თუ ზღვაზე წასვლას აპირებთ
.
"ვაპირებ ზღვაზე წასვლას დასასვენებლად მეგობრებთან ერთად. დედა მეუბნება, რომ ამისთვის საგანგებოდ უნდა მოვემზადო და განსაკუთრებული სიფრთხილე გამოვიჩინო, რათა ჯანმრთელობა არ დავიზიანო. ამას კი, როგორც დედა შიშობს, დამოუკიდებლად ვერ შევძლებ. გთხოვთ მიპასუხოთ, რას უნდა მივაქციო განსაკუთრებული ყურადღება.მაკო რაზმაძე, 17 წლის"
ზაფხული ყველაზე უზრუნველი და უდარდელი ხანაა. განსაკუთრებით ახალგაზრდებს გვინდა, დავივიწყოთ ყველაფერი და მთელი არსებით მივეცეთ სიამოვნებას. ეს ის დროა, როცა გვინდა და გვიწევს მაქსიმალურად შილიფად ჩაცმა. ამისათვის კი საჭიროა, სხეულის თითოეული სანტიმეტრი იყოს მოვლილი. მზე, ჰაერი და წყალი - ჩვენი საუკეთესო მოკავშირეები და მეგობრები არიან. მაგრამ მზე შეიძლება იყოს აქტიური, ჰაერი - "აირებით გაჯერებული" და წყალი - დაბინძურებული (ქლორირებული). ისიც მართალია, რომ რაც უფრო შორს ხართ ხმაურიანი მეგაპოლისიდან, მით უფრო სუფთაა წყალი და ჰაერი. მაგრამ მზის აქტივობა უცვლელი რჩება! ზღვის წყალი სხვადასხვა მინარევსაც შეიცავს... ასე რომ, გახსოვდეთ, კანსა და თმაზე აუცილებლად უნდა იზრუნოთ როგორც ქალაქში, ისე კურორტზე.
გაუფრთხილდით კანს!
ნამზეური მაშინ არის ლამაზი, როცა თან არ ახლავს დამწვარი კანი და ტკივილი! აუცილებლად უნდა იხმაროთ მზისგან დამცავი კრემები, ხოლო მზეზე ყოფნის შემდეგ - კანის დამარბილებელი და დამატენიანებელი სპეციალური საშუალებები, განსაკუთრებით - მგრძნობიარე ადგილებისთვის! მაგალითად, დეკოლტესთვის.
იზრუნეთ სასიამოვნო სურნელისთვის!
ჩამოცხება თუ არა, თავს იჩენს სერიოზული პრობლემა... სუნი. ოფლის გამოყოფა ზაფხულში განსაკუთრებით ძლიერდება. აუცილებელია დილა-საღამოს შხაპი, დეზოდორანტები. ყურადღება მიაქციეთ ეპილაციას. თმიანი საფარველი უკეთ "ინახავს" ოფლის სუნს. სპეციალური დეზოდორანტი აყოვნებს თმის ზრდას.
ქვედა სართული
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
პილინგის გაკეთებისას თითქმის გვავიწყდება სხეულის ქვედა ნაწილი - ფეხები. სხვა ადგილებზე ჩატარებული პილინგის შემდეგ მკვებავი კრემით აუცილებლად დაიმუშავეთ ტერფები, ქუსლები. ასევე ეფექტიანია ყავის ნალექისა და ზღვის მარილის გამოყენებაც. თუ ეპილაციას არ გაიკეთებთ, ყველაზე ნატიფი პედიკიურიც კი არ გიშველით! თქვენ განკარგულებაშია სიგლუვის უამრავი შესანიშნავი საშუალება.
დაიცავით უკანა ნაწილი!
საცურაო კოსტიუმში გამოკვართული ქალის სხეული მაშინვე იპყრობს ყურადღებას, განსაკუთრებით მამაკაცისას. ეს კი ქალებს აიძულებს, ყურადღება დაუთმონ საცურაო კოსტიუმში გამოკვეთილ ნაკვთებს. ნუ დაივიწყებთ საჯდომის კანს, ის ყველაზე სწრაფად იწვება მზისგან! აუცილებლად ისარგებლეთ დამარბილებელი და დამატენიანებელი კრემით.
იდაყვის გრძნობა
იდაყვი არანაკლებ უსიამოვნებას გვაყენებს ესთეტიკური თუ ფიზიკური თვალსაზრისით: მისი კანი მშრალია, მუქი და ულამაზო, შეიძლება იქერცლებოდეს კიდეც... უმჯობესია, თუ ჩვენს იდაყვებს ასეთ მდგომარეობამდე არ მივიყვანთ! მაგრამ თუ მაინც წარმოიქმნა პრობლემები, ისარგებლეთ მარტივი რეცეპტით: გასათეთრებლად იდაყვი ჩაყავით ლიმონის "ფინჯანში", დასარბილებლად გამოიყენეთ ცხელი აბაზანები (ზეითუნის ზეთს დაუმატეთ რამდენიმე წვეთი ლიმონის წვენი).
იზურნეთ თმაზე!
ჯერ კიდევ ზაფხულის დასაწყისში იზრუნეთ საკუთარ თმაზე, თორემ ზაფხულის მზეზე და ზღვის წყალში დაზიანებული და გაუხეშებული თმა შემოდგომაზე შესაჭრელი გაგიხდებათ. ჩვეულებრივი შამპუნი უნდა შეცვალოთ დამცავი ფაქტორის შემცველი დასაბანი საშუალებით, ბალზამიც, ფიქსატორიც ან ლაქიც, რომლებიც თქვენს ტუალეტის მაგიდაზე აწყვია, აუცილებლად უნდა იყოს "მზის საწინააღმდეგო".
- რამდენიმე საგულდაგულო რჩევა:
ზაფხულში თმის ფაქიზად მოსავლელად რამდენიმე მარტივ რჩევას მოგცემთ. უპირველეს ყოვლისა, შეეცადეთ, ზღვის სანაპიროზე არ გაჩერდეთ მზეზე თავდაუხურავად. წაიკარით ბენდენა, დაიხურეთ ტილოს ან ჩალის ღია ფერის ქუდი!ნუ იბანავებთ ზღვაში თმაგაშლილი, შეიკარით თმა და დაიმაგრეთ ზემოთ. მარილიან წყალში ბანაობის შემდეგ აუცილებლად გადაივლეთ თმაზე წყალი, დადექით შხაპის ქვეშ!
ბრინჯაოსფერი ნამზეური
ზაფხულობით ძალიან ბევრი ქალი ისვენებს ზღვის სანაპიროზე ან ჯდება მზეზე აივანზე. მთავარია, გქონდეთ ლამაზი და ჯანმრთელი ნამზეური და გონივრული მაკიაჟი. ლამაზი ნამზეური ზაფხულში იშვიათობა ნამდვილად არ არის. პირიქით, ქალის ღია, ფერმკრთალი დეკოლტეს დანახვა არც ისე ადვილია.
ბევრი გარუჯული ქალი ზარმაცობს, არ იკეთებს მაკიაჟს, რადგან მზემ არ დაიშურა მათთვის "ბრინჯაოს ტონი". თუმცა ზოგჯერ საღამოს შეხვედრები მაინც მოითხოვს თუნდაც მცირეოდენ კოსმეტიკურ შელამაზებას. ასეთ შემთხვევებში, როგორც არასოდეს, ისე აქტუალურია მბზინავი საშუალებები მოციმციმე ეფექტით, ასევე ე.წ. ავტონამზეური - კანის ტონალობის ერთგვაროვნების მისაღწევად. აქცენტი უნდა გაკეთდეს თვალებზე. შეგიძლიათ არ გამოიყენოთ ფანქარი, ისარგებლეთ მხოლოდ მუქი ან უფრო ღია ფერის თვალის ჩრდილით. წარბებსაც გაუსვით ხაზი ჩრდილით. პუდრიც კანის ფერი ან ოდნავ მუქი უნდა იყოს. ტუჩებზე ძალიან თხლად და ფაქიზად წაისვით მოციმციმე, ოქროსფერი ან ბრინჯაოსფერი პომადა. ნანა კალანდაძე
