აჯიკა-საწებელი - კიდევ ერთი გემრიელი და ადვილად მოსამზადებელი რეცეპტი
- წითელი ბულგარული წიწაკა - 5 კგ
- წითელი მწარე წიწაკა - 300 გ
- ქინძი - დიდი კონა
- ნიორი - 300 გ
- ძმარი - ნახევარი ლიტრი
- ტომატ-პასტა - 800 გ
- მარილი - გემოვნებით
მომზადების წესი:
- წითელი ბულგარული და წითელი მწარე წიწაკა კარგად გარეცხეთ და გააშრეთ. ამის შემდეგ გაჭერით სათითაოდ, ამოაცალეთ თესლი და ხორცსაკეპ მანქანაში გაატარეთ.
- გადაარჩიეთ ქინძი, კარგად გარეცხეთ, გააშრეთ და ნიორთან ერთად ხორცსაკეპ მანქანაში გაატარეთ.
- მოზრდილ ქვაბში მოათავსეთ გატარებული ბულგარული და მწარე წიწაკა, ქინძი, ნიორი, ტომატ-პასტა, ძმარი და კარგად აურიეთ. ქვაბი დაადგით დაბალ ცეცხლზე და კარგად წამოადუღეთ.
- ნახევარლიტრიანი ქილები გაასტერილეთ, ცხელი აჯიკა ჩაასხით და მოხუფეთ. გასტერილება საჭირო აღარაა. აჯიკა გრილ და მშრალ ადგილზე შეინახეთ.