ადამიანის იმუნოდეფიციტის ვირუსი წამალს ნაწლავებში ემალება
ერთ-ერთ ასეთ "თავშესაფარს" ნაწლავების ლიმფოიდური ქსოვილი წარმოადგენს.
ამერიკის ალერგიისა და ინფექციურ დაავადებათა ნაციონალურმა ინსტიტუტმა ჩაატარა კვლევა, რომელშიც რვა აივინფიცირებული ადამიანი მონაწილეობდა. ისინი რამდენიმე წლის განმავლობაში იღებდნენ ანტირეტროვირუსულ პრეპარატებს, თავს კარგად გრძნობდნენ და სისხლში ვირუსის შემცველობა დაბალი ჰქონდათ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მეცნიერებმა შეისწავლეს პაციენტების ნაწლავთა ლიმფოიდური ქსოვილის ნიმუშები და მათში ადამიანის იმუნოდეფიციტის ვირუსი აღმოაჩინეს. მისი სამიზნე უჯრედების (ჩD4+ უჯრედები) დონეც ნორმაზე დაბალი იყო.
აღმოჩნდა, რომ ნაწლავში ნაპოვნი ვირუსის დნმ ლეიკოციტებში არსებულის დნმ-ს ჰგავდა, რაც მოწმობს, რომ ვირუსის რეპლიკაციის შემდეგ ეს ორი ქსოვილი გამუდმებით აინფიცირებდა ერთმანეთს და რომ ნაწლავური რეზერვუარი დანარჩენი ქსოვილებისგან იზოლირებული არ არის.
მეცნიერთა აზრით, რაც უფრო ადრე დაიწყება შიდსის მკურნალობა, მით უფრო ნაკლები ვირუსი მოახერხებს რეზერვუარში თავის შეფარებას.
