რომელია აქედან სინამდვილე და რომელი ტყუილი?

• შველის გაციებას

სინამდვილეში: ალკოჰოლი იმუნიტეტს აქვეითებს, ამიტომ მსმელები გაცილებით ხშირად ავადმყოფობენ. გაციებას ორგანიზმი თვითონვე მოერევა, მთავარია, ხელი არ შევუშალოთ. სასარგებლოა არა ჭიქა არაყი, არამედ წოლითი რეჟიმი, მოსვენება, იმუნიტეტის გაძლიერება (მაგალითად, ასკორბინის მჟავა) და სიმპტომური მკურნალობა (ცხვირის წვეთები, სავლები და სხვა).

• აძლიერებს მადას

სინამდვილეში: ალკოჰოლი აღიზიანებს კუჭის ლორწოვან გარსს, იწვევს გასტრიტს, წყლულს, პანკრეატიტს, არღვევს საკვები ნივთიერებების შეთვისების პროცესს და იწვევს დისტროფიის განვითარებას.

• აუმჯობესებს განწყობას

სინამდვილეში: ალკოჰოლი ნარკოტიკულ თრობას იწვევს. თუ ადამიანს განწყობის ასამაღლებლად ალკოჰოლი სჭირდება, სავარაუდოდ, უკვე ალკოჰოლური დამოკიდებულება აქვს ჩამოყალიბებული.

• ხსნის დაღლილობას

სინამდვილეში: ალკოჰოლი ახდენს თავის ტვინის ქერქის აქტივობის პარალიზებას და იწვევს შეკავებას. დაღლილობის მოსახსნელად საჭიროა დასვენება და სხვა საქმით დაკავება.

• ხსნის სტრესს

სინამდვილეში: იწვევს დროებით ნარკოზს, რომლისგან გამოსვლაც თავად სტრესზე მძიმეა. სტრესის დროს უმჯობესია სამუშაოში ან ჰობიში ჩაფლობა, ოჯახთან ურთიერთობა, აუტოტრენინგი, რელაქსაცია, მედიტაცია, სპორტი.

• აუმჯობესებს ძილს

სინამდვილეში: ნარკოტიკულ ძილს იწვევს. მსმელს ტანჯავს უძილობა, რომელსაც საბოლოოდ თეთრ ცხელებამდე ან სხვა სახის ალკოჰოლურ ფსიქოზამდე მივყავართ.

• ზრდის პოტენციას

სინამდვილეში: ალკოჰოლი იწვევს სათესლეების ფუნქციის დეგენერაციას, აქვეითებს მამაკაცის სასქესო ჰორმონის - ტესტოსტერონის გამომუშავებას, რის შედეგადაც ერექციული დისფუნქცია ვითარდება.

• კალორიულია

სინამდვილეში: ის პროდუქტი კი არა, ნარკოტიკული შხამია. ალკოჰოლიკები ხშირად იღუპებიან გამოფიტვით.

• აფართოებს სისხლძარღვებს

სინამდვილეში: აფართოებს, მაგრამ არა იქ, სადაც საჭიროა. მაგალითად, აფართოებს კუჭის ლორწოვანი გარსის სისხლძარღვებს, ხელს უწყობს გასტრიტის, წყლულის, კუჭიდან სისხლდენის პროვოცირებას.

• ათბობს

სინამდვილეში: აფართოებს კანქვეშა ზედაპირულ სისხლძარღვებს, აძლიერებს ორგანიზმიდან სითბოს გაცემას და გაყინვას.

• შველის დეპრესიისას

სინამდვილეში: ამძიმებს დეპრესიას და ზოგჯერ ადამიანს თვითმკვლელობისკენაც კი უბიძგებს.

• სასარგებლოა გულისათვის

სინამდვილეში: იგი კარდიოტოქსიკური შხამია, რომელიც მიოკარდიოპათიას იწვევს. გულის უკმარისობა ხშირად მსმელი ადამიანების სიკვდილის მიზეზს წარმოადგენს.

• აქვეითებს მომატებულ არტერიულ წნევას

სასმლის მიღებისას არტერიული წნევა მართლა ქვეითდება, მაგრამ თრობიდან გამოსვლისას საწყისზე გაცილებით მაღალ მაჩვენებელს აღწევს.

• ორგანიზმს ტოქსინებისგან წმენდს

სინამდვილეში ის თვითონ არის ტოქსინი.

• ორგანიზმიდან გამოაქვს რადიაცია

რადიაციული დაზიანების სხვადასხვა სამკურნალო საშუალება გამოიყენება, რომელთა ჩამონათვალშიც არაყი ნამდვილად არ არის.

• ხსნის გონებას და აადვილებს ბიზნესის მართვას

პირიქით - თუ გსურთ, დაანგრიოთ საკუთარი ბიზნესი, სვით. სასმელი ადამიანს ადუნებს და უპასუხისმგებლო არსებად აქცევს, წარმატებულ ბიზნესს კი სჭირდება ჭკუა, მოხერხება, პასუხისმგებლობა, ინიციატივის უნარი და სხვა.

• ამეგობრებს ადამიანებს

სინამდვილეში: ალკოჰოლზე დაფუძნებული მეგობრობა მანამდე გრძელდება, ვიდრე ფული გაქვთ. უფულოდ მსმელი ადამიანი მარტოობისთვის არის განწირული.

• აუმჯობესებს შემოქმედებით მონაცემებს

სინამდვილეში: თრგუნავს შემოქმედებით ნიჭს, ანადგურებს თავის ტვინის ქერქის ნეირონებს და იწვევს ჭკუასუსტობას.

• მამაკაცს ძლიერი პიროვნების იმიჯის შექმნაში ეხმარება

სინამდვილეში: ის მამაკაცს სულელურ, უბადრუკ არსებად აქცევს. სჯობს, ქალბატონებს ჰკითხოთ, როგორია, მათი აზრით, ნამდვილი მამაკაცი.

• ცოტ-ცოტა სასარგებლოც კია

სინამდვილეში: ალკოჰოლის (თუნდაც ცოტ-ცოტას) რეგულარული მიღება მავნე ჩვევის ჩამოყალიბებას იწვევს და მოთხოვნილებაში გადაიზრდება.