ჰიპერტენზია - მოხუცებულთა ჭკუასუსტობის წამალი
მკვლევარებმა გააანალიზეს 70-დან 85 წლამდე ასაკის იმ პაციენტთა ფიზიოლოგიური და გონებრივი მაჩვენებლები, რომლებსაც მაღალი არტერიული წნევა ჰქონდათ. ავადმყოფებმა, რომლებიც ექიმების რჩევებს მისდევდნენ, მხედველობითი მეხსიერების, კონცენტრაციისა და მეხსიერების ტესტირებისას გაცილებით უარესი შედეგები აჩვენეს, ვიდრე მათ, ვინც წნევის საწინააღმდეგო მედიკამენტებს იშვიათად იღებდა. ამ შედეგებმა ექიმები და პაციენტები არჩევანის წინაშე დააყენა: ან ჰიპერტენზია, ან გონებრივი ფუნქციის დარღვევა. აქამდე მიაჩნდათ, რომ ჰიპოტენზიური თერაპია ჭკუასუსტობით დაავადებულთა მდგომარეობას ამსუბუქებდა, ვინაიდან ჭკუასუსტობა და ინტელექტუალური დარღვევები სწორედ არტერიული წნევის ხანგრძლივი მატების შედეგი იყო. ბენ-გურიონის უნივერსიტეტში ეს მოსაზრება უარყვეს. აქაური მეცნიერები მიიჩნევენ, რომ საბოლოო დასკვნამდე აუცილებელია გამოვიკვლიოთ, რატომ მოქმედებს სისხლის წნევა გონებრივ მაჩვენებლებზე და როგორ გავლენას ახდენს ჭკუასუსტობაზე ჰიპოტენზიური მკურნალობა.