ცვლაში მუშაობა მენოპაუზის დადგომას აფერხებს
კერძოდ, ზრდის ინფარქტის, ინსულტის, ტიპი 2 შაქრიანი დიაბეტის, კუჭის წყლულის, პროსტატის, ნაწლავის და სარძევე ჯირკვლის კიბოს განვითარების რისკს.
კანადელმა მკვლევარებმა გადაწყვიტეს გამოერკვიათ როგორ მოქმედებს ცვლაში მუშაობა მენოპაუზის დადგომის ასაკზე. საქმე ისაა, რომ ძალიან ნაადრევი და გვიანი მენოპაუზა ქრონიკული დაავადებებისა და ნაადრევი სიკვდილის რისკს ზრდის. როგორც დადგინდა, მენოპაუზის დაწყების ასაკზე ძალიან მოქმედებს ისეთი ფაქტორები, როგორიცაა: სიგარეტის მოწევა, მშობიარობების რაოდენობა და სოციალურ-ეკონომიკური მდგომარეობა.
მეცნიერებმა ივარაუდეს, რომ ასეთ ფაქტორს შეიძლება ასევე წარმოადგენდეს ცვლებში მუშაობა, რადგანაც ამგვარი გრაფიკი იწვევს ორგანიზმის შინაგანი ბიოლოგიური რითმების (ცირკადული რითმების) დარღვევას, რაც უარყოფითად აისახება ოვულაციასა და ფერტილობაზე. ამას გარდა, ღამით მუშაობისას, ხელოვნური განათების მოქმედება თრგუნავს ჰორმონ მელატონინის გამომუშავებას, რაც ასევე არღვევს საკვერცხეების მუშაობას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მენოპაუზის პერიოდში მყოფი თითქმის 3700 ქალის მონაცემების ანალიზმა აჩვენა, რომ რაც უფრო ქაოტურია მუშაობის გრაფიკი, მით გვიან დგება მენოპაუზა. ამასთან, თუ ქალი მუდმივად ღამით მუშაობს, მენოპაუზა ძალიან ადრე დგება.
მკვლევარების განცხადებით, ჯერჯერობით ბოლომდე არაა ნათელი წარმოადგენს თუ არა ამგვარი ეფექტი ცირკადული რითმების დარღვევის პირდაპირ შედეგს, თუ ცვლით სამუშაოსთან დაკავშირებული კიდევ სხვა ფაქტორები, მაგალითად ქრონიკული სტრესი ასრულებს მნიშვნელოვან როლს.
