იაპონელმა მეცნიერებმა ახალი კბილების ამოსაყვანი პრეპრატის გამოცდა უკვე ადამიანებში დაიწყეს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

იაპონელმა მეცნიერებმა ახალი კბილების ამოსაყვანი პრეპრატის გამოცდა უკვე ადამიანებში დაიწყეს

იაპონელი სტომატოლოგების თქმით, დაკარგული კბილების მქონე ადამიანები ახლის გაზრდას შეძლებენ.

ისინი იკვლევენ ინოვაციურ პრეპარატს, რომელიც გამიზნულია გახდეს პროთეზირების და იმპლანტაციის ალტერნატივა. ამის შესახებ საინფორმაციო სააგენტო France 24 ოსაკას კიტანოს ჰოსპიტალის სამედიცინო კვლევითი ინსტიტუტის პირის ღრუს ქირურგიის განყოფილების ხელმძღვანელ კაცუ ტაკაჰაშიზე დაყრდნობით წერს.

მისმა გუნდმა კლინიკური კვლევები კიოტოს საუნივერსიტეტო ჰოსპიტალში ოქტომბერში დაიწყო. ზრდასრულ მოხალისეებს ეძლევათ ექსპერიმენტული ანტისხეულების პრეპარატი „დამალული“ კბილების ზრდის სტიმულირებისთვის. როგორც მეცნიერებმა განმარტეს, ადამიანებს კბილების მხოლოდ ორი ნაკრები (სარძევე და მუდმივი) ეზრდებატ. თუმცა, კაცუ ტაკაჰაშის თქმით, მესამე თაობის კბილების „მიძინებული“ ჩანასახები ღრძილების ქვეშ იმალება.

კბილების პროთეზირება ძვირადღირებული პროცედურაა. ბუნებრივი კბილების აღდგენა უფრო იაფი და პაციენტისთვის ნაკლებად უსიამოვნო მანიპულაციებით იქნება შესაძლებელი, დარწმუნებულნი არიან იაპონელი ექიმები. სტომატოლოგები პრიორიტეტულად მიიჩნევენ ბავშვებს, რომლებსაც დაბადებიდან ექვსი ან მეტი მუდმივი კბილი აკლიათ.

თანდაყოლილი ადენტია არის პათოლოგია, რომლის დროსაც თანკბილვას აკლია ექვსი ან მეტი კბილი. ეს მდგომარეობა ვითარდება კბილის ჩანასახების წარმოქმნის დარღვევის გამო. ამ დაავადების გამომწვევი მრავალი გენი საერთოა თაგვებსა და ადამიანებს შორის. თანდაყოლილი ადენტიის მქონე პაციენტები კბილებს ადრეული ბავშვობიდან კარგავენ, როცა ყბის ძვალი ჯერ კიდევ ვითარდება, ამიტომ მათი მკურნალობა პროთეზებით ან იმპლანტით რთულია. როდესაც ბავშვები იზრდებიან, მათ უვითარდებათ პირის ღრუს სისუსტე (ჭამის უნარის დაქვეითება), მაგალითად, ყბის ძვლის ატროფია, რაც უარყოფითად აისახება ზრდაზე.

მემკვიდრეობითი დარღვევა ვლინდება ადამიანების დაახლოებით 0.1%-ში, რომლებსაც აქვთ ღეჭვის მძიმე პრობლემები, თქვა ტაკაჰაშიმ. მკვლევარებს სურთ წამალი ურეცეპტოდ ხელმისაწვდომი გახადონ უკვე 2030 წელს. თაგვებში ანტისხეულებით მკურნალობამ უკვე მოახდინა ეფექტი.

  • ჩენფეი ჟანგი, ჰონგ კონგის უნივერსიტეტის ენდოდონტიის კლინიკური პროფესორი, ამბობს, რომ ტაკაჰაშის მეთოდი "ინოვაციურია და დიდი პოტენციალი აქვს", მაგრამ "ჰიპოთეზა, რომ ადამიანებს აქვთ ლატენტური კბილის ჩანასახები, რომლებსაც შეუძლიათ კბილების მესამე ნაკრების გამომუშავება, რევოლუციური და საკამათოა. " მან ხაზგასმით აღნიშნა, რომ „ცხოველებში დაფიქსირებული შედეგები ყოველთვის არ ვრცელდება უშუალოდ ადამიანებზე“.

თაგვებზე და ბოცვრებზე ტესტირების პირველი ეტაპი 11 თვე გაგრძელდა. შემოთავაზებული პრეპარატი ახდენს მუცლადყოფნის დროს სენსიბილიზაციასთან დაკავშირებულ გენი-1 (USAG-1) პროტეინის დეაქტივაციას. სწორედ ეს პროტეინი თრგუნავს კბილების ზრდას. USAG-1-ის სხვა ცილებთან ურთიერთქმედების ბლოკირება ასტიმულირებს ძვლის მორფოგენეტიკური ცილის (BMP) სიგნალიზაციას, რაც იწვევს ახალი ძვლის წარმოქმნას. ამან გამოიწვია ახალი კბილების გაჩენა თაგვებსა და ბოცვრებში - სახეობებში, რომლებსაც აქვთ USAG-1-ის თითქმის იგივე თვისებები, რაც ადამიანებს. მოლეკულური ბიოლოგი და სტომატოლოგი კაცუ ტაკაჰაში 2005 წლიდან მუშაობს კბილების რეგენერაციაზე.