ძუძუთი კვება შაქრიანი დიაბეტის, მაღალი არტერიული წნევისა და გულის დაავადებების განვითარების რისკს ამცირებს
ძუძუთი კვება სასარგებლოა და ის დედიკოებს გულის დაავადებების, შაქრიანი დიაბეტისა და მაღალი არტერიული წნევის განვითარებისაგან იცავს. 2022 წლის კვლევის შედეგები, რომელიც ამერიკის გულის ასოციაციის ჟურნალში გამოქვეყნდა, აჩვენებს, რომ ძუძუთი კვება( მცირე ხნითაც კი) ქალბატონებს მომავალში გულის დაავადებებისგან იცავს.
როგორც კვლევისას აღმოჩნდა, ქალებს, რომლებიც ბავშვს ძუძუთი კვებავდნენ, გულის კორონარული დაავადებების განვითარების რისკი 14%-ით ნაკლები ჰქონდათ, ვიდრე მათ, რომლებსაც ბავშვები ხელოვნურ კვებაზე ჰყავდათ. ამასთან, ძუძუთი კვება 12%-ით ამცირებს ინსულტის რისკს, ხოლო ინფარქტითა და ინსულტით გარდაცვალების რისკს 17%-ით.
კვლევა არ პასუხობს კითხვას, თუ რატომ აქვს ძუძუთი კვებას გულის ჯანმრთელობაზე დადებითი ზეგავლენა, თუმცა შესაძლო ახსნა ასეთია:კვლევის ერთ-ერთი ავტორის განცხადებით, ძუძუთი კვება მშობიარობის შემდგომ წონის კლებას უწყობს ხელს, რაც ავტომატურად გულ-სისხლძარღვთა დაავადებების შემცირებულ რისკთან ასოცირდება. ამას გარდა, ძუძუთი კვება მეტაბოლური დარღვევების რისკსაც ამცირებს, რაც ნიშნავს, რომ მაღალი ქოლესტერინის და შაქრიანი დიაბეტის განვითარების შანსები მცირდება. "ცუდი" ქოლესტერინის მაღალი დონე და შაქრიანი დიაბეტი კი გულ-სისხლძარღვთა დაავადებების განვითარების რისკ ფაქტორებია.ასე რომ, ძუძუთი კვება ქალის კარდიომეტაბოლურ ჯანმრთელობაზე სასარგებლო ზეგავლენა აქვს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
კვლევებმა აჩვენა, მშობიარობიდან მრავალი წლის შემდეგაც, ქალბატონებს, რომლებიც შვილებს ძუძუს აწოვებდნენ,ღვიძლსა და მუცელში ნაკლები ცხიმის დეპოები აღენიშნებოდათ. 2021 წელს ჩატარებული კვლევის თანახმად კი, ძუძუთი კვება ორი ტიპის ცხიმს ამცირებს, რომლებიც გულის დაავადებებთან ასოცირდება. ესენია: ვისცერალური ცხიმი ანუ მუცლის ცხიმი და პერიკარდიუმის ცხიმი, რომელიც გულის გარედან გროვდება.
2019 წლის კვლევები აჩვენებს, რომ ქალებმა, რომლებმაც მინიმუმ ერთი შვილი გააჩინეს და 6 თვეზე მეტხანს ჰყავდათ ბავშვები ძუძუთი კვებაზე, ღვიძლის გაცხიმოვნების რისკი განახევრებული ჰქონდათ, ვიდრე მათ, ვინც ბავშვებს 1 თვეზე ნაკლები დროით აწოვებდა ძუძუს.
