იმუნიტეტის დარღვევაზე შეიძლება ვიეჭვოთ, თუ აღინიშნება...
ამ დარღვევათა შედეგები იწვევს ინფიცირებას ან დაავადების სხვადასხვა ნიშნებს, რომლებიც ვითარდება ანტიგენების არასაკმარისი გამოყოფისას. შეიძლება განვითარდეს აუტოაგრესიის რეაქციები (ორგანიზმის საკუთარი უჯრედების წინააღმდეგ მიმართული),
იმუნიტეტის დარღვევის სინდრომი ორგვარია:
პირველადი (ანუ თანდაყოლილი) და მეორეული (ანუ შეძენილი). ის ვლინდება იმუნური უჯრედების სწორი დიფერენცირებისა და მომწიფების დარღვევით ან მათი ფუნქციის დაქვეითებით. დარღვევა შეიძლება იყოს ტიპური (Т და В ლიმფოციტების რეაქცია გარკვეულ ანტიგენებზე) და ატიპური (ფაგოციტოზი კომპლემენტის შემადგენლობა და ა.შ.).
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
იმუნიტეტის დეფექტები ხშირად გენეტიკურად განპირობებულია. თუმცა, ის შეიძლება გამოვლინდეს მუცლადყოფნის პერიოდში ვირუსებით (წითურა, ციტომეგალია), ბაქტერიებით ან უმარტივესებით (ტოქსოპლაზმოზი) დასნებოვნების შედეგადაც.
იმუნიტეტის დარღვევის სინდრომი ხშირად სიცოცხლის პირველივე თვეს ვლინდება. მძიმე შემთხვევებში ის იწვევს სიკვდილს ბავშვთა ადრეულ ასაკში, მძიმე ინფიცირების გამო. უპირატესად ვლინდება სასუნთქი ორგანოების დაავადებები (ფილტვების, ბრონქების, ცხვირის, ყურის დანამატი ღრუების ანთება), რაც ხანგრძლივად, ნელა მიმდინარეობს, შეიძლება ჩამოყალიბდეს ბრონქების გაფართოება (ბრონქოექტაზიები) ან პნევმოსკლეროზი.
შეძენილი იმუნოდეფიციტის სინდრომის მქონე ადამიანები, უმრავლეს შემთხვევაში, დასნებოვნდებიან ციტომეგალოვირუსით ან პნევმოცისტებით (უმარტივესები, რომლებიც ნორმალური იმუნიტეტისას დაავადებას არ იწვევს).
იმუნიტეტის დარღვევაზე შეიძლება ვიეჭვოთ, თუ აღინიშნება:
- სპონტანური აბორტი, ნაადრევი მშობიარობა, ახალშობილის სიკვდილი;
- ორსულობისას გართულებები, ბავშვის თანდაყოლილი ჰიპოტროფია, დღენაკლულობა;
- ორსულობისას დედის მიერ გადატანილი დაავადებები (წითურა, ტოქსოპლაზმოზი, ციტომეგალია და ა.შ.);
- განმეორებითი ინფიცირება, ახლო ნათესავებში აუტოიმუნური დაავადებები, შერჩევითი იმუნოდეფიციტი (იმუნოგლობულინების), სისხლში ლიმფოციტების რაოდენობის დაქვეითება დაავადების კლინიკური ნიშნების გამოვლენის გარეშე;
- ადენოიდების მოშორება, დასხივება, იმუნიტეტის დამაქვეითებელი პრეპარატების მიღება, სისხლის პრეპარატები დამატებითი საშიშროებაა იმუნიტეტის დაქვეითებისათვის.
