ჰიპერტენზია - არტერიული წნევის მატება - მკურნალი.გე

რუბრიკები

ოჯახის მკურნალის ანონსი

მარტი 2020

ჰიპერტენზია - არტერიული წნევის მატება

ჰიპერტენზია - არტერიული წნევის მატება
ჩვენი ორგანიზმის ბიოლოგიური ტუმბო - გული მუდმივი შეკუმშვებით მთელ ორგანიზმს, თითოეულ ორგანოს, ქსოვილსა და უჯრედს ჟანგბადითა და საკვები ნივთიერებებით გაჯერებულ სისხლს მუდმივად აწვდის.

ჩაკეტილ სისხლის მიმოქცევის სისტემაში მოძრაობისას სისხლი აწვება მათ კედლებს და ზეწოლით წარმოქმნის არტერიულ წნევას, რომელიც ვერცხლისწყლის სვეტით მილიმეტრებში იზომება და ორი მაჩვენებელი გააჩნია: ზედა - სისტოლური, ქვედა - დიასტოლური წნევა.


სისტოლურ წნევას განსაზღვრავს ძალა, რომლითაც გული სისხლს უმსხვილეს სისხლძარღვებში გადაისვრის, ეს დაახლოებით 60-70 მლ სისხლია.

დიასტოლურ წნევას კი განსაზღვრავს ძალა, რომლითაც სისხლი გულის მოდუნების პერიოდში მოქმედებს არტერიათა
კედლებზე.

სისხლძარღვის ტიპის მიხედვით განირჩევა: არტერიული, კაპილარული და ვენური წნევა.


არტერიული წნევის ნორმები
არტერიული წნევა ორგანიზმის ყველაზე სწრაფად და ხშირად ცვლადი ფიზიოლოგიური მაჩვენებელია, რომელიც უპირველესად დამოკიდებულია ასაკზე.

ასაკის მიხედვით კი არტერიული წნევის ნორმები ასეთია:


სპეციალისტთა რეკომენდაციათა მიხედვით არტერიული წნევის:

  • ოპტიმალური მაჩვენებელი - 120/80-ზე;
  • ნორმალური მაჩვენებელი - 150/85-ზე.


არტერიულ წნევაზე მოქმედი ფაქტორები
არტერიული წნევის სიმაღლეს მრავლობითი ფაქტორი განსაზღვრავს, თუმცა ზოგჯერ იგი ფიზიოლოგიურადაც იცვლება - მატულობს სტრესულ სიტუაციაში და ქვეითდება ძილისას. ზოგს მომატებული ან დაქვეითებული მაჩვენებელი გენეტიკურად გააჩნია და არ უკავშირდება რაიმე პათოლოგიურ პროცესს.

დაბალი წნევა ნორმალურია ახალშობილებისთვის, მოზარდებისთვის სქესობრივი სიმწიფის პერიოდში.

ჯანმრთელ ადამიანს შესაძლოა წნევის მაჩვენებელი დღე-ღამის განმავლობაში რამდენჯერმე შეეცვალოს ფიზიკური დატვირთვის, თამბაქოს წევის ან მუქი ჩაისა და კოფეინით მდიდარი სასმელების დალევის შემდეგ.

საზოგადოდ კი, ადამიანის არტერიული წნევის მაჩვენებელს განაპირობებს:

  • გულის შეკუმშვათა სიხშირე, რომლის დროსაც სისხლი სისხლძარღვებში გადაისროლება;
  • სისხლძარღვთა კედლების ხარისხი, მათი ელასტიკურობა, რომლითაც ისინი წინააღმდეგობას უწევენ სისხლის დინებას;
  • ორგანიზმში მოცირკულირე სისხლის მოცულობა და მისი სიბლანტე;
  • მუცლისა და გულმკერდის ღრუებში ატმოსფერული წნევის ცვალებადობა;
  • სუნთქვითი მოძრაობების ინტენსივობა;
  • გარემოს ტემპერატურა;
  • ადამიანის ფსიქოლოგიური მდგომარეობა;
  • ზოგიერთი სახის სამკურნალო პრეპარატი.


არტერიული წნევა რომ არ შეიცვალოს

წნევის მაჩვენებელზე მოქმედ ფაქტორთა სიმრავლის მიუხედავად, რომლებიც მუდმივად ცვლიან მას, ჯანმრთელი ადამიანის ნორმალური წნევა თითქმის მუდმივი რჩება, რადგან ორგანიზმი აღჭურვილია არტერიული წნევის მარეგულირებელი საკმაოდ რთული და ეფექტიანი მექანიზმებით.

ისინი წნევის მაჩვენებლის შეცვლისთანავე იწყებენ მოქმედებას და შეცვლილ მაჩვენებელს დროულად უბრუნებენ ნორმას, ეს ზოგჯერ მაპროვოცირებელი ფაქტორის მოქმედების შეწყვეტისთანავე ხდება, ზოგჯერ კი წნევის ნორმალურ საზღვრებში დაბრუნება ფაქტორის ზემოქმედებითაც შესაძლებელია. თუმცა ზოგჯერ ირღვევა წნევის სარეგულაციო მექანიზმთა მუშაობა, რასაც არტერიული წნევის მაჩვენებლის მყარი ცვლილება, მისი დიდი ხნით გაზრდა ან, პირიქით, შემცირება მოჰყვება.

არტერიული წნევის ცვლილებას, როდესაც ის მყარად მომატებულია, არტერიული ჰიპერტენზია ჰქვია, მის მყარ დაქვეითებას კი არტერიულ ჰიპოტენზიად მოიხსენიებენ.

ციფრები:

  • უკანასკნელი მონაცემებით, მსოფლიოში ყოველ ზრდასრულ მეხუთე ადამიანს ჰიპერტენზია ახასიათებს;
  • ინსულტებისა და მიოკარდიუმის ინფარქტის შემთხვევათა 50%-ის მიზეზი სწორედ არტერიული ჰიპერტენზიაა;
  • ჰიპერტენზიის სხვადასხვა გართულება მსოფლიოში ყოველწლიურად 9,4 მილიონი ადამიანის გარდაცვალების მიზეზი ხდება;
  • მაღალ დონეზე განვითარებულ ქვეყნებში დიაგნოსტიკის სიმარტივემ და მედიკამენტური მკურნალობის ხელმისაწვდომობამ მკვეთრად შეამცირა არტერიული ჰიპერტონიის მქონე ადამიანთა რიცხვი;
  • თუ აშშ-ში 1980-იან წლებში ჰიპერტონიკები მოსახლეობის 31%-ს შეადგენდნენ, ახლა ეს მაჩვენებლი 18%-მდეა შემცირებული;
  • დაბალი და საშუალო დონის განვითარების ქვეყნებში მოსახლეობის 25-30%-ს არტერიული წნევის მატება და მასთან დაკავშირებული პრობლემები აწუხებს;
  • ადამიანთა დიდმა ნაწილმა ხშირად არც კი იცის, რომ არტერიული წნევის მაღალი მაჩვენებელი აქვს, ეს ცვლილება ყოველგვარი სიმპტომის გარეშე მიმდინარეობს, ამიტომ ხშირად უსიმპტომო ჰიპერტენზია მოულოდნელი სიურპრიზი აღმოჩნდება ხოლმე. ამის გამო არტერიულ ჰიპერტენზიას “ფარულ მკვლელსაც” უწოდებენ.

ჰიპერტენზია შესაძლოა გართულდეს:

  • მიოკარდიუმის ინფარქტით;
  • გულის კუნთის გადიდებით;
  • გულის უკმარისობით;
  • სისხლძარღვოვანი დაზიანებების – ანევრიზმების გასკდომით;
  • თავის ტვინში სისხლის მიმოქცევის მოშლით – ინსულტებით;
  • თირკმლის უკმარისობით;
  • მხედველობის გაუარესებით;
  • კოგნიტური უნარების დარღვევით;

გართულებათა განვითარებას აჩქარებს:

  • თამბაქოს მოხმარება;
  • ალკოჰოლის ბოროტად გამოყენება;
  • ხშირი სტრესები;
  • ჭარბი წონა;
  • სისხლში ქოლესტერინის მაღალი მაჩვენებელი;
  • ნაკლებმოძრავი ცხოვრების წესი;
  • შაქრიანი დიაბეტი.

საწყის ეტაპზე წნევის მყარი ცვლილება თითქმის ყოველთვის შეგუებით-თავდაცვითი რეაქციაა, რომელიც მოსალოდნელი პათოლოგიური პროცესის ჩამოყალიბებაზე მიგვანიშნებს, სწორედ ამიტომ წნევის პირველივე მყარი ცვლილებისას სპეციალისტთან დაუყოვნებელი კონსულტაციაა საჭირო.
გააკეთეთ კომენტარი
კომენტარი არ გაკეთებულა
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
ყოველწლიურად გულის შეტევით კვდება დაახლოებით 7 მილიონამდე ადამიანი. ზოგადად, კარდიოვასკულარული დაავადება,
კარდიოლოგები გვაფრთხილებენ, რომ ზამთრის პერიოდში ტემპერატურის დაქვეითების ფონზე, განსაკუთრებული ყურადღება უნდა მივაქციოთ გულისა და სისხლძარღვების
არტერიული ჰიპერტენზიით დაავადებულთა საკმაოდ დიდ ნაწილზე სამედიცინო პერსონალის მიერ წნევის გაზომვა ცუდად მოქმედებს. ამ მდგომარეობამ
სპეციალისტები გვაფრთხილებენ, რომ კარგი შეგრძნების შემთხვევაშიც კი პერიოდულად არტერიული წნევის კონტროლი აუცილებელია.
ჩეხი მეცნიერების რჩევით, თუ ადამიანს დიაგნოსტირებული აქვს გულსისხძარღვთა სისტემის დაავადება, მას აუცილებლად უნდა
ცუდი სტატისტიკა: მსოფლიოში სიკვდილიანობის 31% გულისა და სისხლძარღვთა სისტემის დარღვევის შედეგია.
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად