მამაკაცის უნაყოფობა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მამაკაცის უნაყოფობა

რამ შეიძლება გამოიწვიოს მამაკაცის უშვილობა?

მამაკაცის უშვილობა შეიძლება მრავალმა მიზეზმა გამოიწვიოს. მათ მიეკუთვნება ისეთი დაავადებები, როგორებიც არის:

  • ვირუსული ჰეპატიტი;
  • წითურა;
  • ყბაყურა;
  • შარდსასქესო გზების ტუბერკულოზი;
  • შაქრიანი დიაბეტი;
  • სქესობრივი გზით გადამდები ინფექციები (გონორეა, სიფილისი, შიდსი, ქლამიდიოზი, მიკოპლაზმოზი, ტრიქომონიაზი);
  • სათესლის ან მისი დანამატების ანთება (ორქიეპიდიდიმიტი), კრიპტორქიზმი;
  • ვარიკოცელე;

სხვა მიზეზებია:

  • სათესლე არხის დაზიანება ქირურგიული ოპერაციის დროს;
  • რადიაქტიური დასხივება;
  • ონკოლოგიური დაავადების გამო ჩატარებული ქიმიოთერაპია;
  • თამბაქოს წევა;
  • ნარკომანია;
  • ალკოჰოლიზმი;
  • ანაბოლური სტეროიდების გამოყენება.

ცნობილია უშვილობის გამომწვევი გენეტიკური და იმუნოლოგიური ფაქტორებიც.

რა უნდა გაკეთდეს, როდესაც უშვილობის მიზეზი მამაკაცია?

უპირველეს ყოვლისა, გირჩევთ, ნუ გადაიწურავთ იმედს. თანამედროვე მედიცინას მამაკაცის უშვილობის მკურნალობის კოლოსალური შესაძლებლობა აქვს, ამიტომ საუკეთესო გადაწყვეტილებაა, მიმართოთ ექიმ ანდროლოგს - მამაკაცის უშვილობის საკითხების სპეციალისტს. თქვენ ჩაგიტარებენ დეტალურ გამოკვლევას, რომელიც მიმართული იქნება მამაკაცის უშვილობის ზემოთ ჩამოთვლილი ერთი ან რამდენიმე მიზეზის გამოსავლენად. გამოკვლევას იწყებენ სპერმის შესწავლით. ფასდება მისი გამანაყოფიერებელი უნარი და სხვა პარამეტრები. შემდგომ შეიძლება დაინიშნოს სხვა აუცილებელი კვლევებიც, რომელთა ჩამონათვალს ექიმი ინდივიდუალურად ადგენს:

  • მიკრობიოლოგიური;
  • ჰორმონული;
  • იმუნოლოგიური და გენეტიკური;
  • ულტრაბგერითი და რენტგენოლოგიური.

ზოგიერთ შემთხვევაში შესაძლოა საჭირო გახდეს სათესლე ჯირკვლების ბიოფსიაც.

რამდენად წარამტებულია მამაკაცის უშვილობის მკურნალობა?

სადღეისოდ მამაკაცის უშვილობის არც ერთი ფორმა არ მიიჩნევა განუკურნებლად. მაშინაც კი, როდესაც მამაკაცის სპერმა არ შეიცავს ცოცხალ სპერმატოზოიდებს, შესაძლებელია სპერმატოზოიდების ან მათი წარმომქმნელი უჯრედების აღება პირდაპირ სათესლიდან ან მისი დანამატიდან (დამხმარე ქირურგიული ტექნოლოგიების - TESE-სა და MESA-ს მეშვეობით) და მათი გამოყენება ხელოვნური განაყოფიერებისთვის (IVF, ICSI). ხელოვნური განაყოფიერების თანამედროვე მეთოდების ეფექტურობა 65%-ს აღწევს, თუმცა ცნობილია, რომ უშვილო მამაკაცების 70%-ს შეიძლება წარმატებით ვუმკურნალოთ ხელოვნური განაყოფიერების მეთოდების გამოუყენებლადაც. ამ მკურნალობის საფუძველია უშვილობის გამოვლენილი მიზეზების კორექცია ანტიბიოტიკოთერაპიით, ჰორმონოთერაპიით, იმუნოკორექციის მეთოდებით და სხვ. თესლგამომტანი სადინარის გაუვალობის აღმოჩენის შემთხვევაში ტარდება მიკროქირურგიული ოპერაცია მისი გამავლობის აღსადგენად. ვარიკოცელეს არსებობისას - ქირურგიული ოპერაცია. ვარიკოცელეს თანამედროვე ქირურგიული მკურნალობა კი მიკროქირურგიული ტექნიკის გამოყენებას გულისხმობს. ამდენად, თანამედროვე მედიცინის შესაძლებლობები მამაკაცის უშვილობის მკურნალობის კუთხით განუზომლად ფართოა, რაც იმას ნიშნავს, რომ წარმატების შანსიც უსაზღვროა.