- 8 თვის ბავშვი საკვებს უნდა იღებდეს 5-ჯერ, 4 საათიანი ინტერვალებით, ბოლო და პირველ კვებას შორის შუალედი უნდა იყოს 8 საათი.
დილით უნდა მიიღოს რძე, მეორე კვებაზე ფაფა, მესამეზე ბოსტნეულის წვნიანი და ხორცი (ბულიონი ჯერ ადრეა, თუმცა თუ ბავშვი მას უკვე იღებს, შეგიძლიათ განაგრძოთ, გაითვალსწინეთ, რომ ბულიონის რაოდენობა არ უნდა იყოს 40-50 მლ-ზე მეტი, ის უნდა იყოს მეორე ნახარში, დანარჩენი სითხე კი უნდა იყოს ბოსტნეულის ნახარში); მეოთხე და მეხუთე კვება უნდა იყოს რძე. ასევე ადრეა მაწონიც, მაგრამ თუ ბავშვი მას უკვე იღებს, შეიძლება ის მიიღოს მეოთხე კვებაზე. ხილი შეიძლება როგორც კვებათა შორის, ასევე ჭამის დამთავრებისას.
ამ ასაკის ბავშვისათვის რეკომენდებულია ხაჭო, მოხარშული კვერცხის გული (იწყება მერვედი ნაწილიდან იზრდება ნახევარ კვერცხის გულამდე), სპეციალური საბავშვო პეჩენია, რომელიც იყიდება აფთიაქში.
შეურჩიეთ თქვენს პატარას ამ მენიუდან ის, რაც მას ყველაზე მეტად მოეწონება და თანდათან გაუმდიდრეთ რაციონი ამ პროდუქტებით.