დისლექსია და კულტურული კუთვნილება
დაავადების განვითა-რების სხვადასხვა მექანიზმის შესახებ პირველი თეორია გამოითქვა 2004 წელს, მას შემდეგ, რაც ჰონკო-ნგის უნივერსიტეტში ერთმანეთს შეადარეს დისლექსიით დაავადებული ჩინელი და ინგლისელი ბავშვე-ბის თავის ტვინის მაგნიტურ-რეზონანსული კვლევის მონაცემები. ბრიტანელებისგან განსხვავებით, ჩინელ ბავშვებს საფეთქელ-თხემისა და საფეთქელ-კეფის უბნებში ანომალია არ აღენი-შნებოდათ, სამაგი-ეროდ, ჯანმრთელი ბავშვებისგან შუბლის წინა წილის მცირე ზომით გამოირჩეოდნენ. მკვლევარები ვარაუდობენ, რომ ამ განსხვავების მიზეზი შესაძლოა ჩინური დამწერლობის თავისებურება იყოს: მაშინ, როცა ევროპელები სიტყვებს ბგერების აღმნიშვნელი ასოებისგან ადგენენ, ჩინელებს მთელი სიტყვის აღმნიშვნელი პიქტოგრამების დამახსოვრება უხდებათ. ამ თეორიის დამტკიცება არც ისე ადვილი გამოდგა, ვინაიდან ტვინის ხსენებულ უბნებში ცვლილებების აღმოჩენა ჩვეულებრივი მაგნი-ტურ-რეზონანსული კვლევით შეუძლებელია. მკვლევარებმა თავიანთი ჰიპოთეზის დასადასტურე-ბლად სპეციალური მაგნიტურ-რეზონანსული ტომოგრაფია გამოიყენეს. ეს მეთოდიკა ტვინის სხვადასხვა უბნის სამგანზომილებიანი გამოსახულების მიღების საშუალებას იძლევა და ზომაში უმნიშვნელო განსხვავებასაც კი აფიქსირებს. დისლექსიით დაავადებული ჩინელი ბავშვების გამოკვლევის შედეგად გაირკვა, რომ მათ შუბლის წინა წილში რუხი ნივთიერება ნორმაზე ნაკლები აქვთ. დაავადების განვითარების განსხვავე-ბული მოდელის აღმოჩენამ მკურნალობის ახალი მეთოდების აუცილებლობა შექმნა. მეცნიერებს განზრახული აქვთ, დისლექსიით დაავადებულ ევროპელ ბავშვებს ასწავლონ `ჩინურად~ კითხვა, ანუ სიტყვის არა ცალკეული ასოებისგან შედგენა, არამედ მისი ერთიან გრაფიკულ ნიმუშად დამახსოვრება.