გახდომა დიეტის გარეშე
ლაპარაკია ე.წ. ანგიოტენზინგარდამქმნელ ფერმენტზე. ეს ის ნივთიერებაა, რომელიც სისხლძარღვთა შევიწროებასა და არტერიული წნევის მატებას იწვევს. ადრე ჩატარებული ცდების მეშვეობით მეცნიერებმა დაადგინეს, რომ ანგიოტენზინგა-რდამქმნელი ფერმენტი აქტიურია ცოცხალი ქსოვილის უჯრედებში და შეუძლია, ხელი შეუწყოს ცხიმების დაგროვებას. ამ ჰი-პოთეზის შესამოწმებლად მეცნიერებმა გამოიყვანეს თაგვების ჯიში, რომელსაც საერთოდ არ გააჩნდა ამ ფერმენტის მაკოდი-რებელი გენი. ფერმენტის უქონლობამ თაგვებში წონის 20%-ით კლება და ცხიმოვანი ნადების მოცულობის 50-60%-ით შემცი-რება გამოიწვია, თუმცა ექსპერიმენტული მღრღნელები იმდენსავე საკვებს მოიხმარდნენ, რამდენსაც ჩვეულებრივი თაგვები. გარდა ამისა, გენეტიკურად მოდიფიცირებული ცხოველების ორგანიზმი უფრო სწრაფად ითვისებდა გლუკოზას, რაც შაქრიანი დიაბეტის განვითარების რისკის შემცირებაზე მეტყველებდა. ამჟამად ანგიოტენზინგარდამქმნელი ფერმენტის ბლოკატორებს ჰიპერტენზიის სამკურნალოდ იყენებენ. მეცნიერთა ვარაუდით, შესაძლოა, მომავალში ეს და მსგავსი პრეპარატები სიმსუქნის სამკურნალოდაც იქნეს გამოყენებული.