ოკუპირებულ მარიუპოლში სამედიცინო კოლაფსია, ქალაქი მედიკამენტებისა და ექიმების დეფიციტს განიცდის - უკრაინული მედია
ინფორმაციას უკრაინული მედია ავრცელებს.
მარიუპოლის მერის მრჩევლის პეტრო ანდრიუშჩენკოს თქმით, ქალაქში ამჟამად როგორც სპეციალიზებული პროფესიონალების, ასევე თერაპევტების ნაკლებობაა.
„პროპაგანდისტების მშვენიერი სურათების მიუხედავად, ქალაქში ექიმების კატასტროფული დეფიციტია. ოკუპანტებმა უკვე დაიწყეს 80 წელს გადაცილებული პენსიონერების დაყოლიება სამსახურში დაბრუნებასთან დაკავშირებით. საუბარია ჩვეულებრივ თერაპევტებზე, რომ აღარაფერი ვთქვათ სპეციალიზებული პროფესიონალების ნაკლებობაზე“, - განაცხადა ანდრიუშჩენკომ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მარიუპოლის მერის მრჩეველმა აღნიშნა, რომ ეს სამედიცინო სერვისების სრული პარალიზებისა და კოლაფსის აშკარა დემონსტრირებაა. მანვე დასძინა, რომ ამ მდგომარეობაში არსებული სამედიცინო მომსახურებით, ნებისმიერი ინფექციური დაავადება მომაკვდინებელ ეპიდემიად გადაიქცევა.
მედიის ცნობით, მარიუპოლში უკიდურესად მძიმე ეპიდემიური ვითარებაა, მათ შორისაა ქოლერის ეპიდემიის საფრთხე ქალაქში მასობრივი სამარხებისა და ქუჩებში დაყრილი ნაგვის გამო.
