შეუძლია თუ არა ვარჯიშს შეამციროს სარძევე ჯირკვლის კიბოს განვითარების რისკი
ერთ-ერთი კვლევის თანახმად, ვარჯიშის გაზრდამ და სხეულის ცხიმის შემცირებამ შეიძლება შეამციროს სარძევე ჯირკვლის კიბოს რისკი ქალებში პოსტმენოპაუზის პერიოდში.
მკვლევარებმა დაადგინეს, რომ პოსტმენოპაუზის დროს ქალები, რომლებიც კვირაში სულ მცირე 300 წუთი ვარჯიშობდნენ, უფრო წარმატებულები იყვნენ სხეულის ცხიმის შემცირების საკითხში, ვიდრე ისინი, ვინც ვარჯიშობდნენ ნახევარი დროის (150წუთი) განმავლობაში. სხეულის ცხიმის შემცირებამ შესაძლოა გარკვეული როლი ითამაშოს სარძევე ჯირკვლის კიბოს რისკის შემცირებაში.
საერთო ჯანმრთელობისთვის, უმჯობესია, ფიზიკური აქტივობა კვირაში მინიმუმ 150 წუთის განმავლობაში ზომიერი ინტენსივობით, ან კვირაში 60-დან 75 წუთამდე ენერგიული ინტენსივობით. ეს შეადგენს დაახლოებით 30 წუთს დღეში, კვირაში ხუთი დღე.
ზოგიერთი კვლევის მიხედვით, ვარჯიშის ხანგრძლივობა შეიძლება ასოცირებული იყოს სარძევე ჯირკვლის კიბოს რისკის შემცირებასთან. მიუხედავად იმისა, რომ უმეტეს დღეებში 30 წუთი ვარჯიში საკმარისია, უმეტეს დღეებში 60 წუთიანი ვარჯიში შეიძლება კიდევ უფრო უკეთესი იყოს, როდესაც საქმე ეხება სიმსივნის რისკის შემცირებას.
100-ზე მეტი კვლევა ასევე ამყარებს იმ აზრს, რომ ცხიმის დაკარგვა მნიშვნელოვანი ფაქტორია პოსტმენოპაუზისას სარძევე ჯირკვლის კიბოს რისკის შესამცირებლად.
ნელ-ნელა ჩართეთ ვარჯიში თქვენს ყოველკვირეულ რუტინაში, გონივრული რაოდენობით.
დადებითად მოქმედებს აერობიკა. სიარული, ცურვა, სირბილი, ველოსიპედით სეირნობა აერობიკული ვარჯიშის მხოლოდ რამდენიმე მაგალითია.
აერობიკის უპირატესობებში შედის:
- ქოლესტერინის და არტერიული წნევის შემცირება;
- ამტანობის გაზრდა;
- წონის კლება და ნორმალური წონის შენარჩუნება;
- სტრესის შემსუბუქება;
- გაუმჯობესებული ძილი
ნებისმიერი სავარჯიშო პროგრამის დაწყებამდე მნიშვნელოვანია ექიმთან საუბარი.