიანი მუდმივ კონტაქტშია ირგვლივ მყოფ სამყაროსთან. იგი ახდენს ნივთიერებათა ცვლას, გარემოდან ითვისებს მისთვის საჭირო ნივთიერებებს და გამოყოფს დაშლილ პროდუქტებს. საკვები, რომელსაც ადამიანი ღებულობს, შეიცავს ცილებს, ცხიმებს, ნახშირწყლებს და სხვა სიცოცხლისთვის აუცილებელ ნივთიერებებს. ცილებს დიდი რაოდენობით შეიცავს ხორცი, თევზეული, რძის პროდუქტები, კვერცხი, ხოლო
მცენარეული საკვებიდან - სოია, ლობიო, მუხუდო, მარცვლეული. ცილებს ორგანიზმი იყენებს ახალი უჯრედების მშენებლობისთვის. ცხიმები იყოფა ცხოველურ (კარაქი, ერბო, ქონი) და მცენარეულ (მაგ., ზეთი) ცხიმებად. ცხოველური ცხიმები დიდი რაოდენობით შეიცავს ქოლესტერინს, რომელიც ლაგდება სისხლძარღვთა კედლებში, იწვევს ათეროსკლეროზს და ორგანიზმის ნაადრევ დაბერებას და დაავადებას.

ამიტომ, უმჯობესია რაციონში ვიყენებდეთ მცენარეულ ცხიმებს. ნახშირწყლები ენერგეტიკული ნივთიერებებია. მათი ქიმიური დაშლით გამოყოფილ ენერგიას ორგანიზმი იყენებს ცხოველმოქმედებისთვის. აგებულებითა და საჭმლის მომნელებელი ორგანოების თავისებურებით ადამიანი უპირატესად მცენარეული საკვებით უნდა იკვებებოდეს. ყველაზე უნიკალური საკვები, რომელიც ღმერთმა ადამიანს გაუჩინა, პურია. იგი შეიცავს სრულფასოვან ცილებსა და ნახშირწყლებს. მას აქვს მაღალი კვებითი ღირებულება. პურს აქვს უნიკალური თვისებები: მას ვიღებთ ყოველდღიურად, დღეში რამდენჯერმე მთელი სიცოცხლის მანძილზე და იგი არასოდეს გვბეზრდება. ასეთი თვისება არ ახასიათებს არც ერთ სხვა პროდუქტს. პური თვითონ მაცხოვარმა აკურთხა და უწოდა მას თავისი სხეული. საქართველოში პური უხსოვარი დროიდან წარმოადგენდა ძირითად საკვებს.

საერთოდ, ადამიანი უკეთესად ითვისებს იმ საკვებს, რომელიც მის საცხოვრებელ რეგიონში მოიპოვება, მისთვის ტრადიციულია და მასთან ენერგეტიკულად ახლოა. დღეს მოდაშია სხვადასხვა ხელოვნური კომბინირებული  ნარევები, რითაც კვებავენ მცირეწლოვან ბავშვებს. მართალია, ისინი შექმნილია რაციონალური კვებისთვის საჭირო ყველა ნივთიერების დამატებით, მაგრამ მასში არ არის ის მასაზრდოებელი ელემენტები, რომელსაც იძლევა მშობლიური მიწა, რომელთანაც გენეტიკურად ვართ დაკავშირებული. ამიტომ არის, ალბათ, ასე გავრცელებული ალერგიული დაავადებები, კუჭ-ნაწლავის აშლილობა, დიათეზი. ქართველი ბავშვი საქართველოში მოყვანილი ხილ-ბოსტნეულითა და რძის პროდუქტებით უნდა გაიზარდოს ისე, როგორც იზრდებოდნენ ჩვენი წინაპრები. ეკლესიური ცხოვრება მოითხოვს მარხვას.

მარხვა, უპირველეს ყოვლისა, სულიერი მდგომარეობაა. მას ხელს უწყობს ცხოველური საკვებისგან თავშეკავება. მარხვის დროს ცილოვანი ნივთიერებების დეფიციტი რომ არ გაჩნდეს, საჭიროა ადამიანმა მიიღოს ლობიო, სოია, მუხუდო, ბურღულეული, ვიტამინებით მდიდარი ახალი ბოსტნეული. სხეული მარხვის დროს ფიზიკურად იწმინდება მავნე ნივთიერებებისგან. ადამიანი გრნობს სიმსუბუქეს. ქოლესტერინის რაოდენობა მცირდება სისხლში. აღსარებითა და ზიარებით სული იწმინდება და მშვიდდება. მარხვა აჯანსაღებს სხეულსაც და სულსაც. მართლმადიდებელი ეკლესიის მიერ დადგენილი მარხვების შენახვით ადამიანი ღრმა მოხუცებულობამდე შეინარჩუნებს ჯანმრთელობას.

ზოგ შემთხვევაში, ავადმყოფობის დროს, ადამიანს შეიძლება შეეზღუდოს გარკვეული სახის საკვების მიღება. ასეთ სამკურნალო კვებას დიეტა ეწოდება. დიეტა ხელს უწყობს განკურნებას. ავადმყოფ ადამიანებს, რომელთაც ესაჭიროებათ სამკურნალო კვება, ორსულ, მეძუძურ ქალებსა და მცირეწლოვან ბავშვებს ეკლესია ათავისუფლებს მარხვისაგან. როდესაც ბავშვი წამოიზრდება, იგი თანდათან უნდა შევაჩვიოთ მარხვას. შემდგომში ეს მისი ცხოვრების წესი გახდება, აღარ გაუჭირდება მარხვის შენახვა და რაც მთავარია, ამით ხელს შევუწყობთ მათ დღეგრძელ, ჯანმრთელ სიცოცხლეს.

მარხვას უდიდესი როლი ენიჭება ადამიანის პიროვნების ჩამოყალიბებაში. იგი აჩვევს მოთმენას, თავშეკავებას, ადამიანს უვითარებს ნებისყოფასა და პასუხისმგებლობის გრძნობას. მარხვის დამთავრების შემდეგ ადამიანი გრძნობს დიდ სიხარულს, რომ მას შეუძლია ღვთის გულისათვის მსხვერპლის გაღება. ღმერთიც უხვად აჯილდოებს მას თავისი მადლით. ქრისტეს აღდგომის სიხარულს ჭეშმარიტად გრძნობს ის ადამიანი, რომელიც ინახავს დიდმარხვას. ეს მისი განახლება და აღდგომაცაა. ქართველი ხალხი უთუოდ დაიბრუნებს თავის სიძლიერეს, თუ დედაეკლესიის ლოცვა-კურთხევით ქრისტიანულად იცხოვრებს.

 

წმიდა მამები გვასწავლიან:

"სულს ისე არაფერი აწრთობს, როგორც საჭმლისგან თავშეკავება" (აბბა პიმენი).
"არ იქნებოდა სამართლიანი, ძლიერი და სუსტი ორგანიზმისთვის ერთნაირი მარხვა დაგვეწესებინა" (წმიდა ბასილი დიდი).
"ნურასოდეს იტყვი - დღეს შევცოდავ, ხვალ კი შევინანებო! ჯობს დღესვე მოვინანიოთ ცოდვები, რადგან არ ვიცით, ვიცოცხლებთ თუ არა ხვალამდე" (წმიდა ეფრემ ასური).

 

 

 

გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ხელშეწყობისთვის-60აბი
ფასი: 44.9
ნერვული სისტემის გაძლიერებისთვის -60აბი
ფასი: 22.9
საშარდე სისტემის ჯანმრთელობისთვის-60 აბი
ფასი: 42.9
დიეტოლოგია
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ჟურნალში Neurology გამოქვეყნდა ახალი კვლევის შედეგები, რომელთა თანახმადაც,_ ტრანსცხიმების ხშირად გამოყენება (მაგალითად კარტოფილი-ფრის)
კატეგორიის სხვა სტატიები
„ბოროტების ერთ-ერთი გამოვლინებაა აბორტი, როდესაც მკვლელობას მანიპულაცია ეწოდება, მკვლელს – დამსახურებული ექიმი, – ამის შესახებ
სრულიად საქართველოს კათოლიკოს-პატრიარქის სურვილია, ახალგაზრდებმა ხალხური მედიცინა შეისწავლონ, - ამის შესახებ მისმა უწმინდესობამ დღეს საკვირაო ქადაგებისას განაცხადა.
საეკლესიო საიდუმლოებანი ადამიანის ცხონებას ემსახურება, ხოლო ღვთისმსახურთა შესახებ, რომელნიც ამ საიდუმლოთა აღმსრულებელნი არიან, წმინდა წერილი გვაუწყებს: “ესრეთ შემრაცხენინ ჩუენ კაცმან, ვითარცა მსახურნი ქრისტესნი”.

ზეთის კურთხევის საიდუმლოს აღსრულებით ადამიანს ეკლესიის ლოცვით მადლი ენიჭება. ის განიწმინდება და სულიერი და ფიზიკური სნეულებებისგან განიკურნება. თუ ადამიანი აღსარებაში გულწრფელად ვერ აღიარებს თავის ცოდვებს, ვნებები მძლავრობენ მასზე და სულთან ერთად სხეულსაც უზიანებენ.

წმინდა პატაპიოსის მონასტერი ათენიდან საკმაოდ შორსაა. მაღლობზე დგას და იქამდე მისასვლელად გრძელი კიბე უნდა აიარო. მონასტერში საგანგებოდ გაკეთებული ხის ჩასაბრძანებლით წმინდა პატაპიოსის უხრწნელი სხეულია დასვენებული. მასთან მიახლება ყველა მომლოცველს შეუძლია. წმინდა მამისგან ნუგეშის მისაღებად მონასტერში მრავალი მორწმუნე მიდის და ისიც, რწმენით მისულს, უნუგეშოდ არავის ტოვებს.

ვინც წმინდანთა ცხოვრებაში ეძებს სულიერ საზრდოს, კარგად იცის, რომ მრავალ მათგანს სიცოცხლეშივე მიეცა ღვთისგან ხელმწიფება ეშმაკთა განსხმისა, სნეულთა კურნებისა, ბრმათათვის თვალის ახელისა, უშვილოთათვის შვილის მინიჭებისა, უეცარი სიკვდილისგან დაცვისა და სხვა, გარდაცვალების შემდეგ კი მრავალმა წმინდანმა მიიღო ნიჭი კურნებისა თუ სხვადასხვა განსაცდელისგან ხსნისა. განსაცდელში მყოფი ადამიანის ლოცვა-ვედრება წრფელი და მხურვალეა. ავადმყოფმა, თუ იგი მორწმუნეა, იცის, რომ მხოლოდ უფალია მისი შემწე, ამიტომ განსაკუთრებით ევედრება შეწევნას წმინდანებს.

საბერძნეთში ყოფნისას ამ წმინდანისადმი მოწიწება უფრო გამიძლიერდა. იქ მის წმინდა ნაწილებსაც ვეცი თაყვანი. ერთ ამბავს გავიხსენებ: ათენში, წმინდა ნიკოლოზის სახელობის ერთ-ერთი ტაძრის შუაგულში, სიწმინდეები იყო დაბრძანებული. თავიდან წმინდა ნიკოლოზის წმინდა ნაწილები გვეგონა. მოულოდნელად ერთი ბერძენი ქალბატონი მოგვიახლოვდა და ხმამაღლა გვითხრა: “აგიოს ნექტარიოს”. წმინდა ნექტარიოსმა თავად გვაუწყა ადამიანის პირით, რომ მას ვეთაყვანეთ.

ხველის მკურნალობა არა მარტო მედიკამენტებით, არამედ ალტერნატიული საშუალებებითაცაა შესაძლებელი,
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
ტვინის სისხლძარღვების გაწმენდა უმნიშვნელოვანესი პროცედურაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად